Next
【職場熱話】打工仔應否為工作搏命？網民：但求心安理得
【職場熱話】打工仔應否為工作搏命？網民：但求心安理得
2023-08-25
面對工作，每個人持有不同的態度，有人會對工作相當盡責，甚至為公司鞠躬盡瘁；有人會遊手好閒，但求馬虎了事。工作態度會受到個人經歷、性格影響，哪種是應有的態度，沒有人能說得準。
延伸閱讀：【職場貼士】 30歲轉工會否太遲？ 三個步驟 自我評估轉工決定
延伸閱讀：【職場貼士】無動力搵工？怯就輸一世？跳出舒適圈前要留意的5件事
在討論區有打工仔就發起討論，自言工作超過二十年，對於作為員工應否努力工作存有疑問，網友亦都參與討論表示：「但求心安理得」。
點圖了解更多事主經歷：
1/做咗二十幾年嘢，眼見好多努力工作，或者識得好多嘢嘅人，都係因為越叻、勤力而做得越多嘢。
2/相反識得少嗰班人，就越可以唔使做咁多嘢，Hea吓Hea吓又一日。
3/最終做得多嗰啲人，眼見人哋可以Hea做，自己唔可以，工作心理開始出問題，開始諗埋一邊。
4/一係就做到工傷出事，一係就自己頂唔順而辭職。
5/Hea做嗰啲就繼續Hea做，話知你點。
6/所以想問吓大家，其實返工需唔需要努力咁去做呢？
網民回應：
A/你都做咗廿幾年嘢，點解仲煩緊呢個問題，我初出嚟做嘢嘅時候都遇到咁嘅情況，本身份工唔多掂，仲要辛苦完一肚氣。幫嗰班做得少嘅，做埋佢哋嗰份，佢哋就變本加厲，唔辭職就真係唔正常。自25歲之後，我已經唔會咁上心返工，最重要係有無好同事，同你一齊上心做嘢。如果無，你隨時做埋班人嗰份。
B/無錯，喺人人笑緊某某工作能力低嘅時候，計返相對嘅付出後，往往某某先係最有智慧嗰個人
C/喺呢個世界有人運氣比較好，Hea一世都無問題，所以唔好比較，做好自己
D/我呢份工都係一樣
E/我覺得只要盡咗自己嘅責任，心安理得就可以
F/呢個世界食腦嘅，唔係講勤唔勤力
G/性格決定一切，你想Hea做都唔得，因為你會自自然然就去做；相反佢哋想勤力都唔得，因為佢哋性格都唔會咁做
H/有時候無辦法，成間公司都係咁嘅話，你無得唔跟。當你好勤力完成咗老闆你嘅工作時，就提高緊佢對你嘅期望，而好多時都係責任心害咗你自己。
I/其實近期我都有咁嘅感覺，但我真心做唔到態度太Hea，我有另一個同事都講，「你唔係呢種人，你係學唔到呢種人嘅心態」
J/越乖、越聽話、越勤力就做得越多，相反越惡、越懶、成日自稱有病有痛嘅就唔使做，仲有糧出
K/係唔係講緊我？今日我會同老闆攤牌，佢真係以為我好得閒，已經好多嘢做，仲要我做多啲。我呢大半年嚟都未試過瞓到覺好嘅！連一日病假都唔敢請，條腰扭親，約咗五點睇醫生，都返公司做到四點先去睇。
L/邊個出咗事要幫手跟，有人唔知點做打嚟又要幫手搞。人地唔夠一千萬Budget嘅Project就一個半人去跟，我二千幾萬嘅Project就自己跟，搞到我精神失常啦
M/小弟太在意自己名聲，唔容許人哋對我工作質疑，往往搞到心身疲憊，但今日以後，只會按本子做！希望我能堅持！
N/呢家嘢兩睇啦，努力、能力強通常換到返嚟嘅，係尊重同有話語權，唔使點睇人面色，但係辛苦啲；hea做嘅、無能力嘅預咗成世俾人點無聲出，連基本尊重都得唔到，但係舒服無壓力，睇你點揀
延伸閱讀：【職場心理】經常為工作前景而憂慮？6本撫平打工仔心靈的勵志書
最重要自己接受
打工仔應該勤力做，還是「Hea做」？這不止是能力的問題，還是要看你自己的個人性格，不是你想就能夠做到。若果你是一個正直的人，你選擇馬虎了事，你的良心總會過意不去，一直抱著「我可以做得更好」的想法，這不就是比盡力做更折磨自己嗎？所以最重要的，還是自己的心能否接受選擇的工作方式。
如何才能機智地在職場生存？留意以下5點！（點圖了解更多）
最新專訪片︰
【HR Guru】重視寵物及LGBTQ+員工福利 OneDegree副行政總裁周美華：冀塑造有溫度的品牌
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!