【職場穿搭】着咩衫都畀阿姐話 網民:連男同事着咩底衫都要管⋯

【職場穿搭】着咩衫都畀阿姐話 網民:連男同事着咩底衫都要管⋯

每天返工面對重重複複的工作、一成不變的人和事,各位打工仔會以甚麼改善自己的心情呢?將自己打扮漂亮?帶一個精美的飯盒?獎勵自己做一個飯後甜品?要令自己的心情變好,其實只需要一點小事,不過,有時這些小事都竟然會被閒言閒語……

延伸閱讀:【見工面試】面試唔識包裝自己 錯失取錄機會 自我介紹3大架構你要識!

有網民在社交平台專頁「奴工處」上以「咩衫都畀阿姐話」為題投稿,指自己的舊上司總是喜歡對自己的衣着指指點點,令她非常難受,「舊阿姐好鍾意對其他人評頭品足,我係office OL仔,着衫style偏日系,但最多有時件衫有一兩條lace咁,阿姐見到就會喺我旁邊竊竊私語,我又要聽到佢講我,但又聽唔清佢講咩。

其他同事佢間中都會講,幾乎日日都係咁,後來我淨係敢着最普通嘅衫,明明以前覺得返工唔開心,着得靚啲都可以令自己心情好啲,但估唔到有人連其他人着咩都鍾意竊竊私語……」

不少網民都着事主不用理舊阿姐的評論,亦有網民分享自己連內衣褲都被上司管的經驗!

即睇網民回應:(按圖了解)

網民:「我係男人都試過畀之前個阿姐話我着衫唔得,呢件個衫領唔得,嗰件就顏色唔得,之後我只能日日白衫黑褲,成個酒樓部長咁返工。」

網民:「我以前着西褲返工,普通底底,畀阿姐問我做乜唔着T back……2002年的事。」

網民:「恭喜你,你肯定有返咁上下魅力!」

網民:「我理得佢點睇。我日日返工着衫都畀我媽嘈一輪,話我着得唔好睇嘅,所以我睇化咗。關佢哋咩事,返工係你嘅事,唔好睇又係你自己嘅事!」

網民:「我以前新阿姐返工第二日,畀女老闆捉咗去行街買衫。原因係因為5x歲,仲要日日蕾絲、短裙仔、短褲仔,老闆覺得唔啱公司形象,重點樣唔靚女……」

網民:「你使咩理佢啫,自己鍾意着咩就着咩!」

網民:「我舊阿姐連男同事着咩底衫都要管!舊阿姐係嫌男同事件底衫喺個領口突咗出嚟,要佢換件低領口啲底衫,日哦夜哦,哦到個同事換到啱佢心水為止。」

網民:「同佢講,我份人工衫都買唔起!」

網民:「冇其他地方畀佢攻擊,咪話你衣着囉,把口生喺人度,理得佢!」

網民:「畀我會着得更靚,等佢羨慕吓!」

網民:「大聲啲問佢有啲咩問題。」

網民:「有魅力先會畀人講,我哋中等姿色着唔着都無人理。」

網民:「辦公室日常,唔講衣着都會講第二樣,把口生喺人哋度,你唔介意就影響唔到你,慢慢就慣。」

 

把口生喺人哋度
看到同事對自己竊竊私語確實會有壓力,不過當自問自己的衣着適合返工,沒有奇裝異服或過份暴露時,就不用太過介意別人的想法,有時上司就是無理,就如網民分享道:「我係男人都試過畀之前個阿姐話我着衫唔得,呢件個衫領唔得,嗰件就顏色唔得,之後我只能日日白衫黑褲,成個酒樓部長咁返工。」

有不少網民都鼓勵事主不用在意,並指:「把口生喺人度,理得佢!」、「辦公室日常,唔講衣着都會講第二樣,把口生喺人哋度,你唔介意就影響唔到你,慢慢就慣。」活出自己,自己覺得舒適又得體就可以了!

延伸閱讀:【見工面試】面試唔識包裝自己 錯失取錄機會 自我介紹3大架構你要識!

延伸閱讀:【職場文化】公司執笠前有咩先兆?網民:冇零食、冇廁紙…

延伸閱讀:【職場熱話】幫上司求婚 被抺殺功勞 網民:完美展現下屬做嘢上司領功

延伸閱讀:【職場熱話】人工13K要識marketing、設計、整App 網民:做份清潔都高人工過你…

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;