【人才流失】離職後被上司稱讚「低薪又好用」 事主:唔知笑好定喊好

【人才流失】離職後被上司稱讚「低薪又好用」 事主:唔知笑好定喊好

有哪個打工仔不想獲上司稱讚?不過,如果上司因為「低薪又好用」而誇獎你,又會有甚麼感覺呢?近日有名台灣打工仔在網上討論區Dcard發文,表示自己一直努力工作,但後來因被上司冷嘲熱諷,故憤而離職,結果事主離職後,上司才醒覺事主的好。

延伸閱讀:【職場調查2024】近9成人曾遇無良老闆!最常見壓榨行為係?僅36%人受委屈立即辭職!

按圖睇件事係點:

樓主:「之前做過一間公司電話客服,份工節奏好快,成日要一路接電話,一邊將來電詳情鉅細靡遺咁打落電話系統度。最可怕係成日一Cut線,就會有下一個電話,完全冇得唞。

呢份工仲要係輪更制,一到星期六日得兩個人返工,月薪先得嗰27,000台幣(折合約6,500港元),後來因為上司成日冷嘲熱諷我哋條Team,於是我決定憤而離職了。

我走咗嘅呢幾年入面,聽啲舊同事講公司要求員工打字一分鐘要50字以上,工作節奏又快,仲要受氣,加上係輪更制,朝早7點就要返工,咁嘅要求下月薪先得27,000台幣(折合約6,500港元),所以一直都請唔到人,就算請到人都做唔長。

佢有次聽到啲上司話,終於知道當初嘅我幾「好用」,因為我從來冇試過遲到早退,打字快,仲要幾乎0失誤,而家用一樣嘅錢已經搵唔返好似我咁好用嘅人。

聽到前上司咁樣『讚』我,真係唔知笑好定喊好,我就係一個好用嘅「奴才」咁解啫。」

網民A:通常「好用」嘅人都不被重視,我辭咗職後,老細請咗3個人嚟Cover我做嘅嘢,仲不時Send訊息畀我問我返唔返去,真係要失去咗先識珍惜?

網民B:嗰個上司只可以每日喺後悔中渡過,哈哈!

網民C:27,000台幣(折合約6,500港元)人工真係好可悲……到底嗰陣你係點樣做落去?

網民D:我朋友走之前仲要畀老細串,結果佢到而家都仲未請到人。咩年代呀?仲以為而家啲後生好似上一代咁要做「奴才」咩?

網民E:而家職場最多人頂爛市加做廉價勞工,老細唔壓榨啲員工,點樣幫自己換名車大屋?

網民F:大家要醒吓喇,你人工有幾高就做幾多嘢,呢啲老細就係被樓主呢啲人縱出嚟,有機會真係要識得講「唔好」。

網民G:向前看啦,人都走咗,仲理得佢哋講咩喎。

網民H:你要學識表現自己。

網民I:我老細都曾經喺公開場合話我「好用」,好似當我係件貨咁,性價比好高,又抵又實惠,我自己聽落非常唔好受。

網民J:我之前都做過電話客服,打入嚟嘅人會亂咁鬧人,但係又規定咗我哋唔可以亂Cut線,結果我設返工返到有腸易激綜合症(稱「大腸易激症」),日日返工都要屙10幾次,嗰陣嘅日子真係好煎熬……

其實隨着時代變更,打工仔除了看重薪金,待遇亦是重要的考慮因素。事件中亦顯至,引發樓主離職想法的不是因為低薪,而是因為經常被上司冷待。公司若想留住員工記得適時讚賞他們的努力,提供合理的待遇,才令人有工作下去的意慾。

上司抱怨90後打工仔唔肯OT:

被家人要求畀呢個數做家用,打工仔壓力大到喊!

延伸閱讀:【職場熱話】打工仔因工作一舉動 就會萌生離職意欲?網民:份工無新嘢學所以厭咗!

延伸閱讀:【職場辛酸】市道有幾差?打工仔連續X年冇加過人工 網民:小事啦!我一直減緊𠻹呀!

延伸閱讀:【薪酬待遇】打工仔加人工 竟然只加得OOO?事主大怒:加完等於無加過咁濟!


最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【投行排名】行內人士票選!頭25間最值得加入嘅投行!摩根大通排第17 艾維克排第2 第1名係OOO?

  • 【食回頭草好唔好?】獲邀請加人工升職返舊公司做嘢 辭咗職先發現人工Title冇變 網民提醒簽咗約先好辭職!

  • 【人工報大數犯唔犯法?】打工仔稱面試時人工報大數 網民質疑:新公司唔Check咩?

  • 【投考ACO丨全年招聘2024】考咗3次ACO都失敗 事主究竟衰喺邊?一文睇清助理文書主任入職條件/人工/晉升/申請程序

  • 【職場趨勢】做管理層唔一定要有自信識表達 調查:擁有呢個特質嘅人先啱做管理

  • 【職場熱話】好工可遇不可求!點樣先叫做好工?網民:老闆好、同事融洽已經好難得!

  • 【見工面試】見工被人碎咗張畢業證書 事主:有無得叫佢賠錢?

  • 【職場矛盾】唔加人工被逼轉部門 事主:僱主有權咁對我?

  • 【職場辛酸】問責制、無人帶、人工低仲要同公司共渡時艱?事主:捱到依家先走算係咁!

  • 【職場八卦】網民盤點鬧客鬧上司職業 咩工可以鬧完人仲要對方道歉?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow