【求職兩難】口頭接受offer後獲悉有更好機會 求職者怕反口惹人討厭

【求職兩難】口頭接受offer後獲悉有更好機會 求職者怕反口惹人討厭

求職過程不應守株待兔,只等候自己心儀的公司會浪費時間,所以許多人求職期間皆會以「漁翁撒網」方式向多間企業求職,務求縮短待職時間或轉職過程。優秀的求職者往往不會長時間逗留在求職市場,更大機會於短時間內獲數間公司聘請,相信這是讓人羨慕的「happy problem」吧!話雖如此,有些求職者卻視此為煩惱。一名求職者最近到「香港討論區」發文,指自己早前口頭答允到一間公司任職,怎料翌日有另一公司提供更好的就職條件,害怕突然拒絕先前答允的公司會惹人討厭。

延伸閱讀:【職場文化】細公司唔複雜?大公司好福利?網民齊論兩者優劣

即睇事主分享及網民回應:(按圖了解)

 

事主:A公司話畀offer我,我應承咗,但係第二日有間B公司畀個更好嘅offer我。

事主:呢個時間如果我拒絕返A公司的話係咪好衰?因為已經應承咗人哋,但係之後另一間公司又突然有個好啲嘅offer……

事主:大家都知見工嘅嘢係漁翁撒網,一時間有多過一個offer好正常,但係已經應承咗第一間公司先,搞到我唔係幾好意思拒絕人。

事主:B人工高少少,同A要返多半日星期六。

網民:人工高啲,返時間又短啲,當然做B啦!

網民:咁你同A講唔做,你都未開工!

網民:一日未簽啲嘢可以改!

網民:無咩好唔好,你都未開始合約,當然可以選擇更好。

網民:當然係B啦!就算你第一日返工都可以即走,何況而家未返工!

網民:好聲好氣同公司A講,人地都會明嘅,可能會用更好Offer留住你添!

網民:係就早啲講,返工梗係搵錢,唔通講感情咩?

網民:怕咩唔好意思?同佢有親咩!打工為自己啦!衰啲講句,佢連你個樣都應該唔記得啦,出街見到你都唔認得!

網民:其實你自己都有咗答案啦!口齒算得係咩?好多公司嗰頭話請你,轉頭又話咩改咗、負責請你又走咗、個位唔開住……

網民:咁我會照直講,話收到一個好啲嘅offer,最多同個HR講句唔好意思,大家都會明,早啲講等人哋搵過第二個人。

網民:其實個HR會明白,始終大家都係打工仔,佢最多要去個department同嗰邊話個新人唔返,問佢再開個新ad或者喺之前嗰幾個入面再揀。

網民:好過你做一兩個月唔做,浪費人哋時間train你!

拒絕受聘應盡早通知 網民:只返一日工更浪費時間

眾多網民不需要害怕反口而惹人討厭,因為對方同樣是打工仔,知道「人梗係望高處」的道理。另外,事主到現時為止仍未簽署僱傭合約,許多意見認為事主拒絕受聘理應更不受任何條款約束,不需感到憂慮,反而有人指工作日辭職更浪費他人時間,因為「如果你諗住返一日話唔啱走人,你就浪費咗A公司處理合約與入職事宜等等的時間。」

另有網民見事主基本已決定去B公司任職,即時「勉強去做,個心咪又掛住另一間」,呼籲他「不如做小人,直接去另一間做好過啦」。此外,不少人認為盡早通知A公司,「早啲同人講,等人哋快啲同候補人選確認,都已經係幫咗人!」

最後,有網民注意到A公司為五天半工作周,認為該公司好極有限,「而家仲要返星期六半日嘅公司多數都係刻薄。」今時今日,大部分企業已經實行五天工作周,而世界更開始討論四天工作的可行性,五天半工作周無疑較難吸引人才。

延伸閱讀:【職場熱話】普通文員要做會計?打工仔不忿被炒 招聘應說清工作性質

延伸閱讀:【CV攻略】在履歷表填寫「可到職日期」的注意事項

延伸閱讀:【求職招聘】有CV就唔使求職信?即睇範例於cover letter中展現自己實力!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】日日睇搵工App究竟正唔正常?網民:我一壓力大就會睇!

  • 【見工奇遇記】打工仔面試無回音 6年後先收到公司感謝信 「係咪穿越時空?」

  • 【職場調查】全球最佳Work-life Balance城市出爐 香港僅排45 打工仔快樂指數排尾2

  • 【職場趨勢】2022年就業市場展望2大重點

  • 【銀行福利】薪高糧準福利好!一文睇清銀行工常見福利及獎金

  • 【見工奇遇記】老闆壓價三千籲不應計較金錢 事主:返工唔講錢講乜?

  • 【見工奇遇記】數人同場面試但唔係見同一個位 事主:老闆遲兩個鐘做場鬧劇

  • 【員工福利】老闆為減低員工流失率 打算將花紅分兩期出?

  • 【職場熱話】普通文員要做會計?打工仔不忿被炒 招聘應說清工作性質

  • 【見工面試】見工做Written Test開Google算唔算出貓?網民反應兩極

Jobs You Maybe Interested In

刊登招聘廣告
;