【職場熱話】新offer人工高20%！但預感間公司可能裁員、結業 事主：做不做好？

俗語有話「魚唔過塘唔肥」，轉工是打工仔獲得加薪的主要方法。同時，轉工亦可能為你帶來新的挑戰和風險。早前，有網民在香港討論區發文，表示自己得到新offer，新人工加幅最少20%，相當吸引。然而，事主判斷公司有機會裁員、結業，猶豫要不要轉工。如果你是事主，又會如何決定？

延伸閱讀︰【職場熱話】Big4打工仔成日OT 考慮減15K轉做國企：值唔值？

按圖了解事主、網民分享：

+7

+6

事主：「新offer人工高20%至30%，假期多1倍。但間公司面臨重整，有機會裁員結業，去唔去好？本人已經40幾歲，非專業人士、無家庭負擔，依家份人工超低，有時候覺得好委屈……」

網民A：年年轉到有人請，最多佢炒人，就再走。

網民B：佢面臨重整都請你，可能你係計劃一部分呢，唔使諗咁多。

網民C：今時今日有20%至30%，已經好唔錯，轉咗先講。

網民D：睇你係咩人，我嘅話一定追求穩定，職場、人工係次要。

網民E：個市好差，呢排好多公司都執笠，原本間公司唔係太大壓力就再做吓，萬一去到被裁員，你隨時失業幾個月。

網民F：唔好為咗幾千蚊加幅，攞份穩定收入去賭，除非你好有自信會搵到再下一份。

網民G：你無家庭負擔，又有積蓄嘅話，咪試一試。你返工都為錢，一個月多幾千，一年多幾萬啦。

網民H：兩份都唔好做，繼續搵份新。除非你話搵咗幾個月，淨係得呢間有機會，否則可以再試試。如果你份人工好似你講到咁低嘅話，咁樣隨便轉一份工，人工上調20%都唔係冇可能。

帖文隨即引起討論，一些人認為事主可以嘗試跳槽，畢竟人工升幅以現時經濟狀況來說很吸引，「今時今日有20%至30%，已經好唔錯，轉咗先講。」，即使未來數個月被裁員亦可以再轉新工。不過有其他網民反對，指事主轉工風險太大，隨時由有新工，變成失業人士。

新工作的薪酬、福利都更豐厚，現在對事主來說，最大的煩惱是新公司的重整。事主轉工前應考慮自己的風險的承受能力，自己有沒有足夠儲蓄生活，萬一真的裁員，可以生活多久。

事主需要判斷這一間公司是不是唯一選擇，審視自己能否再獲其他工作機會。同時參考過去經驗、同事意見，了解現公司未來有沒有機會上調薪酬。事主甚至可以就自己薪酬偏低一事，向上司反映，看看有沒有加薪機會，盡量達到雙方共贏的結果。

延伸閱讀︰【職場八卦】細數有咩契機令人覺得係時候轉工？網民：發現FG仲高人工過我嘅時候……

【職場熱話】一年轉一次工等於爛CV？網民：轉到工代表你勁

+14

+13

延伸閱讀︰【職場趨勢】4成管理層擬上半年轉工 留職僅加薪3%至5% 轉職加薪逾一成半

【見工面試】咩玩法？Offer彈弓手？！事主：乜而家請人咁兒戲？

+12

+11

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪