【職場熱話】排到公屋 需要工作證明 經理竟然嫌煩而拒絕?

【職場熱話】排到公屋 需要工作證明 經理竟然嫌煩而拒絕?

打工仔最希望就是能夠有一個安居之所,畢竟在香港似乎一屋難求,很多人都為住屋而擔憂。而如果幸運地排到公屋,實在是可喜可賀!不過卻竟然有上司故意勺難……

延伸閱讀:【職場熱話】新人返咗5個鐘就話辭職 原因竟然係茶水間OOOO!

有網民在社交平台專頁「奴工處」上投稿,分享同事排到公屋,卻遇到困難的境況,「同事排到公屋要畀工作證明,經理竟然嫌煩拒絕……」明明同事與該經理平日的關係都算不錯,不過竟然被拒絕,實在難以至信!而拒絕的理由更是令人冒火三丈!

即睇事主分享及網民回應:(按圖了解)

「話說我喺做酒店水療中心嘅,想分享下一位part time美容師同事嘅故仔。我呢位同事係單親媽媽,帶住兩位十幾歲嘅小朋友排公屋排咗大約十年, 上年尾終於有消息上樓,房署就要求佢畀工作證明做最後審批。咁佢就問經理想出封信做證明,點知經理話唔可以,冇講原因,仲要罵我呢位同事畀麻煩公司。

之後同事同我講開呢件事,因為我係長工所以我可以幫佢去HR問,HR回覆如果只係想簡單文件證明,公司係可以嘅,不過依然需要我哋經理自行處理,我將個程序講返畀位同事知,等佢自己再同經理溝通,冇幾耐就第5波疫情唞咗幾個月,4月21日開返之後我都冇再見過呢位同事。

後尾聽到原來經理唔想幫位part time嘅原因,只係因為唔熟電腦文書操作唔想煩,所以先咁樣拒絕位同事。最後嗰位同事好似搵到第二間公司肯幫佢寫信所以立即走人,而最緊要係呢位同事同經理本身係好friedn……估唔到咁小事都唔肯幫,仲要罵人。喺香港本地人上到公屋,就算陌生人你都會恭喜佢啦,點會咁為難人!」

網民:「表面熟,內裡生……這是她轉運的時候!有新屋有新工,每個人的人生都有機會轉變,好好把握!恭喜恭喜!」

網民:「好明顯經理唔識點寫,所以用『嫌麻煩』做藉口!呢個時候,畀份寫好咗嘅證明,佢簽個名加個印就搞掂,應該就唔會推。」

網民:「香港本地人排到公屋,真係難過登天,恭喜!」

網民:「好彩個同事最後都有信!」

網民:「可能唔抵得佢有公屋。」

網民:「因為阿經理未上到樓囉!」

沒有工作證明可以怎辦?
現時《僱傭條例》沒有規管僱主在僱員離職時,必須發出工作證明,亦沒有規範工作證明的內容。如僱主拒絕提供離職證明,打工仔可利用以往工作的糧單、稅單或強積金供款等文件,證明在該公司工作的時期。

同時打工仔亦可引用《個人資料私隱條例》提出資料查冊,要求前僱主提供牽涉個人私隱的文件,包括該年度列有其聘用時期的報稅文件,而僱主則需於40曆日(Calendar Day)提供資料。 

延伸閱讀:【勞工法例】網民︰離職後公司不願出Reference 工作證明 + 糧單一定會有?

延伸閱讀:【職場熱話】新人返咗5個鐘就話辭職 原因竟然係茶水間OOOO!

延伸閱讀:【見工面試】面試完先發現份工唔啱自己 事後應唔應該send email拒絕?>

延伸閱讀:【職場熱話】公司冷氣不停滴水又唔換 日日返工都成身濕晒 網民:有冇諗過擔遮扮工?

延伸閱讀:【職場熱話】入職獲發錯體卡片 Admin仲話title唔緊要!網民:咁印CEO!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告