【職場熱話】高薪厚職就係好?畢業生呻因為屋企人唔敢轉行 網民:想試就試

【職場熱話】高薪厚職就係好?畢業生呻因為屋企人唔敢轉行 網民:想試就試

在學生時期,讓我們最苦惱的其中一件事,就是接下來的路我們應該怎麼走。當我們不像別人早就找到自己想做的事,決定未來的方向,無奈會在路上迷失。身邊的人總會跟我們說,只要擁有高職級、理想的薪酬,就是一份好的工作,這又是否我們真正想要的?

延伸閱讀:【行業辛酸】一人一個容易被世人誤會嘅工作性質 做IT一定識砌機、做工程=地盤佬?

「大學畢業之後,當一個文員不行嗎?」在討論區有畢業生提出這個疑問,並說到因為家人不敢轉行,網民抒發己見:「想去試的話,就去試」。

點圖了解更多事主經過:

事主︰「我喺大學嗰陣讀工程系,畢咗業之後返咗一份月薪18k嘅工,但其實我對工程系一啲興趣都無,當初讀大學揀科只係覺得,最重要都係拎張畢業證書,遲啲先再揀做咩。

其實我由於細到大都想做文員,穩定又固定,最好係面對嘅人唔多,因為我係有輕微嘅社交恐懼症,就係打電話都會手心出汗、手都震晒嗰種。工程要面對咁多人,對我嚟講好難克服,我有嘗試過同屋企人傾過,但佢哋一下子就反駁我,覺得我浪費咗大學學位,而家佢哋仲不停幫我搵返工程關嘅工,想我人工再高啲。咁我都知做工程,考到牌做15年以上應該都可以搵到60-70k,但睇住啲朋友而家做Assistant Engineer,個個有返工無放工,壓力大到無得瞓。我就覺得我唔係想要呢種生活,我唔介意搵少啲,生活輕鬆少少,其實做文員都唔一定成世都賺得少嘅…但我唔敢轉行,好大程度都係因為屋企人,佢哋同人講個女做工程師好似會開心啲,而且我都想賺多啲等佢哋生活好啲。

我信文員呢份工好啱我,之前我返過兼職資料輸入員,工時長、人工低、工作多,但我做得好開心,咁諗係咪好無大志?或者有無人可以介紹啲人工高少少,又唔需要對人嘅工畀我,等我可以說服屋企人同自己?我曾經有考慮過做殯儀業。」

►最新【行政 / 文職】職位空缺

網民回應︰
A/有個工程師嘅女,個名佢哋拎嚟講係開心,只係辛苦嗰個係你,無論去到邊係被剝削嘅一方
B/你要搞清楚喎,兼職同全職好唔同,做文員唔代表唔需要對人,細公司對得人少,但人工低;大公司可能人工高,但要對好多人。同埋你係唔係真係接受到成世人工得萬頭先?會唔會試吓轉做文員先?文員出得夠低價,就幾時都有人請,做兩三個月體驗吓,到時你可能會有新嘅諗法
C/文員首先要不停打電話
D/做工程文員咪得囉,問題解決!其實無咩工係唔需要對人,建築界係班工人先唔使溝通,IT除咗Support,坐Server房嘅,都要見人。或者做吓維修同物業管理
E/做殯儀館都有對人嘅工作,而且係好多唔開心嘅人,你肯定頂得住?
F/我做工程嘅Research & Design,日日喺電腦面前畫模型畫圖,要對嘅通常都係自己Team嘅人,其實工程都未必要對好多人嘅
G/我唔係好建議人做文員,做嘅嘢千篇一律,做得耐就會同世界脫軌,人到中年仲分分鐘有機會被炒,換個畢業生慳唔少啦,同埋文員呢個行業只會越縮越細,有能會被AI取代,到時你唔後生,但又咩工都當你白紙
H/Follow your heart
I/有啲嘢你始終都要克服,你屋企人早就為你諗咗將來,你有錢嘅話,到時想點摺埋都得,但你做咗文員就真係返唔到轉頭,你可能會因為咁磨蝕咗個心。忍一忍,適應一下,走條好啲嘅路,遇到人都會好好多

延伸閱讀:【見工面試】HR問「點解突然轉工」點答好?網民紛紛獻計

考慮自己的職涯
在選擇職業的時候,挑自己喜歡又令感到舒適的工作,會讓你工作得較為愉快。但同時都要考慮自己的職涯發展,好像想想這份工作在未來有甚麼晉升的機會,能讓你學到甚麼等等。要為自己作打算,才能豐富自己的經歷,走上更理想的道路,成為一個不可多得的人才。

應否轉工?如果出現了以下5大徵兆,就要考慮現在的工作是否適合你!(點圖了解更多)

延伸閱讀︰【職場熱話】畀上司知道自己準備離職 應該點做好?當事人:處境好尷尬…

延伸閱讀︰【人力資源】新人難留住?2成人於入職首個月辭職!即睇5大員工快閃離職原因!


最新專訪片︰

【星級斜槓族】19年港姐冠軍黃嘉雯力求代表作 無懼「行得慢」 努力做好自己望被看見 把握空檔學習寵物美容

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【建造業工人註冊證丨行業術語丨輸入外勞】招聘廣告寫「企鵝免問」咩意思? 10個有趣地盤行內術語你識幾多?

  • 【未來抉擇】後悔DSE夠分無讀醫科 公屋仔不甘往後只可做中產

  • 【職場熱話】對工作失去熱情可以點做?網民:望吓個戶口 即刻有返熱情!

  • 【提早退休不是夢】有正職都可以做 2024年呢4種副業最具潛力!

  • 【見工面試】HR見工多次被震驚!應徵者:阿媽幫我申請

  • 【職場熱話】同一日收到兩個offer 應該揀錢定揀興趣好?網民:唔好後悔一世

  • 【職場熱話】新工Title重唔重要?網民:人工同經驗最緊要

  • 【職場辛酸】畢業生做幾個人workload 返工2個月即跟大project 網民:人工無呢個數即走!

  • 【網絡熱話】返工幾努力都無得升 打工仔感慨:接受自己係平庸嘅人

  • 【2024】回顧一年職場生活 打工仔要問自己的5條問題

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow