Next
【見工面試】被即場取錄 隔天卻被上司叫「唔使嚟」！事主：為咩嗰陣話請我？
【見工面試】被即場取錄 隔天卻被上司叫「唔使嚟」！事主：為咩嗰陣話請我？
2023-03-03
找工作的過程漫長，從遞交履歷的一刻到正式入職，可能要花上數個月的時間，招聘網站Glassdoor曾發表相關文章，指某些職位等候回覆時間，可能需時長達六至八週。求職過程艱難，收到Offer一刻當然倍感興奮，但假如公司「彈弓手」臨時收回Offer，難免會令人感到失望。
有台灣求職者在網上討論區Dcard分享自己的經歷，指自己覓得工作之際，公司卻臨時收回Offer，令他大感失望，「為甚麼時當時說要請我？」（點圖了解更多事主分享）
事主分享：
「話說我今年畢業，陸陸續續咁參加面試，搵到一份服務業嘅工作，店長In我嗰陣，問我幾時可以返工，我答佢月初，對方話『好，月初見』。不過我個心總覺得怪怪地，就唔係咁開心咁。
隔咗一日，店主就打嚟同我講，因為嚟見工嘅人好多，所以你就唔使嚟返工。我真係覺得勁無言，如果你嗰下唔肯定請我，咪叫我返屋企等通知，點解當時話要請我？最後先搵個原因推咗我，好彩我仲未同我而家份工個老闆辭職，唔係真係兩頭唔到岸，唔知大家有無啲好離譜嘅面試經驗？」
網民回應：
A/雖然咁講唔係幾好，但服務業又唔係連鎖嗰種，就唔好太期待
B/我遇過星期一朝早嚟去面試，下午話請人，但取錄通知書同Confirm人工方面，就拖咗幾日都未有回音，星期五打去問，話HR唔喺度，下午就依依哦哦話畀個人工同新人差唔多，即刻果斷拒絕其他公司，當時有另外4間公司等緊我覆，真係令人覺得唔好意思
C/其實係搵到個好過你，但唔知點樣推你，咪搵個理由Hea你
D/其實就算係連鎖店，都係會做一樣嘅嘢，你第六感真係好強
E/唔使太認真，其實呢啲係常態，唔好太相信口頭Offer，出信先係真
F/我遇過啲係求職網站寫到待遇好好，但面試嗰陣就變咗，仲要同我砍價，報到嗰陣又砍價，總之未收到Offer letter嘅公司，個價都可能會一直變
G/除非係好等人用嘅行業，唔係真係......只能夠講習慣就好
H/我一個月內真係畀三間咁嘅公司玩，呢啲人真係防不勝防
口頭Offer有無效？
《僱傭條例》提及，僱傭合約是可以書面或口頭合約訂立，如僱傭合約並非以書面方式訂立，僱員可在僱傭開始前以書面方式要求僱主提供一份通知書，列載工資率（包括超時工作工資（如有）及任何津貼（如有））及工資期、終止僱傭合約的通知期、年終酬金或部份年終酬金（如有）的款額及酬金期。
雖則口頭承諾是有法律效力，但如果求職者與新公司未落實任何薪酬條件，遇上對方反口的勞資糾紛，法律法例上不能給予保障，事主可以向勞工處求助，以民事方式追討損失。避免遇上這種情況，最好在對方給予offer時，詢問詳情：如甚麼時候簽定合約及薪酬內容等等，在未簽定合約前，就千萬別貿然離職，這樣才能保障自己的利益。
HR反口說Offer唔算數，可以怎麼辦？（點圖了解更多）
即睇5句得知取錄成數低的說話：
延伸閱讀： 【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!