【職場隱形人】打工仔獲歐洲公司聘請後被遺忘 每個月照出糧 事主:佢哋8個月後先發現仲賠多一個月糧畀我

【職場隱形人】打工仔獲歐洲公司聘請後被遺忘 每個月照出糧 事主:佢哋8個月後先發現仲賠多一個月糧畀我

不少打工仔都對外國公司抱有憧憬,渴望能置身其中。這方面,一名台灣打工仔可謂「成功的例子」,因為他不僅加入外國公司,更被該公司遺忘了足足8個月,期間一直準時獲得薪金,事主更有時間另外再找一份工作,每個月獲得兩份工資,令網民不禁驚呼「神奇的歐洲工作!」

延伸閱讀:【數碼遊牧】2024全球最佳遙距工作名單 多倫多位列第3 馬德拉島奪第2 第1名係OOO?香港究竟排第幾?

按圖睇件事到底係點:

樓主:我自己本身係做博彩業(博弈業)嘅,因為英文本身算唔錯,所以後期一直都喺歐洲當地嘅合法博彩業公司返工。直至舊年有位HR挖角,叫我過去做佢哋嘅亞洲市埸經理,雖然話就話係經理,但其實成個亞洲市場就得我一個員工,我嘅上司已經係市場副總經理,加上我係Remote work,所以得我一個人喺台灣返工。

返咗兩個月之後,就發現係一場惡夢,因為公司內部根本唔想開拓亞洲市場,單純係我上司想咁做,結果公司唔畀資源同埋預算我去做任何嘢,於是我打算辭職。我想提出辭職嘅嗰個月,我上司同我講佢辭咗職,然後佢勸我搵到新工先再辭職。

佢走咗之後,我被公司隨意丟咗去一個新部門,我嘅新老闆又唔係好理我,淨係第一個禮拜搵過我開會之後,就再冇搵過我,然後我就開展咗長達8個月嘅自生自滅生活。呢段期間冇人叫過我開會,甚至冇人同我講過任何一句嘢,但係糧又個個月準時出,重點係我喺公司其實算高人工嗰批,我見到冇人理我,我就索性躺平算,個個月等出糧。我3個月前覺得實在太得閒,於是直接搵咗一份新工,每個月袋兩份人工。

直到5月底,佢哋好似真係完完全全唔記得咗我,請咗另一個新嘅亞洲市場負責人,然後喺檢閱公司員工名單嘅時候先醒起我嘅存在,於是好隨便咁炒咗我,但係有額外補我一個月嘅糧,我長達8個月、躺平淨袋咗121萬台幣(即約29萬港元)嘅Gap month就咁結束咗。

網民A:8個月唔使做嘢淨袋人工?神奇嘅歐洲工作!

網民B:成件事你最應該感激你前上司,係佢叫你唔好辭職。

網民C:點解會有公司唔記得咗自己員工㗎!?

網民D:歐洲博彩業呢個情況好似幾普遍,我有1、2個朋友都試過,不過如果係賺好多錢嘅博彩公司真係好誇張,當啲錢好似天跌落嚟嘅咁。

網民E:份工使唔使報稅?

網民F:如果係台灣公司,應該會要求HR賠償公司損失。

網民G:真正嘅薪水小偷!好羨慕……

有部分網民亦表示遙距工作有可能會遇到這種情況,尤其是如果公司內部混亂,同一時期有負責與事主溝通的人辭職或被裁,便很容易會有被公司遺忘的情況發生。

如果你也想尋找遙距工作的機會,不妨嘗試以下10個職位:

睇埋遙距工作期間點樣同團隊保持溝通:

延伸閱讀:【職場趨勢】錢與自由不可兼得 調查:職場越來越少高薪的遙距職位

延伸閱讀:【職場趨勢】員工拒絕重返辦公室的3大原因 3成人原因是老闆!?

延伸閱讀:【在家工作】老闆要求重返辦公室有理?員工WFH工作效率降低18%!


最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【文員人工】Clerk返工做咩?要具備有咩條件?文員入職要求、工作職責、薪酬及發展前景一覽!

  • 【致富攻略】想有富裕人生!能力同學歷唔再重要?內地調查:呢個係關鍵因素!

  • 【辭職學問2024】近3成人計劃於年底前辭職!最受影響嘅行業係?

  • 【行政文員】Administrative Clerk工作內容係?同Clerk同Admin有咩分別?行政文員入職要求、工作職責及薪酬一覽!

  • 【職場性別歧視|勞工法例】公司未曾招聘男同事 求職者面試被通知不獲聘用 僱主有否違反《性別歧視條例》?

  • 【香港就業市場】香港失業率維持3% !勞福局:各行業失業率維持低水平!

  • 【面試秘笈】面試觀感有得練?1個方法教你點改善HR對你嘅第一印象

  • 【行業趨勢2024】最多人被炒嘅行業係?呢個行業近1.2萬人遭解僱!公開7大行業曾工作失業人數!

  • 【語文系出路│Jupas選科】5個適合外語系畢業生嘅職業 呢份工起薪點逾3萬!

  • 【電郵禮儀】打工仔唔同人講就直接Send Email叫人做嘢代表冇禮貌?網民:視情況而定!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow