【網絡熱話】日資公司職場文化好難頂?人氣壽司店職員返工一日即劈炮

【網絡熱話】日資公司職場文化好難頂?人氣壽司店職員返工一日即劈炮

自從某日本人氣壽司店3年前進軍香港後,在各區掀起一陣排隊熱潮,更出現「排隊黨」,可想而知有多受歡迎。不過近日在Facebook群組「香港壽司刺身關注組」,就有自稱該店職員大數店舖三宗罪,指責日本公司職場文化規矩多多,令月薪僅 1.5萬元的他上班一天即辭職,揚言「呢份工唔係人做!」

延伸閱讀:【職場遊世界】日本都想實行4天工作?隨時減人工?

按圖即睇打工仔爆料:

事主:「之前喺某人氣壽司店做咗一日就無做,喺我眼中份工唔係人做。第一,要不停講日文。去到公司門口要講,搵人睇住你洗手要講,洗完手要做精神確認要講,入去廚房要講,去樓面幫手要講……日本公司要講日文都算,每次講嘢佢都要你叫好大聲,唔夠材料要好大聲講出嚟,每30分鐘清潔完要好大聲講『X號手握壽司完成清潔』。第一日洗咗20分鐘手,返工洗一次,去廁所洗一次,食完飯洗一次。」

「第二,超級多嘢記。啲嘢點整點放,要你係喺兩至三個鐘內記好佢,之後就得你一個新手做,做唔切做得慢會被人問候,一腳踢忙到飛起!!第三,流失率好高。好多人做幾日或幾個月就唔做,我第一日返工就見到同我一齊返工嘅人食飯嗰陣執嘢走。返足176個鐘先有月薪$15000,每日返9個鐘,1個鐘食飯時間(無錢)。」

網民意見:
網民A:傳統日本職場文化就係當員工係一件零件,唔需要有思想。

網民B:以前做過日本公司,一開始大經理想跟返日本人做事方式,後來發現喺香港根本唔可行,香港員工接受不了,請唔到人,過一排跟返香港人文化。

網民C:其實返工要洗15分鐘手係好正統飲食業操守,雖然所有嘢都好煩,但同時代表間餐廳係好注重食物安全同SOP。

網民D:呢啲所謂日本工作文化,喺香港根本就係眼高手低不切實際,收份咁嘅人工要求多多,完全離地,呢啲老闆個腦真係裝屎。

網民E:一直都覺得,日本只係適合去玩而唔係謀生活。

網民F:講嘢大聲嗰下真,我成日被佢地嚇親,個心離一離吖!

網民G:講個幾句日文,講多幾次就記得啦,日本公司有啲日本文化好正常,最緊要係有無心去做。

網民H:當然你可以話有啲野係多餘,亦無話邊個啱同錯,但同時亦解釋到點解香港永遠做唔到日本嗰種認真,過江龍到香港一定差一截。

網民I:日本係禮儀之邦,你入得去做就要接受人哋國家嘅文化吧!

正所謂「各處鄉村各處例」,香港與日本不論在衣食住行、待人接物上都各種差異。之前有居港日本人May在Youtube頻道「May in Hong Kong 私の香港生活」,分享了幾項令她驚訝的香港辦公室文化,例如「香港office無食煙房」、「香港的OT比較少」等。在港日兩地都工作過的她,就認為香港的工作環境比起日本好得多。

按圖即看居港日本人分享:

事實上,有不少日劇例如《半澤直樹》、《我要準時下班》等,均寫實地描繪日本上班族的心酸故事,反映出高壓的社畜文化。雖然日本職場文化隨著時代而慢慢進步,不過還是有一些根深蒂固的價值存在。以下為大家整理了6個日本常見職場文化:(按圖了解)

延伸閱讀:【職場遊世界】看法國人絕不OT的「勁Chill」工作態度

延伸閱讀:【職場遊世界】專業排隊師、道歉師、陪睡師?盤點日本八大高薪特殊職業!

延伸閱讀:【職場遊世界】日本企業允許80歲以上僱員就職 限每周工作4天 每日5小時

如果大家在職場上有不開心想發洩,或是對《勞工法例》有疑難,歡迎投稿給我們,我們會盡量解答你的問題,當打工仔的樹洞!👉 https://forms.gle/o2K2DaZWXzLFhypT7

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【行業辛酸】做飲食業有苦自己知 做足七個鐘無得唞⋯⋯

  • 【職場遊世界】日本都想實行4天工作?隨時減人工?

  • 【職位空缺】日本請「移動廣告專員」遊澀谷 時薪$73

  • 【職場遊世界】港日工作文化大不同 有病假好驚訝 香港環境比較好?

  • 【職場熱話】做餐飲業EQ低會影響同事?事主:唔想服務人就走啦!

  • 【企業文化】素食可吸引Z世代求職者?八分一員工支持公司提供「走肉」餐單

  • 【職場遊世界】專業排隊師、道歉師、陪睡師?盤點日本八大高薪特殊職業!

  • 【行業趨勢】禁晚市堂食重創餐飲業?餐廳信心指數跌至27%

  • 【遙距工作】日本Yahoo實現僱員「全國工作」 仲有上班津貼!

  • 【打工仔搵食】壽司郞分店明年增至15間 入職有咩福利?

Jobs You Maybe Interested In

刊登招聘廣告