Next
【職場熱話】前員工留隱藏訊息 勸新人快啲走？入職打工仔：HR喺旁邊好尷尬⋯⋯
【職場熱話】前員工留隱藏訊息 勸新人快啲走？入職打工仔：HR喺旁邊好尷尬⋯⋯
2023-12-27
找工作並不容易，到心儀的公司入職就更難，走到入職新公司一步，求職者都要經過重重難關。到新公司報到，難免感到忐忑又興奮，有內地打工仔在社交平台小紅書分享個人經歷，指自己初到新公司上班，打開電腦時竟發現前員工留下隱藏訊息，令他感到不知所措，「HR在旁邊，我們都很尷尬......」
點圖了解更多事主分享：
事主：「話說我今日報到，喺新公司啱啱辦完入手續，去個位開完部電腦，佢哋就叫我返屋企先。
我打開部電腦，見到部電腦個Icon張圖寫住『呢間公司好伏』，個HR仲喺我隔籬，佢即刻勁躁咁打畀IT，問點解仲未處理好部電腦先畀我用，點知IT話部電腦太卡，然後佢就將個系統刪完再重裝過啲嘢。睇得出個HR真係好尷尬，我都好尷尬，前同事好犀利，真係復仇成功！」
網民回應：
A/你估吓個IT點解唔處理好部電腦？
B/笑死，我之前去見工，要做Test，其他人都走晒，得返一個員工喺度，佢同我講，叫我快啲走。
C/多謝你善意嘅提醒，我知道要點Set我部機個頭像。
D/我之前都見過類似嘅嘢，啱啱入職嗰陣，帶我個姐姐就同我講，間公司好伏，叫我快啲走，我實習半個月，冇錢收咁就走咗。嗰間係家族企業，周圍啲同事都係親戚嚟，佢哋平時都唔做嘢，就將啲工作畀晒一兩個員工做。
E/我去年跳槽咗去一間公司，去到第一日就喺度Study公司啲資料。突然神推鬼㧬，我打開咗Google Chrome個歷史記錄，睇完發現部電腦嘅上一個主人，喺半年嚟都睇緊「公司炒人咁點算」、「點同HR周旋」、「公司迫人辭職」等嘅資料。後嚟我都走咗，就只係返咗一日工。
F/我見工嗰陣，個面試官都偷偷同我講，唔好入嚟做，佢都準備要走。
G我第一份工嗰陣，做咗3日被公司嘅同事拉去廁同我講，老闆叫我去食飯千萬唔好去，結果收工就收到老闆Message，叫我同佢去食飯，搞到我返屋企急急腳Send Email辭職。
決定去留前請三思
用戶「怕被揍」分享個人經歷之後，網民都紛紛分享加入新公司後被勸退的經歷，有人指面試期間，有職員就建議他不要到公司工作。另外，有網民就指入職使用電腦時，發現前同事一直在搜尋如何應付HR及公司的資訊，讓他決定只做了一天就離職。
求職者找工作時固然要審慎，查閱公司的背景資料，了解員工對企業的評價，以免入職後才發現公司不適合自己。假如入職後被同事勸退，比起馬上辭職，打工仔應該思考公司是否有提及的問題，以及工作時有否發現公司有異常的地方，考慮清楚後再決定去留。
上班第一天整班同事都跑了，該怎辦？（點圖了解更多）
即睇最伏求職廣告工作內容：
延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者
《CTgoodjobs2023年畢業生薪酬及就業調查》結果出爐
立即按此了解更多：https://bit.ly/46UT513
最新專訪片︰
【SHE Says】引入日本動畫《男兒當入樽》、《咒術迴戰》幕後功臣 羚邦集團創辦人：「做人唔好怕蝕底」
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!