【辭職學問】離職嘅致命原因係？打工仔思疑應否於年假後遞信！網民：呢啲都係日積月累！

2024-02-21

有人將工作形容為「受人錢財，水替人消災」，即使受委屈也好，也像藝人黃子華在棟篤笑所言「你受嘅氣人工係包埋嘅」。不過作為打工仔怎會沒有因為辛苦，想過「辭職」，一走了之。有台灣打工仔在網上討論區Dcard分享個人經驗，同時向網民詢問選擇離職的致命原因。

點圖了解更多：

+12

+11

「想知道各位遇到點樣嘅事，會令你決定辭職唔做？

我大學應屆畢業生，第一份工係做電子商務產品設計。月薪35,000台幣（港幣約8,937），但幾乎所有時間我都係準備公司嘅展覽，規劃、做裝潢同木工、做展覽導賞員，做好多同初時講嘅幾乎完全唔同嘅嘢。

做咗差唔多半年先，終於接觸到當初講好嘅工作內容，但突然又叫我做返木工……好擔心辭咗職之後，揾唔到月薪（港幣約8,937）嘅設計崗位，我都諗住3月份用晒年假先提離職。最近老闆又同我講，唔可能收工就完全唔理返工嘅嘢，呢行要有熱情先可以做得長。（我就係冇興趣嘅人，但我覺得只要唔係叫我做裝修同展覽嘅嘢，我可以一直做落去）

網民回應：

A/真係冇話咩致命嘅原因，都係平時積落嘅不滿，忍到邊日我唔想忍，就會直接辭職。

B/上司情緒化！

C/我係新年前遞信，但冇話致命原因咁，係感覺每日都好痛苦又空虛，好幾個月先決定到。

D/冇發展性，同事又鍾意講閒話，覺得同間公司唔夾。

E/以為會做到退休嘅工，因為AL畀人駁回，被上司公審，中間佢仲要有小動作，短短一個月就決定拎埋Bonus就唔做。

F/唔記得啦，我只係記得之前有份工，我每日收工返屋企都好嬲，因為返返吓忍得太耐，忍無可忍，攰到一定程度就想走。具體啲講，應該係身體狀況出咗問題（心悸、諗到返工就憂鬱、冇晒食慾），真係差唔多要走啦。

G/老闆情緒化同埋冇花紅，真係唔想忍啦，年後即刻遞信走。

H/我離職唔係敗喺工作嘅繁瑣上，而係老闆嘅一句說話，否定我過往嘅所有努力。

I/我離職嘅致命原因係我提拔嘅新人，喺我背後桶咗我一才，但個個都話做嘢好認真好好，而我就做一切都係理所當然。

網民都分享了個人經歷，提出離職的真正原因，有人指是日積月累的不滿，到哪天不想忍就會辭職。部分網民指驅使他們遞信的，是上司的情緒化，令他們覺得上班時間非常煎熬。現實一點的理由，包括公司沒有花紅及發展機會。

事主還未離職的主要原因，為擔心無法找到有同等薪酬的設計崗位。與其花時間擔心，倒不如做資料搜集，看看有否合心水的崗位，為自己的未來作打算，只有踏出第一步，才有改變現況的機會。