【職場管理】數同事離職上司被批管理不善怒事主：公司仲話要寫衰我！唔即時反枱我會仲慘！

CTgoodjobs' Editor

Published: 2026-07-24 12:15

Updated: 2026-07-24 12:15

管理層面對的壓力主要來自多方面，且對個人和企業均有深遠影響。首先，管理人員常須在上級與下屬之間扮演「三文治」角色，承受來自高層的決策壓力及下屬的期望與問題，這種角色矛盾容易造成心理負擔。此外，工作安排不合理，如工作量過多或過少、時間緊迫，亦是主要壓力來源。

網民在網上平台「Threads」上分享指近月開始，事主管理的團隊少了兩位人手，但工作量卻絲毫不減，令每位組員也工作得非常吃力。然而某天上司再向事主施壓，並指責事主在不會聘請新人手的情況下，不好好運用現時的人手完成超額的工作是「管理不善」的表現。暴怒的事主直接反擊無理上司，引來一眾網民熱議。

即睇事主點樣「反老闆枱」！（按圖了解）

+18

+17

🔥最熱門地區職位空缺🔥
🔗職位空缺傳送門🔗
▶️【油尖旺區】工作機會
 ▶️【屯門區】工作機會
 ▶️【上環/金鐘】工作機會
 ▶️【黃大仙區】工作機會

事主：兩個月前公司開始減人手，有兩個同事走咗，但無Fill返個位，我條Team宜家5個人要頂7個位，每個人都做得好辛苦。某日，高層走嚟問我：「少咗人，你打算點安排工作？」我：「大家一齊頂住先，頂到有人嚟應該會好啲。」高層：「你唔係諗住會有人嚟啊？唔會有人嚟㗎啦，就係叫你睇吓咁嘅人手可以點做返好啲嘢啊。」我當刻已經做到好嬲：「唔夠人手係咁㗎啦，你無加返啲人我點安排？做得幾多得幾多。」高層：「你咁無Planning即係（口震）管理不善啦，我寫落你份Appraisal！」我望住佢：「你寫囉，唔爭在同你講，有兩個同事已經搵緊工，啲人會走！」我望住佢講多次：「啲人係會走㗎。」

之後佢迴避我目光，講咗兩句唔知咩就走咗。

我當時決定咗做唔長先夠膽話佢，再者如果嗰兩個同事真係搵到工走咗，到時我仲慘過高層。

唔知有無中層人士會咁同高層頂嘴？最少我知道我公司應該唔會有。

網民A：你會唔會多口咗啲，人哋搵緊工唔代表佢想畀公司知……

網民B：啲高層永遠都係咁，唔會一齊諗方法！

網民C：大家齊齊士氣低落、出錯，漏做！然後用數據同上司講！

網民D：呢種唔叫頂嘴，叫反映事實叫上面畀解決方法！

網民E：睇嚟我同你都係同類人，又係為條Team頂撞上司，頂到無得升職，最後自己辭職！

網民F：唔反抗，最後你一個人做晒所有嘢！

網民G：高層思維：如果管理好就唔使咁多人手，每間公司只需要一個員工就夠！

網民H：原本7個人嘅嘢分畀5個人做，見你都仲頂得住，咁咪再減下一個囉！搞得掂就繼續Cut人，搞唔掂係你管理不善！

網民I：高層永遠玻璃心，唔聽得真話，接受唔到事情不受控！

網民J：搵工啦！講多無謂！

網民K：總有人以為高層高人一等，以前公司有個高層話：「其實所謂高層同基層都係各施其職，無高低之分」。

合理的人力資源配置和支持，能有效提升團隊士氣與工作效率。管理層需具備同理心，理解基層與中層的實際情況，與各層級協同合作，共同面對挑戰，推動組織健康發展。管理不善的指責往往是組織內部溝通與資源分配問題的表象，而非一人之責或單靠一人之力即可解決，若出現以上狀況時，公司亦應好好考慮自身的政策問題，而非將全責歸咎於員工之上。