【內地專才 vs 00後】港企老闆寧願請內地專才都唔請00後？網民大讚內地人3大優點：聰明、夠博

CTgoodjobs' Editor

Published: 2025-04-02 17:19

Updated: 2025-04-02 17:35

近年香港就業市場出現明顯轉變，隨着「高端人才通行證計劃」等政策放寬，內地專才來港人數持續攀升，逐漸成為企業爭相聘請的對象。這一現象引發社會廣泛討論，不少僱主直言在招聘時更傾向選擇內地人才，甚至形成「內地專才 vs 本地00後」的職場新格局。近日，有網民在Threads討論區發起熱議，列舉內地專才的3大優勢，直言在職場表現上「完勝」本地00後。

按圖即看樓主分享及網民留言！

+31

+30

樓主：點解公司寧願請內地人？非引戰，純討論。

近排成日聽到人講，香港啲公司越來越鍾意請內地人，而唔係香港人。不如我用自己嘅經歷講吓，點解會咁。

例子一：教 GenZ 同事 vs 內地同事

之前試過教一個GenZ嘅香港同事做嘢，真係教到我有啲崩潰。明明講咗好多次，佢都係唔記得。有次我好忙，到17:30先得閒教佢，佢就話最多聽到18:00。結果去到17:54，佢仲同我講:「你得返6分鐘可以講咋喎。」我心諗，你自己唔識，又唔趁我忙嗰陣自己睇下，而家教我仲要限時？真係有啲無奈。相反，我同內地同事合作嗰陣，佢哋從來唔會計較時間。

例子二：工作能力

我同香港同事同內地同事都一齊做過嘢，其實佢哋都唔蠢，仲幾醒㗎。只不過內地同事喺語言上冇我哋咁好，尤其係英文，但係我覺得呢個問題唔大。反而佢哋喺工作上嘅學習能力同適應力真係好強，好多嘢一教就明，仲會主動去解決問題。

例子三： OT

我呢行成日都要OT，香港同事入面，有啲人肯一齊OT，但有啲人一到鐘就走人，剩低啲嘢聽日先做。我相信好多公司請人嗰陣都會問你肯唔肯 OT，如果你答肯，咁就要做得到。唔肯就唔會請你，內地同事好少會say no，佢哋真係會同你一齊捱過啲忙嘅時期。

網民A：嚟得香港嘅大陸人全部filter過晒，好多fit馬。Interview入面人人平等，好多人以為大陸人平所以請，其實唔關人工事，大陸人一啲都唔平。

網民B：大陸人最大問題係極端內卷，廣東話叫做爛晒個市，用幾乎24/7嘅工作時間嚟迫走香港人。

網民C：大陸人呢種瘋狂OT表現其實只係佢哋能力差嘅表現。

網民D：咁講啦，香港後生仔係有自己原則，但係而家個市道咁差，你唔肯做，大把人肯做。內地人肯搏，自然有優勢。

網民E：其實唔係全部00後都咁，我見過有啲好捱得嘅香港後生，不過比例上真係少啲。內地人普遍進取啲，可能同佢哋成長環境有關。

網民F：其實係香港職場文化問題，唔係人嘅問題。香港公司慣咗壓榨，內地人習慣咗呢種模式，但香港後生開始反抗，咁啱撞正老闆仲係舊思維。

網民G：唔好一味踩香港後生，有啲內地人OT係為表現，但實際效率未必高。香港人可能唔肯OT，但準時交到貨，質素仲要好。睇你要咩囉！

網民H：講真，香港人係醒，但有時太計較。OT？「我份糧包到6點咋喎！」學嘢？「你冇教我喎！」內地人態度進取好多，肯學肯做，老闆梗係鍾意。

網民I：咁講啦，香港後生仔係有自己原則，但係而家個市道咁差，你唔肯做，大把人肯做。內地人肯搏，自然有優勢。

帖文一出，立即引起網民熱議。支持聘請內地專才的網民認為，通過嚴格篩選的內地人才具備「肯搏肯捱」特質，其進取態度與香港部分00後「計較工時」形成對比，不過，亦有聲音質疑這種現象是「爛晒個市」。持平和意見的網民指出，不應標籤化兩群體——既有拼搏的本地年輕人，也存在「只做表面功夫」的內地員工。更深層次看，網民認為問題根源在於香港畸形的職場文化，新一代反抗壓榨卻遭舊思維抵制。

同場加映：00後整頓職場只係個笑話？網民列5理由大力證說法

+25

+24