【職場熱話】公司出bonus唔計試用期 事主：真係多謝晒

香港與內地恢復通關，政府取消大部分出入境限制和核酸要求，不少打工仔摩拳擦掌，等待年尾花紅去旅行。一名打工仔在Dcard討論區發文指公司在年廿九派花紅，正當她滿心期待拿花紅補貼去旅行，查詢戶口結餘，一看竟然只得幾百元。及後，她才發現原來公司出花紅不計算試用期，苦喊道：「真係多謝晒」。出花紅通常會計算試用期在內嗎？

延伸閱讀：【職場心酸】公司加薪加得$XX 打工仔爆seed：接受唔到！侮辱人咩！

+7

+6

事主：「話說年廿九，公司啱啱出bonus (仲要一個月都冇)，咁我join咗間公司4個月左右，因為過咗試用期都有得pro rata分，雖然唔係多，但都諗住執返三兩千幫補吓去旅行啦，點知一打開e-banking，出得幾百蚊，原來公司係唔計proba段時期，即係份bonus淨係計我嗰唔夠1個月嘅，真係多謝晒，同埋真心想知多唔多公司係咁，因為我舊公司係計埋proba出bonus的。」

網民：「正常計埋，但唔計你都吹佢唔漲，discretionary一個字 ko 你。」

網民：「正常過咗probation，就會計埋probation。」

網民：「我舊公司都係計埋probation。」

網民：「衰公司，慳到盡。」

網民：「有幾百蚊咪好，我嗰間10月後入職，嚟緊3月花紅都唔會有，因為1月截數未過試用期。」

網民：「正常喎。」

網民：「童叟無欺，好公司。」

面對事主表示「真係多謝晒，出得嗰幾嚿水花紅......」網民則指「有幾百蚊好過冇啦！」不同公司政策不一，出花紅是否包括試用期時間全由公司決定，打工仔們只能看自己彩數。

事主試用期沒有花紅都算了，另有打工仔說被「精神病啊頭」怒斥沒有資格拎花紅？即睇打工仔分享：

+12

+11

延伸閱讀：【NGO熱話】社工男友因工作情緒低落 女友唔識點安慰…

延伸閱讀：【見工面試】不幸DSE零分或全U 見工應唔應該講出嚟？HR教你要點答！

延伸閱讀：【職場八卦】同事八卦問人工 打工仔作大咗$6000搞到同事想辭職？

⏩⏩  需要請人？立即刊登招聘廣告！  ⏪⏪