【見工奇聞】求職者面試手袋掛呢樣嘢被評「唔夠成熟」當場出局網民：好彩冇請！

CT求職戰略師

Published: 2026-04-05 20:15

Updated: 2026-04-05 20:15

面試服裝往往左右第一印象的成敗——得體的打扮能為求職者加分，但稍有不慎也可能導致扣分。近日，一位人資（HR）在Threads討論區分享一則真實案例：求職者因手袋上掛有裝飾小物，面試時被老闆評為「不夠成熟穩重」，最終與工作機會失之交臂。

打工仔求職貼士︰10大面試伏位大公開｜被質疑空窗期應該點答？

按圖即看樓主分享及網民留言！

+23

+22

樓主：又到面試季，大家除咗執整自己個樣，記得都要執吓個袋，如果唔係有機會跌咗份工。噚日坐面試board，有個候選人本身答案都ok，可以入候選名單，點知佢起身攞袋走人嘅時候，三個老細集體黑面（我：？？？）原來佢個袋上面掛住咗隻烏薩奇⋯⋯最後因為呢隻公仔，老細覺得佢唔夠成熟，形象唔夠專業，reject 咗佢⋯⋯下年再見。網民A：我面試會帶軍糧同睡袋迎合香港OT文化係咪即請？網民B：如果面試表現良好本身滿意，最後只因掛左隻公仔咁小事就……咁個3老細都有問題。網民C：袋掛公仔可減少心理上的焦慮，我諗貴公司文化應該唔太適合佢。工揀人，人揀工網民D：要帶一罐嘉頓什餅去面試，咁先表現到你有未雨綢繆，高瞻遠矚。網民E：咁其實好多公司同事都會喺自己枱面放啲私人嘢例如公仔嗰啲，可能喺呢間公司做就連放呢啲野都唔畀。網民F：面試通常大家都識著好少少畀個專業形象人哋睇，揀人返工梗係揀個唔打得都睇得下，況且係請中層。網民G：Interview嗰時咪忍吓囉，都係做場戲啫，收到offer先帶個痛袋返工啦嘛。網民H：有啲老細真係唔中意cute cute嘢。網民I：掛隻公仔都睇唔順眼，唔入呢間公司都係好事。網民J：連一隻公仔都容納唔到，可見貴司有幾多Old Seafood，入到去都唔會好過。講真，關你咩事，我做到嘢，個客開心，你理得我個袋？

網民K：憑呢樣嘢去睇一個人，唔做好過，好彩冇請。

網民L：間公司肯定成陣老人味，唔入好過入。

網民對求職者因手袋掛飾被拒一事反應熱烈，引發廣泛討論。部分網民以幽默方式調侃，建議求職者可攜帶軍糧或嘉頓什餅等物品，既能迎合香港職場超時工作的文化，又能展現「遠見」，藉此諷刺某些企業不合理的職場要求。

另一方面，不少網民質疑僱主僅因細微裝飾就否決求職者的做法，認為這反映公司文化僵化保守，管理層可能充斥思想守舊的Old Seafood，直言求職者未被錄用反而是避過一劫。

然而，也有網民持不同意見，強調面試場合應注重專業形象，建議求職者在面試階段暫時收斂個人風格，待正式入職後再適度展現自我。

CV靚但見工零offer？內向人可能誤中HR 3大陷阱！

+16

+15