【與上司吵架】上司出招聘廣告請人 打工仔：全公司誤會我辭職

對於每件事，每個人都有不一樣的看法，一起共事時難免會有分歧。在職場工作亦不例外，最重要的好好溝通，找出共同解決方法。要是未能在衝突矛盾中找出共識，就很可能會引起其他問題。

網上討論區Dcard有打工仔分享自己的經歷，指因為與上司吵架，導致上司曾經出招聘廣告請人，為他帶來煩惱，「全公司誤會我辭職⋯⋯」

點圖了解更多事主經歷：

+18

+17

延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法

「因為一啲工作問題，我同我嘅上司鬧得不太愉快，中間上司以為我要辭職唔做，所以默默地喺求職網站出Post請人，後嚟我同上司傾過，解開咗啲誤會，佢就刪咗求職網站個Post，但之前開Post請人嘅事，已經畀其他同事睇到，仲要畀上上司睇到。

上上司就同咗個資深同事講，個資深同事就將呢個消息講咗畀其他同事知，搞到全個辦公室，包括嚟咗兩個月嘅新人，佢哋都知道我個位畀人出過Post請人，真係覺得自己好瘀，唔係啲好光彩嘅事，唔係好想畀啲同事知道。

佢哋好誇張，之前趁我上司放咗假，當我係透明人，喺Office大講特講呢件事，喺度估我係唔係要被人炒。就算而家個Post刪咗，佢哋都會討論呢件事。佢哋仲會問我在唔在意，同我討論適唔適合留喺度之類嘅話題，我真係覺得好無面，呢啲時候仲應唔應該留低？定無視咗佢哋，做返自己嘢就算？」

網民回應：

A/辦公室文化係會令人覺得好累，有時你嘅抗壓力要好強至得，人多就係會嘴雜，建議你搵啲活動畀自己開心吓。唔使刻意同其他人解釋啲咩，維持自己嘅好能量同心情就夠，其他人自己會覺得納悶，話唔埋唔會再主動問你，然後以平和啲嘅方法同你上司講，當你唔覺得有事，就係無事，人哋點講都變得無意思，希望你一切安好

B/去留係取決於你而家有啲咩同需要啲咩，留低可能會令你覺得唔舒服，但要走嘅準備或者後續，要面對啲咩，你有無諗過先？想擺脫辦公室負面印象嘅最好做法，就係做嘢做到人無聲出，職場八卦到處都有，想改變人哋嘅印象，最好就係做好自己。面對令你覺得唔舒服嘅情境，偶爾都可以正經地出聲講，適時建立返啲底線，都係喺職場要學習嘅一部分。

C/做好自己嘢最重要，如果佢哋唔係成日好尖酸刻薄地講呢件事，仲係你接受嘅範圍，就繼續做，反正你去返工都唔係為咗識朋友，或者你都可以大方啲回應佢哋嘅問題。只要你幽默少少，就可以化解好多尷尬嘅情況

D/唔好因為間公司嘅人去決定自己做唔做份工，係要睇份工嘅本身，如果你鍾意呢份工，但就因為人而離開，你之後會後悔，如果上司係刻意刁難你的話再考慮

E/無咩啊，我唔覺得咁係好瘀喎，只要笑一笑就好

F/唔怕離職嘅人最強大，你而家已經係無敵

G/帶住隨時可以走嘅心態幾好啊，「留喺度得，走都無所謂」唔使太介意份工，唔係個心會好累

思考工作是適合自己
網民普遍都安慰事主，指不需要過於介意其他同事的閒言閒語，只要做好自己的份內事，不理會同事的閒言閒語就好。另外，有網民勸喻事主好好考慮淸楚，始終有人的地方就有是非，最重要的是這份工作是否適合自己，有否屬於自己的計劃，否則沒有馬上辭職的必要。

辭職時老細講嘅邊句說話最難頂？（點圖了解更多）

+13

+12

即睇辭職前要思考的5大重點：

+3

+2

延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質

最新專訪片︰

【Office豪華旅行團】華懋集團新辦公室轉型！每層都有唔同主題嘅Social Hub 又靚又方便

⏩⏩  需要請人？立即刊登招聘廣告！  ⏪⏪