Next
【搵幾多先可以躺平？】喺香港月入$4萬 究竟係咪可以Hea住過一世 唔使再搏殺？網民：睇你家境！
【搵幾多先可以躺平？】喺香港月入$4萬 究竟係咪可以Hea住過一世 唔使再搏殺？網民：睇你家境！
2024-10-21
香港地百物騰貴，衣食住行樣樣加價，生活愈來愈不容易。月入多少才能應付日常所需，一直是社會熱話。近日，有打工仔在連登討論區發文，詢問一眾網民，月入$4萬是否足以讓人「躺平」過日子，還是要繼續努力，爭取向上流的機會。
按圖睇樓主分享及網民回應！
樓主：喺香港月入$4萬，係咪可以Hea成世？個Position基本上都好難再加人工，但份工已經好熟手，唔係太大壓力，冇乜OT。問題係人工得$4萬，同養懶咗個人，假設份工有乜「冬瓜豆腐」，出去搵工都唔知做乜好。抑或要努力發奮向上，不停接觸唔同Project，升職加人工之餘，個人長期都喺作戰狀態。份工有事都易轉工，又唔驚適應唔到新工。兩者大家點選擇？
網民A：繼續Hea。
網民B：Hea，健康幾多錢都買唔到。
網民C：睇你本身家境如何。
網民D：當然Hea。我自己就係樣板，打開份舒服工好多年，諗住跳出去搵份再高人工啲，結果唔適應又冇得食返回頭草，而家兩頭唔到岸。
網民E：$4萬唔上唔落，叫你中產又掹車邊，窮又一定唔算。睇你嗰行$4萬係咩位，如果近乎頂，咁就無謂努力。如果只算中層，咁咪努力搏升多少少。
網民F：睇你有冇能力。
網民G：一定去搏啦！$4萬喺香港嚟計真係唔夠使，後生搵多啲，儲錢旁身，個人都安全感都多啲。
網民H：如果你儲蓄率夠高、打算成世單身，唔使供樓，住公屋或者父母有樓畀你，唔使養父母，搵$4萬輕鬆一世都可以。每個月使$1萬，儲$3萬，或者拎去投資都得。
網民I：如果已經有樓唔使供，一定Hea住過。如果將來要供樓，或者已經供緊的話，一定要升職加人工啦！$4萬供樓都冇咗一半，得返$2萬真係3餐都要慳住。又或者你另一半都搵$4萬，咁就可以慢慢Hea。
網民J：冇拍拖，加上有返咁上下年紀，我會選擇Hea。又唔係等住開飯，健康最重要，除非拍拖啦，唔係一定繼續躺平。
網民K：睇你$4萬係點使啦。$4萬住屋企、自己使，咁一定係Hea成世啦。$4萬想養妻活兒、搬出嚟住，咁我就會畀啲心機升職加人工囉。
帖文一出，立即引起網民熱議。普遍網民認為，在香港月入$4萬足以令人「躺平」度日，並強調能力愈大，責任愈大，無須為了工作而影響健康。此外，有網民指出，事主的個人狀況也是重要的考慮因素。如果沒有供樓及養家等家庭壓力， $4萬的收入確實可以讓人「躺平」度日
然而，有網民指出，隨着香港生活成本的上升，這個收入水平可能難以應對未來的生活需求，建議事主努力搏殺，尋求晉升機會，以保障將來的生活水平。
18區住戶月入中位數
最常犯的5大理財錯誤
延伸閱讀：【30歲職涯】30歲打工仔事業已到樽頸位 人工加得慢、轉行成本大 事主：無力改變現狀⋯⋯
延伸閱讀：【30歲要搵幾多錢？】30歲打工仔創業失敗 想進修但又力不從心 事主：而家先月入$20K，人生係咪好失敗？
延伸閱讀：【有樓=人生贏家？】成功真係靠父幹？網民：出社會後發現，好多人嘅屋企已經有幾層樓⋯⋯
延伸閱讀：【搵幾多先可以獨立生活？】香港地究竟月入幾多先可以租樓自住？網民：租金唔超過收入嘅4分1！
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!