【見工面試】HR唔尊重求職者？直斥「公司唔係畀你學嘢！」網民：講得呢句都係老Seafood！

打工仔需要累積更多經驗、持續獲得新技能，才能夠在職涯上有顯著的成長；公司在這方面扮演着重要的角色，需要提供不同的學習及實習機會，打工仔才能夠做到熟能生巧。

有台灣求職者在網上討論區Dcard分享面試經驗，指自己在過程中未有受到HR的尊重，對方斥責自己「公司不是來學習的」，讓他感到疑惑，網民對此提出個人意見，指「會講出這句話的都是老海鮮。」

點圖了解事主分享：

+20

+19

事主：「各位對於『公司唔係畀你嚟學嘢』呢句說話有咩睇法？話說我去見咗間科技公司，嗰邊嘅HR同我講咗句『公司唔係畀你嚟學嘢嘅地方』公司咩培訓都冇，問完一輪咩額外課程都冇。

仲要個HR去到現場先睇我份CV，事前根本就冇睇過，問埋啲嘢基本到我覺得浪費時間。感覺只係做吓過場，咩福利都冇提過，冇乜介紹過間公司，要我逐樣逐樣問，整體感覺好差，唔覺得自己被尊重，明明去其他公司都冇呢個問題。

想同大家討論吓『公司唔係畀你哋學嘢嘅地方』呢句說話有咩睇法？先講吓我個人嘅感覺，先撇除可能需要一步步學習嘅動作，或者係學習態度差，正常畢業學生本來『初期』就係需要進一步入公司學嘢，因為在學時期，學校提供學習多『專業知識層面嘅嘢』多啲，好似產業面、產品等等真正入公司先更加熟悉。私心好唔鍾意呢啲講法，覺得公司要用人，但唔使培訓？！不過我都想聽吓其他人睇法，多謝！」

網民回應：

A/我一直將公司當做學習嘅地方，大細公司都去過，通通都係學緊嘢，尤其第一份工，公司畀錢請我學嘢，正！

B/但本身公司就係要教育培訓呀！咁樣新人先會快啲入到狀況。

C/你可以學，但唔可以周圍同人講，始終都出咗社會。

D/換個角度諗，個老細聽到你話嚟學嘢，好做得嘢，畀錢你學嘢，點知之後劈炮，實會覺得好不爽。

資方會希望員工有經驗可以舉一反三，冇經驗自己做，唔識再問，唔通要做伸手黨，咩都要教你咩？咁你就唔使讀大學啦！

喺職場上冇咩理所當然，資深同事冇必要對新人好，有啲嘢講出嚟係好難聽，但現實就係咁殘酷。

講呢啲難聽嘅說話，但都係要戴返頭盔，我對新人係希望一步一步咁教，因為新人走咗，要做呢啲嘢嘅都係我，所以我會辦法幫新人存活，但其他人就唔一定咁諗。

E/本來公司就是一個學嘢嘅地方，唔係一入到去就做到退休，咩技能都唔使提升咩？新科技軟件唔使學？

只要去到外國公司，尤其係大公司，佢哋都會要你去學習新嘅嘢，去培訓，仲會畀筆錢你去提升自己。你自己分配嗰筆錢要點用。除咗咁，通常都會畀員工學習LinkedIn學習登入（公司畀錢），你喺入面去你工作嘅課程去學習。想話嗰個HR真係唔配做HR，真係好丟架。

F/冇經驗累積，邊嚟資深員工。好似係想勸退一班咩都唔識嘅新人，再去執啲訓練過嘅資深人士返嚟咁。

G/對呢句嘢唔使太認真。

H/之前留過嘅公司面試嗰陣話鍾意請白紙，話可以入嚟試吓，結果入到去咩都唔教，直接推你去做，出錯就鬧，話公司唔係學校，唔係畀你學嘢，想學工作內容，就收工或者周末拎時間學（公司唔畀錢），仲要係搵其他同事教，唔畀錢佢哋，根本冇人會想教。反正新人會一個一個咁走，個人覺得呢種體制唔完善嘅公司，點都會有問題。

I/上世紀嘅企業對員工培訓同教育，比願意自掏腰包，觀念係：為咗畀公司賺錢，先要你學呢樣嘢，當然係要公司出。而家好多企業都係將個成本轉嫁畀員工，觀念係你唔識呢個，憑咩入嚟我哋公司，自己使錢學完，再幫我哋賺錢！

有關「公司不是來學習的地方」帖文，引發網民的熱烈反應，有人坦言一直把公司當成學習的地方，第一份工作更是公司僱用自己學習。有網民就覺得公司就需要作出培訓，這樣新人才會更快進入狀況。曾經有不愉快經驗的網民，就分享經歷指曾到過一間公司，說是歡迎「白紙」員工，到真正加入公司，卻沒有任何培訓課程，更要求事主在工餘時間學習工作內容。

的確公司不是讓員工學習的地方，不過公司招聘員工到公司工作，也需要確保對方熟悉工作流程，否則只會影響公司運作。作為HR，說每句話時好應該三思，否則只會破壞公司形象。

網民曾經遇過怎樣的奇怪HR？（點圖了解更多）

+15

+14

HR堅持以電話聯絡求職者的原因是？（點圖了解更多）

+15

+14

延伸閱讀：【轉工跳槽】2年半換11份工！咁Jumpy面試被問轉工原因點算？網民建議事主做1件事！

延伸閱讀：【返工第一日】打工仔報到當日即被炒魷魚！全因老細不滿呢樣嘢？網民：而家揀二奶咩！

延伸閱讀：【見工面試】Take Offer後即反悔有無壞影響？HR行內人：多謝你都嚟唔切！

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪