【職場熱話】同事經常臨時請假感困擾 「係咪應該以牙還牙?」

【職場熱話】同事經常臨時請假感困擾 「係咪應該以牙還牙?」

在職場工作,不只一個人單打獨鬥,而是全靠團隊合作,才能將所有項目完成。團隊成員缺一不可,否則難以把工作妥善處理。有台灣打工仔在網上討論區Dcard分享自己的故事,他指因為同事經常臨時請假,讓他感到非常困擾:「我是否應該以牙還牙?」

點圖了解更多事主經歷:

延伸閱讀:【面試攻略】見工被問上一份工離職原因 6大模範答案得HR歡心
延伸閱讀:【職場英語】學會英文客套話 不再被字面誤導

事主分享:

「我哋做嘅工作內容,多數都要今天的事今天做,工作量好多,如果團隊少一個人,就會覺得好攰,好想死。

我同事張小姐,同我年紀差唔多,亦係差不多時候入呢間公司,感情算唔錯,以前佢都成日幫我手,喺假日嗰陣我哋都會一齊去玩,係同事亦都係朋友。喺同一間公司四年,前兩年我哋曾經係同一個團隊做嘢,公司有行『職務代理人』制度,即係代他人行使職權或執行工作任務,我哋做咗對方嘅代理人,點知佢就成日請假。

理由多不勝數,好似眼痛、頭痛、生理痛,再唔係就話屋企人同隻狗有病,以前覺得都仲可以接受,就無特別多計較。後嚟我換咗部門,就無同張小姐同一個Team,我呢Team嘅人請假,都係迫不得已先請,因為少個人真係會忙到傻。

入咗呢個部門一年相安無事,突然收到通知,話張小姐要調嚟呢個部門。今個星期一要返工,佢竟然話因為假日玩到攰,所以要請假。我真係即刻勁嬲,因為我見到佢喺社交平台Post咗自己同隻狗玩嘅限時動態,佢真係當我無睇到。如果佢繼續咁樣,咁鍾意請假,唔在乎同事生死,我係咪都應該隨心所欲咁以牙還牙?」

網民回應:

A/請假請得咁密,你哋上司唔會問吓咩,或者佢都覺得有問題,有相應處理方法呢

B/我朋友太好人,結果幫佢同事頂晒嘢嚟做,後來個同事調咗去第二個位做,佢身體先健康返啲

C/遇到呢啲代理制度,要幫手簽名就要拒絕,我以為呢啲制度得個講字,簽還簽,啲嘢都係放喺度,畀嗰人自己做返

D/其實呢啲嘢係可以拒絕,有啲人知道對方好易話為,所以一直搵對方做代理,我試過有同事搵我做代理,佢咩都唔講就請假,後嚟甚至直接請長假,我一個人做咗三個大Project,最後佢返嚟想搏表現,而我就當佢係空氣,最後佢自己做嘢唔叻,嬲住咁辭咗職

E/我有個同事都成日請假,有事請假都算,佢有時仲會請兩三日假去玩,雖然佢都係用自己啲假啫,但我啱啱返工知都好嬲,因為我聽到佢講,如果我成日請假,佢會好嬲,因為覺得咁做唔係幾好。仲同我抱怨,話另一個同事大咗肚,一直請假,令佢覺得好困擾,我心諗:所以你想點...

F/所以你而家係可以拒絕佢,但又唔想同佢反面?咁你只可以繼續受,想做好人都只會畀人利用,你請咗假,都唔見得佢會做好你啲嘢,咁都仲想做朋友?真係不能理解。

將真實情況匯報公司
職場上沒有永遠的朋友,我們都只是對方的同事,為求能夠盡早完成工作、盡早下班。若然你身邊的同事,像事主的一樣,沒有體諒同事的工作量,亦不求為公司服務,只為自己舒適而請假,你可以將真相告訴上司,讓上司知道同事工作的實際情況,相信上司定會找到方法處理事件。

想轉工作應該怎樣做?(點圖了解更多)

 

即睇5個拯救職業倦怠的習慣:

延伸閱讀:【見工奇遇記】問職業前景卻被面試官黑面?求職者衰講多咗●●兩隻字
延伸閱讀:【見工面試】求職者常遇到的4類測試

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;