【見工面試】面試官質疑空窗期陪病父求職者反問一句神KO！

CT熱話管理員

Published: 2025-10-11 17:15

Updated: 2025-10-11 17:15

在求職面試中，見工面試中，空窗期一直是求職者與面試官間的熱門爭議點。特別在經濟欠佳或個人因健康、家庭因素如陪病父母而暫時離開職場時，求職者時常面臨被質疑是否穩定和工作抗壓能力的挑戰。然而，空窗期被面試官詢問甚至被視為負面標記的現象，引發不少人力資源專家及求職者的不滿和反思。近日，有一名求職者在面對這種尷尬提問時，巧妙反問一句話，獲網民大力支持。

打工仔熱話速遞：日本職場用假名│企業推「禁止加班」│郵件往來一次主義

面試官質疑空窗期陪病父

+58

+57

樓主：
我同Project Manager一齊見求職者，呢位後生仔嘅CV有個長達一年嘅gap，所以個PM問佢：「呢一年冇做嘢係咩事？」求職者話嗰段時間爸爸有病，陪佢行埋最後一段路。

PM：「屋企咁多長輩，將來有呢種情況發生，你都會選擇離開工作崗位，唔做嘢一段時間？」

求職者好搶口：「咁你父母之前死係點處理？」

PM面色一沉：「問你點面對啫，我父母仲健在。」

求職者：「咁將來有呢種情況發生，你點處理吖？」

或者個PM問得唔好，但而家嘅新一代係咪可以處理得好啲，多啲EQ呢？

網民A：
咁仲唔叫高EQ？低啲EQ都已經鬧咗佢啦。

網民B：
求職者答得好好喎。佢都係想請教吓PM同樣情況會點處理，而家係個PM EQ低。

網民C：

舊年我媽媽唔舒服，我真係gap咗一年時間。到見工嗰陣都唯有坦白，話屋企人唔舒服要照顧。到早幾日我媽媽走咗喇，喺佢走之前十日比較危急，我就直接同公司大老細講，我未必日日返到嚟公司，我需要啲時間去陪我媽咪。佢畀我嘅回覆係Take your time，family is important，其實公司支持真係好緊要。

網民D：
好欣賞呢位candidate，祝佢職運亨通、生活愉快。

網民E：
想問吓個空窗期長對工作能力有影響？做到嘢嘅人就做到嘢，做唔到嘢，佢十年都唔轉工都唔代表佢做到嘢？

網民F：
老竇就一世人得一個，工就通街都係。我搵份工至少識得尊重我之前嘅決定，唔得？

網民G：
投稿嗰個同PM都好有問題。唔識問問題可以唔好問，無心請就放人走啦。人哋爸爸走咗都可以咁講嘢，冇同理心。

網民H：
睇到留言我放心咗。祝個candidate早日搵到好工，呢間公司唔適合你。

網民I：
通常聽到呢啲原因，有修養嘅就講聲唔好意思就skip㗎啦，仲懶係嘢當係測試題咁問，然後話人EQ可唔可以好啲。PM同投稿呢位真係抵畀人問候。

網民J：
咁大個位畀人入，唔入都對你唔住。唔好以為呢個世界嘅人仲停留係80年代思想，憑咩要人死忍。唔係後生唔捱苦，而係唔值得。

網民K：
求職者喪父，個PM問候人哋屋企全體長輩，求職者都只係問候佢父母，已經表現得好有EQ。

網民L：
都唔明啲HR咁在意gap year做咩？成世流流長，一定要做份工做到死？唔可以唞吓？唔可以處理私人嘢？

網民M：
投稿嗰位檢討吓啦，咁都問得出。明白香港生活艱難，但記住你係打份工。你所謂「問得唔好」已經知你好極有限，你比求職者EQ重低。Btw，我個人覺得個PM唔止EQ同IQ有問題，個人本身應該好衰，聽到「咁多長輩」嗰下已經足夠講再見。

多數網民認為，求職者面對面試官質疑空窗期時的回應展現了高EQ與成熟態度，反而質疑和刁難求職者的PM表現出低EQ和缺乏同理心。很多人支持坦誠說明空窗期原因，如陪病父親、家庭照顧，並認為家庭責任應受到尊重和理解。有網民指出工作能力並非空窗期長短決定，重點在於個人表現與態度；也有人批評部分面試官仍抱傳統且不近人情的觀念，過度關注空窗期，忽略了求職者的真實狀況和價值。整體來看，網民強調敬重個人選擇、倡導面試官提供支持性環境，有同理心地對待求職者，並對不尊重的態度表示反感和批評，祝福求職者未來好運，認為這樣的企業並不適合他們。

延伸閱讀：【求職陷阱】企業推「無薪試工」臨完結即炒人！畢業生慘變免費勞工！

+20

+19