【職場新世代】90後HR怒數舊派HR 3大問題！怒批：面試唔係刁難！

CTgoodjobs' Editor

Published: 2025-11-24 12:30

Updated: 2025-11-24 12:30

在現今職場中，90後HR逐漸成為主力，他們對傳統企業文化和人力資源管理方式抱有不少不同見解。與舊派HR相比，這一代的HR更強調效率、尊重求職者，也更主張面試應該是雙向的了解過程，而非刻意刁難的場域。不少90後HR對於舊派HR仍堅守陳腐面試方式感到不滿，認為過度嚴苛或權威的態度不僅浪費時間，也降低了企業吸納人才的機會。

打工仔熱話速遞：00後唔過試用期│請內地專才都唔請00後│中年網民給00後15大忠告

90後HR怒數舊派HR 3大問題

+33

+32

樓主：
作為一個90後HR，我想講：人係要休息，工與工之間有gap係好正常。好心啲old school HR唔好再因為咁而篩走人哋，下下話人哋jumpy。你哋知唔知啲人材就係畀你篩走晒？你以為喺同一間公司做10幾20年先為之忠心？你留得越耐，代表你越冇料咋⋯⋯
另外唔好再喺interview刁難人哋，留意返，大家係平等，你揀人、人揀你，唔好覺得自己係真老闆。我90後有我90後嘅工作方式，唔好再多多意見，你嗰套已經outdated！

網民A：
喂喂，你係咪假扮㗎，邊有咁正常嘅HR？

網民B：
唔緊要，呢種文化就係種出失業率嘅其一原因。呢個年代全世界都有就業問題，但正常求職嘅都比呢種不知所謂嘅「規矩」搞死，最後市面消費力減少，loop。

網民C：
認同！而家咩？唔通放個假先再搵工都唔得？有gap又唔得，要工駁工咁？人生唔係咁！

網民D：
莫講話90後，正常嘅HR都唔會任意刁難人。

網民E：
唉，邊個年代都有呢啲old seafood——又要過程又要結果，總之唔跟佢就係錯（同個別怪獸家長一樣）。如果公司（尤其高高層）唔介入改咗啲culture，就只會越難越搵到啱人，亦令被gas lighting嘅人就只會越來越想唔做嘢，或者尋求其他出路都盡量唔打工。

網民F：
其實，HR唔請你，只因為你唔夠平，完。

網民G：
有時唔係想挑剔呢樣，只係好多工其實唔係要人材，只係要牛馬。

網民H：
HR界終於有正常人。

網民I：
支持新思維！其實工作表現同穩定性未必成正比，有時轉工多反而見識更廣。

網民J：
希望多啲HR似你咁諗，而家啲人轉工唔一定係問題，可能係搵緊更適合自己嘅方向。

網民K：
講得好！其實打工仔同公司係互相選擇，唔應該單方面被審判。

網民L：
有gap year好正常，進修、旅行、照顧屋企人都係人生重要部分，唔應該成為求職障礙。

網民對90後HR怒數舊派HR的現象反應熱烈。。有人直言舊派HR的嚴苛文化是失業率高的原因之一，認為過多不合理的規矩害慘正常求職者，不斷削弱市場的消費力。也有人同情求職者的難處，如因工作經歷中斷或gap year被歧視，強調人生不應只靠連續工齡評價。支持新派HR的聲音指出，正常HR本不應刁難求職者，企業文化若不變革，只會越來越難招到合適人才，導致員工產生挫敗感甚至離職。部分留言則直言HR招人真正原因或與薪酬預算掛勾，非求才若渴，而多数呼籲企業HR要更有人性和靈活度，尊重打工仔的多樣性與選擇。總體而言，網民期待職場HR能打破陳規，以更開放和公平的態度面對新一代人才，讓求職環境更友善和務實。

請人！請人！請人！

🔗職位空缺傳送門🔗

▶【政府/公共機構】工作機會

▶【月薪$25,000+】工作機會

▶【兼職Part Time】工作機會

延伸閱讀：【世代之爭】上司派job冇人肯接？2個00後一人一句金句KO全場！網民大讚：好勇！

+24

+23