Next
【人際八卦】同事成日講咸濕笑話 打工仔：真係好尷尬
【人際八卦】同事成日講咸濕笑話 打工仔：真係好尷尬
2022-12-05
想在短時間內與同事打成一片，同事之間開開玩笑也是一個不錯的方法。可是，開玩笑的同時亦要注意尺度，萬一拿捏不宜冒犯對方，後果可大可小。最近網上討論區有網民訴苦，指出公司的男同事不懂分寸，經常將黃色笑話掛在嘴邊，教人不知如何反應，令同事之間相當尷尬，網民不禁反問：「班同事幾多歲？」
按圖了解事主睇法：
事主：公司有幾個男同事成日都會講咸濕笑話，唔好笑之餘仲要以為自己好幽默嗰下真係好難頂。
事主：有幾個新入職女同事唔夠一個星期就唔話做，我懷疑都關佢哋事，因為佢哋不論熟唔熟都會同你講咸濕笑話。
事主：有次食完飯話想買雪糕食，其中一個男同事話：「不如食雪條啦。」再配埋佢哋嘅衰樣，真係得佢幾個識笑⋯⋯
事主：我覺得講咸濕笑話唔係咩大問題，只要唔好喺客面前講就無所謂，有時都會同佢哋一齊講，間唔中一次半次都可以接受。
事主：但係佢哋日日係咁講，講完唔好笑仲要問返我哋：「唔覺得好笑咩？」
事主：呢吓尷尬呀嘛，你想我答你：「係呀，真係無乜幽默感。」定係答你：「唔知呀，可能我唔明你講咩。」
事主：唔知呢幾個男同事以前係咪都係咁，如果係嘅話咁耐仲未畀人告都係一個奇蹟嚟。
按圖即睇網民回覆：
網民：男人老狗都覺好笑？變態。
網民：遇到唔啱傾、唔鍾意嗰啲同事就講小句。
網民：如果唔熟嘅話，講呢啲咸濕笑話真係好嘔心。
網民：根本就係性騷擾，報警告佢哋都得啦，無聊當有趣。
網民：講下咸濕嘢都好過扮正經背後捅同事幾刀，我覺得講鍾意講咸濕嘢嘅人都無乜機心。
網民：你班同事幾多歲？好大機會係思想幼稚！
網民：唔好畀反應，佢哋自然會無癮。
網民：可惜樓主之前貪口爽講埋一份，咪養大咗佢哋個膽囉。依家可以做嘅係正式同上司投訴，希望上司會公正處理，處理唔到就要主動搵平機會幫手調停。
網民：講笑話只係得自己識笑，其實真係好失敗。
網民：睇下佢哋幾時玩出禍。只要唔知幾時有女同事走去平機會告狀，你估公司仲會唔會保佢哋？
講咸濕笑話都可以構成性騷擾？
以為將「性」攞嚟講笑好小事？根據《性別歧視條例》，第2(5)條和第2(8)條，任何人向一名男士或女士作出性騷擾行為即屬違法，條文亦適合用於同性關係。
性騷擾可以是直接或者間接透過身體動作或語言去進行，以下是部分例子：
1.不受歡迎的身體接觸（例如擁抱、親吻或觸摸）；
2.盯著看或擠眉弄眼；
3.摩擦別人的身體；
4.不斷追問別人的私生活；
5.做出使人反感並涉及性的手勢。
性騷擾亦包括作出不受歡迎並涉及性的行徑，以營造一個在性方面具敵意或具威嚇性的工作環境，例如：
1.說出與性有關的言論或笑話；
2.展示與性有關的不雅圖片或海報；
3.對別人的性別作出侮辱或嘲笑；
4.挑引性地吹口哨。
（註：在《性別歧視條例》中關於具敵意或具威嚇性的工作環境之條文，只適用於工作場所或與履行職務有關的環境。）
若不幸遇上性騷擾，可以向僱主或有關機構（如服務提供者）投訴、要求得到公平公正的處理，亦可與平機會、社工、所屬工會、志願機構、朋友或家人求助。
延伸閱讀：【職場性騷擾】男同事講黃色笑話當有趣 仲想做媒人撮合同事…
延伸閱讀：【平等機會】懷孕女性難搵工 面試遭歧視 求職者：單身先返得工？
延伸閱讀：【職場貼士】常被工作影響個人情緒？7招紓緩職場焦慮重拾快樂
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!