【見工奇遇記】面試遇有家庭問題求職者 HR心軟︰好想畀Offer佢

HR是一門專業，除了要應付多不勝數的招聘工作，更要管理人才、處理員工資料，有時更要擔當同事與同事之間的橋樑，解決彼此之間的糾紛。不過人心肉做，HR有時在招聘時都會受情感影響，就如已入行做HR約5年的讀者Polly，曾經因為求職者的家庭背景，心軟想出Offer予他，雖然最後因為有更好的選擇而沒有聘請他，但Polly心中就有條刺，更表示做HR見人太多，特別在疫情下多了失業人士見工，令她有種無力感。

按圖了解讀者Polly的心聲︰

讀者Polly分享︰「入行做HR約5年，雖然資歷唔算多，但勝在喺大公司工作，經常都遇到唔同嘅求職者，範疇都好多。早兩三年其實情況好好多，但呢一年幾因為疫情關係，其實見工嘅人好多都係被公司裁員而失業。 不過公司位就係得咁多，個個求職者都有唔同嘅個人原因，好想得到一個工作機會。有時面試我都專登避開一啲問題，費事影響求職者嘅情緒。

不過有次我印象真係好深刻，我記得有個30歲中嘅男人，走嚟In一個Junior嘅位。其實我覺得有啲怪嘅，但我阿姐話叫佢見下面咪約佢囉。面試當日，我照平時咁問佢問題，其中一條問佢類似之前喺舊公司嘅工作嗰陣，佢突然喊咗出嚟…內容唔想透露太多，大致話佢係屋企嘅經濟支柱，有父母同有個仔仔要養。佢有話如果無工開，佢真係無辦法養到一家四口…當下雖然覺得佢喺面試期間喊唔好，但見佢大大個男人，居然喺個陌生女人面前咁喊，應該真係壓抑咗好耐… 嗰一刻其實我畀唔到咩反應佢，始終請人我無話事權，我只可以如實記低佢啱唔啱呢個空缺。 講真，其實佢又真係幾適合嘅，不過呢個始終係Junior位，如果有更好嘅選擇，我相信部門嘅主管同我阿姐都唔會建議佢。我曾經有心軟過一刻，面試之後同我阿姐講過呢個男人嘅問題。不過可能我阿姐見慣大場面，佢話無計㗎，好多求職者都係咁㗎啦，唔通個個都請咩。 咁我阿姐講得又好啱，所以最後佢哋班高層都係揀咗個最合適嘅人做呢個位。」

延伸閱讀︰【見工奇遇記】自以為「皇親國戚」拉關係？HR嬲爆︰面試不停提老細

求職者7句說話 HR聽到即Out
面試時打「同情牌」不管用，有時求職者自己的口頭蟬也可能是HR討厭你的原因，以下有7句面試時HR聽到即Out的說話，不想白白浪費見工機會，就會留神了！

 

延伸閱讀︰【見工奇遇記】求職者要求面試有車錢補助 HR無故食死貓

延伸閱讀︰【見工奇遇記】面試被HR問點解唔進修 打工仔︰咁又叫我見工

---

最新專訪片︰

【星級斜槓族】Judy鄺潔楹棄當業務分析師入娛圈 曾擔心只有$3,000月薪 配升呢為曲奇餅店、健身室及時裝品牌老闆娘

 

⏩⏩  需要請人？立即刊登招聘廣告！  ⏪⏪