Discovery Feed is launched!
【勞工法例】公司竟無僱傭合約？合約原來可以口頭方式訂立！
CTgoodjobs' Editor
聘請僱員的時候，基本上所有公司皆會與新員工訂立僱傭合約，列明各項條款釐清雙方責任、僱員福利、終止僱傭關係等事宜，以保障僱主與僱員的權益。僱傭合約十分普遍，主要以書面方式制訂，但原來僱員合約不一定是白紙黑字？最近有名打工仔到社交媒體專頁「奴工處」發文，透露自己剛開始新工作，但竟然沒有僱傭合約！網民紛紛呼籲事主要小心。
延伸閱讀：【平等機會】懷孕女性難搵工 面試遭歧視 求職者：單身先返得工？
即睇事主分享及網民回應：（按圖了解）
事主：啱啱搵咗份新工，公司話無僱傭合約，而我從來未遇過咁嘅情況，請問如果無僱傭合約會唔會有問題？
網民：無保障嘅野，口講口賠。
網民：係可疑嘅味道……
網民：好有可疑，隨時做義工無糧出。
網民：其實無僱傭合約算唔算搵咗份新工？
網民：淨係諗到連糧都唔知有無得出，又唔知出到幾錢，都已經夠匪夷所思啦……
網民：又係啲蠱惑嘢，我以前試過搵咗份工，到簽約嘅時候，HR就蠱蠱惑惑。
網民：佢可能當你係自僱人士，即勞保，MPF都唔會幫你供……
網民：我一定唔會做，如果有工傷的話，一嘢話無請你，你就企定定了……
網民：有無糧出都成問題，除非份工係日日出現金啦。
網民：成件事好有問題，除咗人工同福利之外，可能保險都無，師兄小心，可能有騙局。
網民：如又想做，無合同就記得保護自己，可以錄音，講清楚工資、月薪／日薪、上下班時間、工作內容、辭職時間、病假年假，並記錄自己每天出勤記錄，如影低工卡。其他就按勞工法例。
網民：我以前都做過份無contract嘅工，佢話無contract但所有嘢會跟勞工法例，然後半信半疑咁返咗啦，結果未到返工日就叫我出trip，嗰時我又蠢所以去咗，返到香港見到間公司有勞資糾紛就即刻遞信走人。
網民：以前遇過勞工署上嚟check，佢當時話verbal都係僱傭關係，所以有效。
合約可以口頭訂 書面合約保權益
面對事主遭遇的情況，網民一致認為有可疑，認為沒有僱傭合約十分有問題，難以保障僱員的權益。一名網民曾經遇過類似情況，更表示自己「之前嗰份無合約，點知唔畀食晏，病咗都要返、無大假、遲出糧，咩都齊」，呼籲事主「自己諗」，以免墮入職場陷阱。另有網民直言：「quit job（離職）保平安。」
有網民提及口頭通知可以構成僱傭關係，而事實上，《僱傭條例》（香港法例第57章）第2條釋義明確指出若「由協議一方同意僱用另一方，而該另一方則同意以僱員身分為其僱主服務」，不論「書面或口頭、明訂或隱含的協議」也可為僱傭合約。
即使僱傭合約可透過口頭訂立，但勞工處建議僱主應盡可能與員工訂立書面僱傭合約，因為書面僱傭合約可協助員工明白僱傭條件，以及提醒僱傭雙方合約上的責任，有助減少不必要的勞資糾紛，更可保障雙方的權益。
另有網民提議，如果僱主只允許透過口頭方式訂立僱傭合約，僱員應盡可能保護自己的勞工權益，以錄音方式紀錄聘用條款，以免僱主出爾反爾。
延伸閱讀：【職場熱話】講金唔講心、白紙黑字寫清楚⋯⋯打工仔大數返工最大得著
延伸閱讀：【勞工法例】WFH之後等於冇假放？放產假都收到公司文件…
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!