【伏工預警】面試官好寸令人唔想take offer！答問題句句窒住晒？求職者：佢話我個答案一聽就知上網睇⋯⋯

事主被面試官挖苦經歷

點圖了解更多：

+17

+16

事主：「呢兩個月都喺度搵緊工，但係發現其實好多面試官都幾寸。就算畀嘅offer唔錯，都唔想入去做，覺得入到去都做唔長。

講兩個例子畀大家聽，分別係我同面試官嘅對話。

1.

面試官：不如你講吓你了唔了解我哋公司。
我：無問題，你哋公司係一間Leading嘅OO公司，提供OO嘅服務⋯⋯」
（我未講完，個面試官已經截停我）

面試官：一聽就知你係上網睇返嚟。（勁寸咁講）

我：係嘅，咁你哋公司有提供OO方面嘅服務。（我保持笑容咁繼續講落去）

面試官：其實我哋公司係一間提供OO服務嘅公司嚟嘅。（明明我啱啱講完）

我：呢方面我都知。

我心諗，唔係上網睇你公司資料，我應該喺邊度睇？好似為寸我而寸咁，跟住有Second-In我都唔去。

除咗呢位之外，都仲遇到其他寸嘅面試官，咁呢間其實佢嘅職位內容有講幾個範疇，不過我係A範疇嘅經驗係少啲。

我：我之前嘅工作經驗係做A、B同C嘅嘢⋯⋯

面試官：其實我哋份工係最主要集中喺A範疇嘅嘢，你OK嗎？

我：（雖然嗰陣都覺得麻麻，但我打算照Proceed）我都樂意Take up唔同嘅Challenge，而我對呢方面都有興趣。

面試官：我哋其實係Expect個同事係喺A範疇有豐富經驗，其實你之前有冇做過A範疇嘅嘢㗎？ （好寸咁講）如果你有認真睇我哋個職位內容，其實知我哋個位最主要係做A範疇嘅嘢喎。

我：⋯⋯（老實講，佢哋喺job advertisement得一個point寫係A範疇嘅嘢，有冇諗過係寫得唔夠清楚？）

雖然我喺CV上面寫得好清楚，自己唔係專做A範疇嘅嘢，但係咁可能我真係Get唔到佢個招聘廣告。無論點都好，成個面試體驗都係好趕客，態度好寸同無禮貌。」

網民回應事主

A.Touchwood，我未遇過咁誇張嘅面試官，遇到呢種句句窒住晒嘅，真係嗱嗱聲調頭走。

B.係！試過一個HR係直接開佢哋嘅website，要我讀簡介畀佢聽，跟住又借啲意寸我個degree係為讀而讀（雖然我都知我間大學係學店）但你in我之前，都睇到我CV寫邊間學校，咁就唔好浪費大家時間啦。同埋最尾仲要差啲漏咗我身份證，冇畀返我。

C.應該係想踩多你幾嘢嚟壓價，有啲衰HR壓你價好似幫公司慳錢好有成功感咁。

睇吓係HR定Manager，見過有啲公司first-in嗰陣HR係勁差，但係second-in見個Manager就幾好。如果第時跟嗰個Manager喺咁踩我，我就一定唔會accept offer，試過因為咁reject offer，咁寸抵佢請唔到人。

D.實有呢啲人，我會照直寸佢。試過面試官見工話我冇相關工種嘅經驗，想壓我價同title，想畀返我舊公司嘅價同title我。我都係照直講，話性質大致相同嘅經驗我都有，我問返佢，你覺得人哋轉工會用相同價錢同職位去轉你公司？我就唔會咁做。最後結果係，佢畀返我要嘅價錢同職位我。

E.曾經遇過一個HR，嗰時純粹係打電話過嚟，之後好寸咁樣講話：「咩話？你期望薪金同目前薪金都分唔清？」又講咩：「究竟你係男定係女呀？以為你係男仔⋯⋯」之後又話點解可以同時間做兩份工，勞工處之類應該唔俾呀？但係我想講其實點解唔做得兩份工？（真係以為HR係傻咗）

F.我都試過畀個面試官話咗成個鐘，我仲要本身都係做HR，雖然面試官有機會係想考你EQ／壓價，不過難聽啲講In到咁，除非畀個極高嘅價，唔係真係會即刻走。

題外話：返咗一年全職想轉工，去in個同而家一樣level嘅post，in緊不斷畀個大粒嘢指住我個頭話我講嘢自大，但係我全程只係不斷講好多實質做嘢遇到嘅事件畀佢聽，亦都好有禮貌微笑講嘢。最後我死忍到in完，之後無消息無offer。不過隔咗兩個月之後，係linkedln又見返個一模一樣嘅job post，真係笑死。

G.前幾日都收到某間公司個Manager打電話畀我約interview，一打嚟問我係咪嚟見工，乜嘢職位都唔講（同一間公司apply咗好多職位）我問返佢係咪嗰個post，跟住就態度勁差咁叫我搞清楚先啦，我同佢講話因為係一個月前apply，佢先同我講返係邊一個位。

跟住全程態度勁差，問我究竟講緊乜嘢，搞清楚啲嘢未呀小姐，最後同佢講有Offer啦，跟住佢就好差咁講，「好，唔該。」 之後就cut咗我線，黐線冇禮貌到！約見已經係咁，如果遲啲幫佢做嘢或者見工咪仲衰。

H.我最近都有遇到過，我嗰時係in到最後見大粒嘢。個大粒嘢都係好寸咁樣係咁問我嘢，特別係我intern做過嘅嘢，但喺我intern學過嘅內容冇咁多，亦冇咁詳細，所以我好多都話唔太清楚，當時intern冇了解到咁詳盡。

個大粒嘢就寸我問非所答，寸我intern淨係跟system做嘢。之後我就已經冇咩點好臉色畀佢同hea答問題。後尾有畀offer我，我直接拒絕咗。

網民都很同意事主的論點，有人坦言未遇過如此的面試官，但如果面試時對方有不禮貌表現會直接離場。有人就分享被面試官不禮貌對待的經驗，指曾被HR要求朗讀公司網頁的簡介，甚至嘲諷他的學位為讀而讀。有網民表示曾經接到HR邀約面試的電話，過程中已經感受到對方很沒禮貌，於是就沒有考慮其公司的職位。HR是公司的門面，與徵才成功與否有莫大的關係，因此在招聘期間最好尊重求職者，否則不但難以找到適合的人才，更會為公司帶來負面形象。

遇上HR黑面的解決方法

+16

+15

對方可能正在放空

有時候如果我們的回答太長、太累贅，對方很可能會陷入神遊狀態，他臉頰陰沉，或許只是因為純粹不專心。

如何得知面試官是否正在放空？

眼神渙散、目光呆滯
頻繁看手錶、玩手機等
面試官追問的問題缺乏連貫性，或對你的回答沒有跟進提問
要應對這種情況，你可以透過提出問題，或讓他們發表意見，重新爭取對方的注意力。

對方可能只是在認真思考

有時候，認真思考時會無法作出表情管理，自然作出看上去很嚴肅的表情。

如何得知面對官是否正在思考？

眼神及表情：皺眉或輕輕點頭等都是思考的常見表情。
肢體語言：如果面試官坐姿前傾，表示他們對你的回答感興趣並在思考如何進一步探討。
短暫的沉默：面試官在聽完你的回答後，可能會有短暫的沉默，這通常表示他們在思考你的回答內容。

對方可能天生就是臉色陰沉

如何得知面對官是否天生臉色陰沉？

表情一致性：如果面試官從一開始到結束都保持嚴肅的表情，可能是他們的自然狀態，而非對你的回答不滿意。
語氣：留意他們的語氣是否平和或友好，這比面部表情更能反映他們的態度。
肢體語言：觀察面試官的肢體語言是否開放和積極，如前傾身體、點頭等。
提問內容：如果面試官提出深入的問題並對你的回答表現出興趣，這表明他們可能只是表情嚴肅，而非對你不滿意。

面試官不滿意求職者面試表現的徵兆

即時反應：在你回答後立即皺眉、搖頭或嘆氣。
提問方式：在你回答問題後，對你的答案提出挑剔或反駁，而非進一步要求你解釋更多細節。
肢體語言：頻繁看手錶、玩手機或顯得不耐煩。

應對面試官黑面的5個訣竅

不要過度解讀：面試官的表情和態度可能受個人習慣或當天心情影響，不一定反映對你的回答不滿意。
保持積極心態：即使面試官表情嚴肅，也不要因此失去信心，保持積極心態。
尋求反饋：如果有機會，可以在面試後尋求反饋，了解面試官對你的回答的具體看法，有助幫助你改進下次面試的表現。
準備充分：充分準備面試問題和答案，增加你的自信心，減少面試過程中的壓力和焦慮。
專注於自我表現：專注於展示你的技能和經驗，保持專業和自信，向面試官展現你的能力，而不是過度關注面試官的表情和態度。

離職原因6大模範答案

+18

+17

見工被問到「點解想轉工」可以點答？

發展遇到樽頸位

♦目前工作內容＋期待未來拓展工作方向

►在一個崗位待久了，難免會覺得工作內容重複、沒趣，而想追求新鮮感。你可以說明如果持續現職的話，將無法滿足自己求知慾與熱愛學習的心。並敘述你希望進步的方向、成長的空間，讓HR看見你是個喜歡不斷挑戰的優秀人才。

上一份工薪金太低

♦你的能力及價值＋上一份工薪資體系無法突破的客觀原因

►不要直接指出人工太低，而要透過具體事例說明為何你值得更高的薪金。你可以說因為工作獲取了ＸＸ成果、你考取了行業ＸＸ相關牌照或資格，所以希望下一份工的報酬能夠反映個人能力及價值，增加談判薪金的空間。

與其他同事不合

♦目前團隊合作方式＋期望的正面團隊氛圍

►千萬不要帶有任何負面情緒，抱怨前同事的不是，即使要說明前公司的問題，也應該透過客觀角度分析，對事不對人才能為自己加分。如果因為前上司工作量分配不均而離職，你可以說由於前公司分工不明確、無法專注於某一範疇，而貴公司有明確的成長目標與部門分工，使你心生嚮往。

試用期內覺得不適合

♦磨合過程＋發現巨大差異＋對新職位的期望

►正所謂「人夾人緣」，如果不適應公司的企業文化，或價值觀不相符，盡早離開對雙方都是好事。你可以解釋曾與前公司嘗試磨合，但發現大家對工作期望出現巨大差異，例如不重視團隊合作，鼓勵內部惡性競爭，表示貴公司才是適合自己的環境，希望能出一分力貢獻所長。

公司業務重組或倒閉

♦如實說明原因＋介紹原工作內容＋對新職位的期望

►說謊是面試的大忌，遇上經驗豐富的HR時，謊言很易被一眼看穿。雖然你不用講出被遣散的心酸，但可以把它包裝成無害的答案。裁員並不一定代表你的能力差，你可以解釋在經濟大環境不好的情況下，公司迫於無奈解散部門，說明自己在現職的工作成果，並期望在貴公司實踐的計劃。

想跳出舒適圈（Comfort Zone）

♦感謝前公司給予成長＋期待新崗位有哪些發展

►人人都懂得講「跳出舒適圈」，但真正有明確計劃的又有多少個？求職者除了表現求變的決心與熱情外，亦要清晰表達在貴公司想拓展的方向，呈現出積極向上的態度，讓HR知道你並非衝動辭職。

延伸閱讀：【面試攻略】被問「你嘅未來規劃係？」點答好？3大HR評估項目及範例一覽！

延伸閱讀：【面試技巧｜問題唔識答算好？】面試有問題唔識答 強行回答定大方坦誠唔識？即睇7種拆解難題嘅方法！

延伸閱讀：【求職見工】網民大數HR惡行 要尊重自己尊重人：你唔係神 唔好當求職者係乞兒！

最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢