【職場熱話】叫員工狂like以1蚊買雪條 網民教路點拒絕老細

【職場熱話】叫員工狂like以1蚊買雪條 網民教路點拒絕老細
不少員工認為,好老細及壞老細全看員工福利及薪酬調整,惟遇著孤寒老細,又應該如何應對?近日有網民於討論區發帖指,老細除吝嗇文具資源外,還有更「爆」的孤寒事件,與網民一同分享。

事主於該公司做文職工作近一年,開始發現公司「唔對路」,老細又鍾意威,但為人孤寒吝嗇,平日公司的資源如文具等,要用配給制度,十分困擾。事主指老細近日更「爆」:「話說市場上推出了新的鮮芒果雪條,佢話見到只要Facebook儲夠唔知幾多個like,就可以1蚊買」。事主表示,老細想請公司同事食雪條,當作公司福利,「但佢叫我用自己帳戶同身邊親戚朋友去like,盡量夠數可以1蚊買返嚟」。

事主當刻心想,「係咪痴咗線?我上網睇過其實原價都係20蚊一條啫,同埋公司同事計埋我都係14個人咁大把,何必要為了慳嗰幾百蚊搵著我嚟搞呢」?

有網民教路,事主應如何拒絕老細,「話做完優惠,無得用1蚊買!照比原價」、「你咪like幾個,話我就係得咁多朋友」。亦有網民認為,不少公司也會限制文具資源,「有人真係20支30支咁拎返屋企派比親戚朋友用,然後話係公司咋嘛,想要仲有呀」,勸事主開看一點。

Look out for further updates on our Facebook fan page!

Related Articles