【求職面試】公司出兩萬蚊人工請人 入職後用到盡一人頂3人工作量

在職場上，尖酸的老闆、刻薄的工作待遇隨處可見。幸運的話於面試時摸清對方底細或能避之則吉；若對方利用甜言蜜語引導你入職後才露出真面目，便真的有口難言了。最近，有事主於網上討論區發文，指面試時公司願意提供兩萬元薪酬，入職時老闆卻將三人份的工作量分配下來，令事主大感吃力。

+1

事主：上個月去咗見份工程助理，發覺依家想搵份2萬蚊嘅工，老闆真係會用到你盡！

事主：一個人嘅人工=做3個人工作量，開會、劃Cad圖，又要聯絡判頭和建築師樓啲人同政府人員等等不能盡綠⋯⋯

事主：建議各位喺薪金要求嗰度寫盡啲，因為依家啲老闆以為你月入過2萬就會發達咁款。

即睇網民回覆：

+8

+7

網民：其實忙啲都幾好，起碼生活充實啲。最慘係返工無嘢做等放工，咁樣仲難捱呀。

網民：喺度學完嘢就好跳糟啦！

網民：咁出$4萬點算？ 咪要做埋老闆屋企嘢？

網民：呢代老闆好多都未捱過所以唔會理你感受，但新一代員工又賴皮又Hea，真係絕配。

網民：畀你學嘢有2皮仲想點？畀嘢你做即係俾嘢你學，第時就唔止呢份人工，覺得自己讀完書出嚟乜都識哂？

網民：兩皮就諗住用盡你？唔轉工係你嘅問題。

網民：人工一到2字頭，老細就會覺得畀咗好多錢出嚟，諗計再除咗塞多啲嘢畀你做。

網民：我喺某特殊學校揸校巴，人工23K。個校長要我哋幾個司機楂車，仲要做看更、登記訪客資料、做校工、佈置校舍、消毒防疫板、搬重物⋯⋯人哋其他學校就盡量幫司機爭取休息時間，我間學校管理層就盡量叫司機盡每分每秒做校務，有時忙到連洗車都可以編2星期先一次，但有家長投訴時就責怪你無清潔部車。

網民：轉工啦，做清潔都唔止2萬啦。

網民：喺老闆角度，就算一蚊人工都會用到你盡。

見工時難免會擔心自己的表現、擔心自己說錯話、擔心是否令面試官感到滿意，而擔心到頭痛的你，學會留意以下10個小動作和微表情，在面試的時候，就看出HR對你的感受。

從10個小動作看出HR對你的喜惡：（按圖了解）

+18

+17

+14

+13

延伸閱讀：【求職面試】打工仔見工要印資料 面試公司：承惠40蚊啊！

延伸閱讀：【見工面試】空窗期愈長 人生愈無得翻身？ 進修改變命運？

延伸閱讀：【見工面試】求職者遭HR壓價$7000 事主：佢質疑我唔捱得苦！

最新專訪片︰
【Office豪華旅行團】物業顧問公司辦公室似私人會所 有韆鞦櫈、免費生果！

⏩⏩  需要請人？立即刊登招聘廣告！  ⏪⏪