Next
【勞資關係】通知期內大病一場被批「惡意請假」 打工仔：公司唔出推薦信
【勞資關係】通知期內大病一場被批「惡意請假」 打工仔：公司唔出推薦信
2022-08-15
普遍打工仔請辭後需要經過約一個月的通知期，以便將手上工作交付給其他同事，保障企業不會因人員流失而導致部分工作流程停頓。不過世事難料，生病並非人可以控制，如不幸在通知期內發病，打工仔也只能冒被責罵的風險告病假。最近，社交媒體專頁「奴工處」有一打工仔投稿，表示自己在最後工作天前兩星期突然大病一場，最終慘被HR質疑。
延伸閱讀：【假期政策】老闆不願讓員工周一請假 究竟有沒有觸犯法例？
即睇事主分享及網民回應：（按圖了解）
事主：我已交辭職信轉新工，但最後兩星期大病咗場請咗幾日假。返到公司HR出咗Warning畀我，話我「惡意請假」同唔會畀推薦信我，但問題係我，畀埋醫生紙佢，佢都話我係特登，究竟想點？
網民：咁如果我中咗COVID，係咪要我返嚟感染全公司？
網民：可以惡意生病？
網民：病住返，睇你定我驚？
網民：呢個擺明係惡意warning！
網民：佢惡意唔出推薦信。
網民：證明呢間係衰公司，走得快，好世界！
網民：呢啲咁嘅公司，證明你轉工係無錯㗎！
網民：有offer就理得佢啦！
網民：乜推薦信有用㗎咩？
網民：其實張爛鬼reference letter真係唔多重要，HR呃細路。下間公司真係要你證明，畀税單囉！
網民：今時今日唔使要推薦信，只要有封信證明你喺度做咗幾耐，同埋乜嘢職位就夠，呢封信佢冇得唔出的。
網民：是但啦，有畀足錢就由得佢。
網民：曾經有同事last day前一個星期患上紅眼症，有醫生紙，影埋隻眼畀經理睇，佢都話人呃假，想叫佢返公司。大佬紅眼症會傳染㗎，有冇常識㗎？
網民斥企業不人道
眾多網民對事主遭遇深表同情，認為每個人都會病，如企業因病假而針對員工，顯示該企業欠缺同理心，實非好公司。不少網民指，事主可從這事件看清公司真面目，稱讚離開決定正確。
部分網民揶揄HR的「惡意論」，認為出警告與拒絕發放推薦信的舉動比事主告病假懷有更大惡意。雖然事主對此感無奈，但不少打工仔留言指，當今甚少公司要求求職者或新入職者提供前僱主的推薦信，有工作證明便可，即使是税單也沒有問題。
法例沒禁止通知期內病假
根據現行《僱傭條例》（香港法例第57章）關於病假的條文，當中只包含如何累積有薪病假日、領取疾病津貼要求、禁止解僱正放取有薪病假員工等事項，並沒有禁止僱員在離職通知期內放取病假。
同場即睇3個打工仔對假期政策的常見誤解！求職者簽約記得留意假期政策，部分企業只會提供以下法例最低要求。（按圖了解）
遞辭職信後想好來好去，記住以下4件應做的事與3件不應做的事！（按圖了解）
（上述部分並非法律文件。有關法例條文的詮釋，仍以法例原文為準。若遇上類似事件時，應尋求法律專家之意見。）
延伸閱讀：【職場熱話】公司要求病假6個鐘前通知 無得用訊息請假？
延伸閱讀：【職場熱話】打工仔想WFH 卻被迫放無薪假 法例原來咁樣講
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!