【見工面試】30歲求職者無法解釋以往工作內容 HR:起初仲滔滔不絕⋯

【見工面試】30歲求職者無法解釋以往工作內容 HR:起初仲滔滔不絕⋯

美國有一套說法,指「人一輩子平均轉職七次」。隨着年紀增長,我們在職場打滾的時間越久,累積的經驗越來越多,應付難題時,就會更輕鬆。面對面試時亦不例外,見工的次數越多,回答問題就流利,越會危機處理。

可是這套說法,並非能應用在所有人身上。在網上討論區Dcard有台灣HR分享面試經歷,指應徵工作的是一名30多歲的求職者,他卻不懂得怎樣說明以往的工作內容,「起初還滔滔不絕⋯」

點圖了解更多事主分享:

延伸閱讀:【面試攻略】見工被問上一份工離職原因 6大模範答案得HR歡心
延伸閱讀:【職場英語】學會英文客套話 不再被字面誤導

事主分享:

「話說近排有個30幾歲嘅女求職者嚟見工,佢一開始就滔滔不絕,同負責面試嘅上司講佢以前喺唔同嘅大公司工作過,同外國上司做過嘢,自己仲做過接待大使、助理等唔同嘅職務。不過當有上司請佢分享自己以前返工做啲咩,啲Project係點完成,佢就表達唔到出嚟,到問佢:『你覺得喺公司可以負責咩崗位」嗰陣,佢就話『我可以幫老闆管人』,傾傾吓發現原來佢已經兩年搵唔到工。

點解佢喺大公司做過,但面試都失敗收場?普遍公司都想知道點解。喺面試之後,我哋就從三個方向推敲分別係,一,佢做嘅工作無深度,無辦法完成獨立完成啲Project、二,無法思考更深層嘅問題、三,態度、談吐同舉止識唔識尊重同事,團體合作好重要(個女求職者連筆都唔帶)。

作為HR分享建議大家見工嘅時候,要諗吓自己嘅價值喺邊,有咩優勢同特質,可以為公司帶來好處,公司點解更畀高啲人工你。仲有我想講,第一份工重質不重量,經驗累積好,磨練自己,比人工高低重要,唯有儲備好自己,先有機會喺未來搵到更好嘅工作!希望大家求職順利,面試順心。」

網民回應:

A/我就覺得唔需要自我審查太多,啱啱畢業嘅新人,邊會知道自己實際嘅價值喺邊,當然係要投多啲履歷,爭取更好嘅Offer

B/所以畢業生值幾多錢人工?講重質不重量,老細就畀勁低人工你

C/你應該無喺大公司做過,大公司有時分工分得好細,未必個個都知道成個Project嘅流程係點,可能個求職者真係跟過個Project,只係個上司問佢嘅嘢,佢真係唔識,我覺得好合理喎,公司要請人,搵人嚟面試,連基本知識都無,真係強人所難

D/HR同上司都應該認清楚自己公司嘅現況同管理能力先再講請人,傾人工係視乎職位同應徵者嘅條件,而唔係希望應徵者自己調低個人工

E/見工一定要帶筆?點解要放大件事嚟講,感覺好吹毛求疵

F/我勸你唔好當自己係老闆,你都係醒吓啦,你都係個廉價勞工嚟

了解自己的工作內容及本份
事件中的HR與網民都各有自己的道理,作為求職者當然要想好,如何回答在工作面試常見的問題,表現出自己的價值,吸引僱主向你提出Offer;在缺乏人才的時代,僱主方面亦應酌情處理不同的職位申請,透過適當的標準,判斷求職者是否適合公司,皆因未必所有職位都完全了解工作流程。有時僱主若能放下身段,或會更容易找到適合的職位人選。

當HR問及空窗期時,應該如何回答?(點圖了解更多)

 

即睇求職面試要爭取的4大事項!

延伸閱讀:【見工奇遇記】問職業前景卻被面試官黑面?求職者衰講多咗●●兩隻字
延伸閱讀:【見工面試】求職者常遇到的4類測試

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;