【見工奇聞】求職變傳銷大會？荃灣公司疑借請人為名推銷課程苦主急中生智靠一招脫身

CT熱話管理員

Published: 2025-12-14 16:15

Updated: 2025-12-14 16:15

近日有求職者在社交平台分享離奇經歷，指自己應徵荃灣一間公司職位時，竟被安排出席一場疑似「傳銷式推銷會」。事主表示，原以為是一般面試，豈料現場氣氛異常，負責人不斷推介培訓課程及「創業合作機會」，並要求即場繳費報名。求職者察覺不對勁後，從容應對並設法脫身。事件引起網民關注，不少人懷疑該公司以招聘為名行推銷之實，呼籲求職者提高警覺。

打工仔熱話速遞：日本職場用假名│企業推「禁止加班」│郵件往來一次主義

求職變傳銷大會？

+34

+33

樓主：提提大家，如果搵工嘅話，可以稍為留意荃灣一間公司。
我之前見佢哋請前台receptionist，就遞咗申請（基本上佢哋長期以唔同職位名義去請人）。冇幾耐收到通知interview。
上到去，首先有個女仔好殷勤、好細心咁介紹有咩設施，話所有設施都要係佢哋客戶download佢哋app儲分先可以享用到。
參觀完一輪坐低，我以為正式要interview，就有另一位女士埋嚟，好親切咁同我解釋，佢哋其實係屬於某金融MPF公司旗下（呢樣當時招聘post入面係完全冇提）。
講講下，問我知唔知咩叫「退休三寶」，然後就完全偏離咗interview一般要做嘅所有程序。
仲話問我拎身份證（我冇畀），打開個網站企圖半推半就，要我即場畀錢報考個資格試，話第時可以sell客（但當時都未確認話請我，而且我見個位係前台receptionist，理論上sell客唔係我工作範圍內）。
我越坐越覺得唔對路，最後話冇帶信用卡喺身報唔到名。
跟住佢哋明顯面色一沉，態度180度轉變，我搵藉口話有嘢做先走到。
我唔敢講佢一定有問題，公司亦真實存在，可能係我多疑，但就係怪怪哋咁。

網民A：好多扮請人，實質係呃人。
網民B：我都遇過類似，係荔枝角，叫我買醫保，有即時回贈。
網民C：我都中過，話請marketing。參觀完一輪就話under咩咩金融。
網民D：而家有啲即刻同你申請信用卡，要你報考，真係乜嘢文件都唔好簽。
網民E：保險公司招下線啊。好耐以前讀U搵part time試過中伏，水你一定要考牌先可以做到秘書，然後會叫你填晒成家、朋友資料畀佢sell（我亂填）。見到呢啲真係早走早著。
網民F：想呃你入去sell保險。
網民G：呃你考保險同MPF中介試，入職做經紀sell保險同MPF？
網民H：呢間嘢有個活動係叫人填資料送暖奶器。嗰時走去填咗，發覺原來唔就腳就打算都係唔拎了。個人打咗勁多次嚟，又WhatsApp話再約過上嚟啦。後尾睇返好多人講，去到會狂sell保險，好彩冇去到。

不少網民留言分享類似經歷，指現時求職陷阱愈來愈多，不少公司打着「招聘」「實習」或「銷售助理」名義，實際卻是推銷保險、理財課程或信用卡服務。有留言指出，這些公司常以「培訓」「考牌」名目要求繳費，甚至收集個人及家人資料作行銷用途，更有人被反覆來電邀約。網民普遍認為此類手法具誤導性和騷擾性，呼籲求職者提高警覺，並倡議相關部門加強監管，防止再有人受騙。

面對可疑招聘，求職者應先核實公司背景，例如查閱商業登記、官網及過往招聘紀錄。若面試中涉及繳費、購課程、考牌或填寫親友資料等要求，應立即離開，切勿簽署文件或提供個人資料。可向勞工處或警方舉報涉嫌詐騙個案。此外，應盡量透過正規求職網站或學校推薦渠道應徵職位，避免在非官方平台登記。保持警覺、查證細節，才是避免墮入求職陷阱的關鍵。

請人！請人！請人！

🔗職位空缺傳送門🔗

▶【政府/公共機構】工作機會

▶【月薪$25,000+】工作機會

▶【兼職Part Time】工作機會

延伸閱讀：【見工面試】面試官質疑空窗期陪病父求職者反問一句神KO！

+59

+58