【見工面試】即日約Interview、見40個應徵者無個請 HR:自覺對唔住啲求職者!

【見工面試】即日約Interview、見40個應徵者無個請 HR:自覺對唔住啲求職者!

想成功找到一位適合崗位的人選,並非容易的事,都依靠負責招聘的人力資源從業員(HR)及相關部門互相合作,否則浪費資源之餘,也讓求職者有不愉快的體驗。在網上討論區Dcard有台灣HR懺悔指因為部門主管的要求,經常約求職者即日面試,甚至面試過40個以上的求職者,實際上沒有人獲聘,「自覺對不起那些求職者!」

點圖了解更多事主分享:

「可能係我公司比較特別,唔知點解唔鍾意啲自己投CV嘅人,所有面試者都係由部門主管自己搵同揀出嚟,佢哋Send CV畀我,要我約佢哋面試咁。

由去年年底開始到而家,我公司約咗40至50個人面試,實際上無人到職,唔係無職位空缺所以要面試,而係真係有空缺,但喺請人嘅過程中總係有意外,多數係上面講句嘢就停止個流程。

最近要有個部門主管急住要搵人,朝早掉份CV畀我,要我請求職者下午嚟面試,當日約當日見,請問邊個要嚟?而且個主管特別鍾意啲返緊工嘅求職者(因為怕啲人無做太耐,銜接唔到)加有經驗。呢次好不容易揀咗三個可以Second-In嘅,個主管要我聯絡佢哋準備,但又唔畀日子我,結果拖完一個星期,又一個星期。

到而家佢又同我講唔使,真係多謝晒,個主管有個好差嘅習慣,就係睇完份CV,請我約應徵者面試,對方同意咗,約埋時間,個主管又同我講份CV唔OK,真係激氣!如果你搵工遇着我哋,真係對唔住你。」

網民回應:

A/真係好唔尊重你哋HR,咁根本就唔會請得啱人

B/請唔到人真係唔會意外

C/你公司唔鍾意人自己投CV,咁咪唔好登廣告囉,要登廣告又要浪費人哋求職者嘅時間,唔鍾意求職者主動apply,又鍾意揀人哋CV主動邀約?而家啲求職者都唔蠢,主動邀約嘅公司真係無好嘢,鍾意在職嘅求職者,又要人哋配合你時間一改再改,希望你哋搵唔到人

D/呢啲主管實在太差,根本無尊重過In嘅人

E/主管呢樣嘢,一定樹大有枯枝,呢啲情況應該同HR上司講,由HR主管同啲阿頭講吓面試基本流程,可能係你間公司HR權力太少,或者能力不足先會咁

F/我都係HR,我成日都遇到啲主管係,我約咗個求職者面試,約咗之後個主管話要改時間,搞到我要同求職者道歉,好彩我目前遇到嘅求職者人都好好,唔會因為咁而嬲,但我真係接受唔到自己成為唔守約嘅HR,所以我決定要唔做了

G/咁你都將佢畀你做嘅嘢,放一個星期先再做

H/真係浪費人哋時間

I/你要唔要都準備吓跳槽去其他地方,急住請人,但用呢個模式又請唔到人,感覺好快會出問題

J/話人哋Apply份工無好嘢?我先覺得主動Approach人嘅公司無好嘢!你哋間公司真係好怪

共同協商 解決問題
對於事主的分享,不少網民都感到難以理解,指公司部門的主管不尊重HR及求職者,以這種招聘手法請人,只會浪費大家的時間;有網民提醒事主,這間公司的工作方式相當有問題,可能會有倒閉的風險,亦有人建議事主向HR上司反映。若要成功找到適合的職位人選,事主公司的HR必須要讓其他部門主管知道,這個招聘方式出現了問題,並共同商討改善的方法,否則沒可能成功填補職位空缺。

有甚麼招聘趨勢,HR需要留意?(點圖了解更多)

即睇最容易被解僱的3類人:

 

延伸閱讀:  【心理測驗】你適合轉工定係進修?即做職場心理測驗搵答案!
延伸閱讀:【員工福利】5個2023年全球公司實行的最潮、特別福利!為員工寵物買保險?
延伸閱讀:【全美之冠】2023年100個最佳工作場所 呢啲公司竟然贏咗Google、微軟!
延伸閱讀:【人力資源】2023年掀起安靜招聘(Quiet Hiring)趨勢 僱主及員工注意事項一覽

有新嘢‼️覆老細&同事唔使打字,有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY


最新專訪片︰
【星級斜槓族】Win Win楊安妮無悔拒入COLLAR 感恩可平衡藝人及跳舞老師兩個身分 報名《造星IV》時竟向193示愛?!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試】Interview後發現求職者貨不對辦?網民:面試係互相欺騙嘅過程!

  • 【見工面試】點解HR偏好打電話約面試?網民推測係想考求職者呢樣嘢!

  • 【見工面試】HR竟然唔記得約咗Interview?事主慘呻:過程0尊重、浪費時間!

  • 【見工面試】Apply咗成年先收到面試通知!網民推測係呢個原因?

  • 【見工面試】HR邀請參加面試 卻對工作內容一無所知?事主:佢話只係負責打電話⋯⋯

  • 【見工面試】Interview後即收Offer 求職者卻一口拒絕?全因為間公司做咗呢樣嘢!

  • 【人才招聘】6大人力資源改善招聘流程的方法

  • 【人力資源】HR實幫住上司?打工仔對HR的3大誤解!

  • 【職場趨勢】混合工作模式有助減低流失率?辦公空間供應商IWG經理:政策能夠吸引人才!

  • 【人力資源】懂得賞識員工好重要?近5成人因為未獲公司認可辭職

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow