【法定假期】Boxing Day必定有假放? 打工仔唔熟勞工假 差啲變曠工

【法定假期】Boxing Day必定有假放? 打工仔唔熟勞工假 差啲變曠工

大部分打工仔早已習慣「逢紅放假」的工作模式,遇上大節日更或可連休多一兩天,但香港現時分有「銀行假」(即公眾假期)與「勞工假」(即法定假期)兩種假期模式,後者假期較少,所以部分打工仔仍需在「紅日」上班!最近,有網民到「香港討論區」發文,表示有同事因不習慣「勞工假」而誤於俗稱「Boxing Day」(即聖誕節後第一個周日)補假當日(12月27日)缺勤,險被當作曠工!

延伸閱讀:【聖誕節】平安夜放早但要OT?盤點打工仔5種無奈

即睇事主分享及網民回應:(按圖了解)

事主:可以放銀行假嘅打工仔真係好幸福,我哋公司仲行緊勞工假,而我27號就一早請咗假,所以對我無影響。

事主:但係有個新同事就傻傻哋無留意12月27日唔係勞工假,所以無返到去,聽講同事打畀佢都搵唔到佢。

事主:到28日佢返到office先知道12月27日係要返工,入咗房同HR解釋自己唔知道12月27日唔係銀行假,叫HR唔好當佢曠工。

事主:咁HR見佢係新人,所以都肯酌情處理,話當佢喺27號放咗大假就算。

事主:點知新人同事話唔想扣大假,因為本身大假唔多,仲話如果佢知道要返工的話,一定會返工。

事主:佢問HR可唔可以搵個星期日或者1月1日畀佢返工去補返27號嗰日。

事主:不過HR就唔肯,覺得咁樣好麻煩,畀佢扣大假已經係通融咗。新同事就覺得好無辜同委屈,去咗廁所喊……

事主:究竟香港勞工假同銀行假幾時先可以睇齊呀?

網民:你同事自己衰咗仲咁多要求……

網民:我係佢就27號扮病sick leave算數。

網民:呢件事提醒咗我,搵工記得要搵大路啲嘅辦公室工作。

網民:我雖然逢紅休息,但希望所有打工仔都可以同樣休息。

網民:個問題好似關你公司老闆事多啲……點解你公司唔跟主流走去放紅日?政府放紅日,小、中、大學放紅日,銀行放紅日,好多大公司放紅日!

網民:我識嘅人,大部份都係放紅日,我早已忘記勞工假嘅差別……

網民:新同事只係佢太無知,但唔係無辜,我覺得第一年返工,一定要事事問清楚,唔可以太多假定,唔可以咁就喊。

網民:香港等到2030年先可以將勞工假同銀行假睇齊。

入職宜了解假期制度 網民:錯就要認

香港現時仍分有「銀行假」與「勞工假」兩種制度。截至2021年末,「勞工假」仍然較「銀行假」少五天,因此打工仔入職前宜了解公司採用哪套假期模式,以免「逢紅放假」想法墮入假期陷阱,變相曠工。

兩制度模式至今依然不平等,有網民質疑事主的僱主為何不跟隨主流採取「銀行假」,但同時認為事主的新同事須承認疏忽,不應該因此事流淚,也不能自己決定補償方案。有網民和應:「1月1日全世界無人辦公,可以做咩?仲要公司畀燈油火蠟你返去坐?」另有網民則留言:「(新同事)應該做唔長」。

兩假期制度平等 須待至2030年

世界早已追求工作生活平衡,新冠疫情爆發後有公司實施永久混合工作模式,甚至有國家採納四天工作周制度,究竟香港何時才會將「勞工假」與「銀行假」看齊呢?

立法會在2021年7月三讀通過《2021年僱傭(修訂)條例草案》,「勞工假」將於2022年起每兩年增加一天,直至2030年與「銀行假」看齊。「勞工假」將於2022年新增「佛誕」一天,「勞工假」與「銀行假」的差距收窄至四天。

根據《2021年僱傭(修訂)條例》,2024年將新增「聖誕節後第一個周日」,2026年新增「復活節星期一」,2028年新增「耶穌受難節」,而2030年則新增「耶穌受難節翌日」。

延伸閱讀:【職場熱話】24歲女返工壓力大致失眠 仲要食降血壓藥 網民:再唔辭職有錢無命享!

延伸閱讀:【職場文化】例假放閒日 vs 放週末 打工仔會點揀? 網民:放weekdays 不知幾好

延伸閱讀:【行業辛酸】74%教師每周工作多於51小時 最大壓力來源是學校行政工作

延伸閱讀:【銀行熱話】分行職員周末返工無補假 員工為飯碗啞忍不公待遇

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow