Next
【職場熱話】準時收工遭上司「照肺」 事主：做完嘢留喺度做咩？
【職場熱話】準時收工遭上司「照肺」 事主：做完嘢留喺度做咩？
2023-07-14
越來越多人追求工作生活平衡（Work-life Balance），希望達成事業目標，同時享受生活。不過實際上，想真正做到Work-life Balance絕不容易，皆因準時下班並非必然的事。在網上討論區Dcard有打工仔分享自己的經歷，指因為經常準時下班，被上司「照肺」：「完成工作後，為甚麼還要留在公司？」
點圖了解更多事主經歷：
延伸閱讀：【面試攻略】見工被問上一份工離職原因 6大模範答案得HR歡心
延伸閱讀：【職場英語】學會英文客套話 不再被字面誤導
事主分享：
「我係今年啱啱畢業嘅職場新人，好好彩搵到自己鍾意嘅工作，仲要係幾乎畢業之後就搵到工，所以我由七月初，就入咗而家間公司做。今日我上司叫咗我入房傾，話我咁樣每次準時收工唔係咁好，仲問係唔係因為我啱啱出社會做嘢，唔識職場文化。
雖然我上司唔惡，仲算溫柔，但我真係覺得好委屈，我為咗準時收工，每朝返工都提早20分鐘，甚至半個鐘到，就連食Lunch嗰陣，都係買飯盒返嚟，邊食邊做，根本就唞唔到一個鐘，唔通學我上司咁講，呢啲先係真正嘅『職場』？但我要做嘅嘢都做完，仲留喺度做咩？」
網民回應：
A/收工時間，無得收工，真係好好笑
B/其實無佢口中講嘅「職場」，只係公司想壓榨員工，我成日都聽到人講，喺公司越遲走，就代表嗰個人工作成績越差
C/好彩我可以準時5點半收工啫？同你老闆講，再有同類情況，就會辭職
D/以後就準時返工，唔好早到，休息時間唔好做嘢，拎晒嚟休息，收工時間一到就扮忙，唔好同佢硬碰硬啦，就喺夾縫生存好啦
E/唔同工種，職場文化都會唔一樣，有啲公司會希望員工早啲走，有啲係未做完唔畀收工，但要打咗卡先繼續做後續工作。另一種係個上司未走，啲員工都唔畀走，久而久之底下嘅人都變到拖拖拉拉，就快收工先開始做，或者係一邊返工一邊上網做唔關事嘅嘢，都有一種係比較好玩嘅公司，會用低過市價嘅錢嚟請人，搞到公司員工流失率好大，無走嘅人係用OT錢嚟拉高自己人工
F/間公司真係好差，可能因為係Fresh Grad，去唔到啲好公司，做過大公司都知，夠鐘食飯、收工個個都好似大逃亡咁，無人得閒理你，同你扮認真
G/除非個人工令你好滿意，如果唔係呢間公司好大機會係伏嚟
工作但求心安理得
普遍網民都支持事主準時下班，並指上司這個行為非常無理。如果招聘廣告及面試期間，沒有提及工作需要OT，實際上事主只要完成自己的工作，就能準時收工，沒必要跟隨「扮工文化」。工作只求心安理得，只要完成自己的工作，就不需膽怯。
如果遇上這種上司要注意（點圖了解更多）
即睇5個騎牛搵馬的貼士：
延伸閱讀：【見工奇遇記】問職業前景卻被面試官黑面？求職者衰講多咗●●兩隻字
延伸閱讀：【見工面試】求職者常遇到的4類測試
最新專訪片︰
【HR Guru】疫情影響僱主價值主張？宏利香港及澳門首席人力資源總監盧凱欣：做HR要情理兼備
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!