【加薪技巧】滿試用期向上司求加人工注定失敗？網民直斥事主犯1大忌！「冇炒你算係咁！」

試用期的作用，是給予打工仔適應公司的時間，也讓公司評估打工仔是否適合崗位；部分公司會在完成試用期後，會按合約規定與打工仔洽談，進行薪酬調整。有打工仔在台灣網上論壇PTT分享個人經歷，指入職4個月後準備與老闆就調薪作討論，分享理想金額及工作狀況，卻被網民斥責，「沒有解僱你也算不錯。」

點圖解更多：

+18

+17

事主：「我目前做咗就嚟4個月，面試嗰陣老闆有講明第4個月可以傾加人工，老闆過年前都有主動提起，最近我諗緊自己對呢間公司嘅貢獻程度，希望底薪一次調漲5,000台幣（1,276港幣），想請問各位係唔係合理。

我嘅優點係理解能力、溝通能力同EQ，都被兩位上司認可同稱讚過。喺工作中一人身兼數職，職務內容含行政需要經常出去做跑腿外務及會計對帳，會整圖都會做影片編輯，工作好雜但我都符合水準要求，做嘅圖文同影片幾乎係唔使改。對帳目前都唔會犯錯，可以理解公司嘅對帳方式，仲會做一份新嘅Excel再畀佢哋睇。

缺點就係我成日都遲到，一個星期會遲3次或更多，以為公司朝早冇人睇CCTV就有僥倖，出花紅嗰陣，上司話我有遲到問題，所以舊錢有縮水，仲話我知如果冇改進，未來會要求我返工打卡。

我自己做平面設計同影片編輯能力，冇厲害到足以去專門去設計公司返工，算是比上不足比下有餘。我而家人工有30,000台幣（7,660港幣），扣扣埋埋實收29,000幾台幣（約7,405港幣），細公司，老闆明理可以溝通，但算係好精同好庹縮嘅商人？雖然冇好厲害但自己幾乎做咗兩個人嘅嘢，想請問各位，以我嘅工作，都想請教各位有冇其他見解，感謝睇完嘅各位。PS：我幾鍾意而家嘅自由環境同可愛同事，目前唔打算離職。」

網民回應：

A/一個星期遲3次，或更多仲敢要求加人工？我係睇咗啲乜？我雖然工作唔穩定，但我喺一間公司好少返工遲到，一個月唔知道有冇兩次遲到。

B/一星期遲3次，冇炒你算唔錯啦！傾加人工會唔會高估咗自己？

C/實拎29,000幾台幣（約7,405港幣），當然要加薪！人哋手搖飲品店店員都有35,000台幣（約8,937港幣）。

D/唔缺你1個人，下星期唔使嚟啦！

E/等加人工，不如換過份工。

F/員工遲到都得？呢間公司真係好佛系。

G/因為遲到花紅都縮水，咁都好難加人工。

H/你改善吓先啦！維持改善咗嘅狀況再傾會比較好，畀老闆睇到你進步。

I/有提過就有機會，但遲到要避免再有呢個習慣，同改進。

J/遲到有咩問題？公司有明確返工收工時間咩？如果超過8個鐘明顯係免費，加班嘅話遲到有咩問題。

K/對老闆嚟講，你而家舉嘅優點都係應該，但遲到呢件事就好嚴重，除非係公司只得你一個員工，佢冇咗你唔得，但你先嚟咗4個月，應該唔太可能。

L/我覺得好難，如果係做咗一年，有好亮眼嘅成績仲有可能，但而家呢個年代都係靠跳槽同挖角。

大部分網民都直斥事主的遲到有問題，想要加人工大概比較難。有網民強調，公司沒有因為遲到問題解僱事主已經很大量。對於事主一人身兼多職，卻有不合理的薪水，有網民就建議事主先向老闆提出要求，這樣才有機會獲加薪。有人就覺得事主應先行改善遲到的情況，再向上司要求加薪。不過有網民就認為，除非事主在公司1年內有亮眼的成績，否則難以有加薪的機會，坦言跳槽可能會比較快。

年度評核想獲加薪要講甚麼？（點圖了解更多）

+9

+8

即睇8個向上司要求加薪的技巧：

+14

+13

延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者

用你3分鐘！快啲填！🥳🥳🥳

《CTgoodjobs 2024年第一季薪酬趨勢調查》

👉https://bit.ly/CTgoodjobs2024年第一季薪酬趨勢調查 

最新專訪片︰

【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！

⏩⏩  需要請人？立即刊登招聘廣告！  ⏪⏪