Next
【見工奇遇記】講出期望薪酬慘遭面試官恥笑 事主：最荒謬嘅求職經歷！
【見工奇遇記】講出期望薪酬慘遭面試官恥笑 事主：最荒謬嘅求職經歷！
2024-11-21
為了找到自己心水的工作，打工仔普遍都會以漁翁撒網的方式廣發履歷表 (CV)，不放過任何能獲得工作的機會。若果獲公司邀請見工，定必會做好準備，以最佳的狀態進行面試，表達對公司的尊重，不過並非每間公司都會尊重求職者。在網上討論區Dcard，有求職者指自己在面試時，談及期望薪酬，竟遭到面試官恥笑：「最荒謬嘅求職經歷！」
延伸閱讀︰【職場英語】10句表達期待嘅英文句式 除咗「Look forward to」仲可以咁講！
按圖了解打工仔最最荒謬的求職經歷︰
延伸閱讀：【求職招聘】有CV就唔使求職信？即睇範例於cover letter中展現自己實力！
事主分享︰
我啱啱做完個面試，由一開始，就聽得出面試官嘅語氣唔多好，佢見我本身上一份工嘅人工係A咁多錢，佢就話：「本來你份人工就得A咁多，但你竟然想喺呢份工拎多兩成人工？」
我就問：「唔係你哋自己喺招聘廣告寫份人工個數咩？」
佢答我：「無啊，我就覺得好有趣，好好笑咋嘛，唔好介意喎。」我聽到都唔知講咩好，所以我應該點填？
佢睇住我份CV，又問我：「你完全無呢份工嘅相關經歷喎？咁你仲應徵呢個位？」
我就話：「因為我Send CV嘅時候，只見到呢個職位嘛」
佢回我話：「我哋有出另外一個位喎，你無相關經驗仲In？」
其實呢，個招聘廣告上面，無寫過話要有相關經驗先可以投CV，上面只係話有3年工作年資嘅人可以Send CV嚟。咁我Send得CV嚟，你又搵我見工，唔係因為覺得我都唔錯先搵我咩？點解要咁樣話我不自量力？就係咁，結束咗我人生中最荒謬嘅面試。
網民回應：
A/ 佢自己個招聘廣告寫成咁，但唔畀人投履歷係咩意思，面試聽佢講埋啲咁嘅嘢，真係浪費時間
B/ 真係好荒謬，啲公司成日都高高在上咁，以為佢哋自己揀緊人，其實我哋都揀緊公司，去啲咁嘅公司見公真係浪費時間。不過唔知係唔係個HR畀人追數，覺得你唔錯，所以畀你去面試，但老細就覺得你份履歷表唔啱個位
C/ 呢個上司真係好有問題，想問邊度好笑？
D/ 呢啲態度真係好討人厭，之前我直接試過畀人話我嘅履歷唔值嗰個價，仲話個位搵邊個做都得，咁唔怪得你成個月都請唔到人啦
E/ 我遇過個面試官對我咆哮，真係諗吓都覺得搞笑
F/ 啲咁嘅態度真係唔想去做嘢
G/ 就算佢請你，你都係唔好返去啦，呢啲咁嘅上司自以為有幾勁，其實都係欺負緊班基層嘅人
延伸閱讀︰【職場熱話】返工返到好迷茫 沒有職業規劃 「係咪咁就一世」
保持冷靜 正常發揮
從面試官的表現，某程度上能夠看出公司的文化，如果對方的態度如上述的面試官一樣，就要考慮若果對方出Offer的時候，你應否拒絕。不過在面試的時候，遇上態度欠佳的面試官，求職者需要做的是保持冷靜，發揮正常的表現。嘗試將這次面試當成一次練習，即使最後沒有能夠成功得到工作，求職者也有所得着。
在面試的時候，被問到未來的計劃，應該要如何回答？不妨參考以下4點！（點圖了解更多）
延伸閱讀：【轉工跳槽】放工秒速跑走、偷打電話、經常請假……10個舉動洩露同事準備離職
延伸閱讀：【辭職學問】辭職前想好這7件事 減低令自己後悔的機會
最新專訪片︰
【星級斜槓族】林正峰入行後不放棄社工身分 兼職老人院工作 盼盡一己之力關心社會 賺取穩定收入
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!