Next
【假期政策】老闆不願讓員工周一請假 究竟有沒有觸犯法例？
【假期政策】老闆不願讓員工周一請假 究竟有沒有觸犯法例？
2022-06-30
普遍辦公室每周只有兩天休息，假日帶來的長周末可算是打工仔枯燥乏味職場生活中的一點甜。當然，打工仔也可以申領假期自製長周末，但若老闆對員工請假添加諸多限制，相信會令員工帶來不少麻煩。最近，一名OL到社交媒體專頁「奴工處」大吐苦水，指曾因身體不適兩度在星期一告假，怎料獲上司召見。假如老闆不准員工在星期一告假，他有沒有觸犯法例呢？
延伸閱讀：【職場熱話】女同事每月請2日病假 被質疑扮病 網民:你係女人就明白
即睇事主分享及網民回應：（按圖了解）
事主：有日M痛，即日請AL休息，上司提議我請SL，因為暗示老闆唔鍾意員工即日請AL。然後某個星期一真係唔舒服請SL，第二日返到公司我上司叫我盡量唔好星期一請假，暗示老闆唔鍾意員工喺星期一請假。原來可以揀星期幾唔舒服同點樣請假，請咩假都要咁煩……
網民：如果老細唔鍾意出糧畀奴工，係咪就唔要份糧？
網民：唔畀即日AL無問題，但SL真係病嘅話點控制？不過呢啲多數都係有人玩爛哂啲flexibility。
網民：唉……搞咁多嘢先請到假，即使M痛都變唔痛了。
網民：你應該試一次返到公司趴喺度痛畀佢睇囉！以前我返過一間公司話M痛要提供醫生紙……
網民：真係唔舒服就要SL囉！使乜考慮咁多？
網民：呢啲咪奴性嘅表現，成日話老細鍾意乜，唔鍾意乜，嚟返工係做嘢，有制度有規則，更有勞工條例，唔係你鍾意乜就乜。
網民：真係好多老細唔鍾意員工，星期一放假……
網民：我以前有個老細，下令星期五同埋星期一都唔可以攞大假……
網民：啲老細覺得，佢哋嘅時間寶貴，員工嘅時間係垃圾。
網民：sick leave要有經驗，應該揀一周最旺那天。
網民：啲上司同老細唔鍾意人請SL，會好多嘢講，費事煩都會用AL頂……
網民：真係唔怪得啲老闆喎，係你班友玩爛個場，個個都係星期一「患病」。
打工仔批評剝削員工
不少網民同情事主遭遇，批評其所屬企業不近人情。實際上，生病並非常人所控制，事主悲呼為何要「揀星期幾唔舒服」。有網民建議事主使用苦肉計，如果月事再次於星期一襲來仍照常上班，然後在上司和老闆面前「趴喺度痛俾佢睇」，逼使企業就範，允許員工告假而不加怨言。
有網民則慨嘆，香港員工待遇十分惡劣，為何永遠要追求老闆要求，而不講究自身權利，直言這是社會整體的奴性表現。不過，有網民則提及，事主老闆有這樣反應或有原因，例如過往經常有員工詐病，在緊接假期的工作天不費吹灰之力偷懶。一名打工仔更指曾遇上有企業禁止員工星期一及五告假。
不可於指定日子告假有否觸犯法例？
相信眾多打工仔會認為，企業不允許員工在有需要時告假屬無理之舉，但法律有沒有禁止此等行為呢？
《僱傭條例》（香港法例第57章，下稱《條例》）第41AA條列明，「所給予的年假時間，由僱主經徵詢有關僱員或其代表後決定。」從條文來看，年假日期可由僱主決定，而非由員工決定的事項，所以僱主禁止員工在特定日子申請年假未必會觸犯法例。
此外，究竟僱主有沒有權禁止申請病假呢？《條例》第2條定義病假日為「僱員因受傷或患病而不適宜工作，並以此理由缺勤的日子」，而第33條則指明連續性合約受僱者每月可累積有薪病假的數字（首12個月：每月2天；首12個月後：每月4天）、僱員申領有薪病假的條件（包括病假日數足連續4天、能夠出示適當的醫生證明書和已累積足夠的有薪病假），以及限制僱主不能解僱正放取有薪病假的僱員。不過，《條例》未有提及僱主禁止申請病假一事。
病假有糧出理所當然？按圖即睇3個求職者對假期政策的常見誤解！
（上述部分並非法律文件。有關法例條文的詮釋，仍以法例原文為準。若遇上類似事件時，應尋求法律專家之意見。）
延伸閱讀：【法定假期】Boxing Day必定有假放？ 打工仔唔熟勞工假 差啲變曠工
延伸閱讀：【轉工跳槽】大離職潮來襲？ 留住人才靠手段 加入管理層未必有用？
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!