【中年困局】50歲失業一年SEND過百封CV零回音！行業老手竟被呢個隱形標籤封殺？

CT熱話管理員

Published: 2025-12-31 17:55

Updated: 2025-12-31 17:55

在香港經濟復甦步伐未穩之際，中年打工仔的就業困境卻愈見嚴峻。近日有網民分享，其丈夫失業超過一年，期間投遞逾百封履歷卻始終石沉大海，即使擁多年經驗亦無人問津，狀況令人唏噓。中年失業潮背後，反映的不只是經濟壓力，更是制度與觀念未能與時並進的職場危機。

打工仔熱話速遞：中年自願減薪都冇人要？│香港經濟斷崖式下降？│咩工仲係鐵飯碗？

行業老手竟被呢個隱形標籤封殺？

+36

+35

樓主：老公失業就快1年，佢話今年佢send咗過百次CV。有幾間公司係佢做開嘅行業，又成日請佢做開嘅職位，所以佢隔一星期就send一次，但都冇面試機會，真係諗到爆頭！

明明係佢熟悉嘅行業同職位，點解都冇得面試？老公講，好大機會行家知佢曾經大病，驚佢成日睇醫生，所以唔會想請佢，亦唔會得到面試。

但其實老公呢1年已經康復，覆診都係3個月一次，只係每日需要食十幾隻藥，自舊年中開始醫院都冇住過，完全唔會影響工作，但就係冇得面試！

老公做呢行幾十年，叫佢轉行佢唔願意，做保安都唔會做。雖然屋企經濟緊張，但我唔想逼佢做佢唔想做嘅工作，如果逼佢做真係會影響佢身體。冇辦法，唯有繼續send CV！

網民A：CV可能要化吓妝，唔好素顏見人。
網民B：有個budget，要諗自己喺公司嘅價值如何，再退而求其次揀一份兩萬蚊嘅工。
網民C：如果50頭至中，不如考吓初級政府工，例如Assistant Taxation Officer。你老公嗰行有冇公會或學會等？有就試吓入去幫吓手，識多啲老闆，可能更有用。如果萬五蚊接受，真係搵份高級屋苑看更仲好。
網民D：問題係50+真係好難搵工。
網民E：而家應該咩年紀都唔容易搵工……
網民F：講真，大病一場好返，有咩緊要得過佢健康！既然係咁，何不樂觀啲，有咩做咩先，心態勝過境界，一家人齊齊整整先係最重要。祝福你哋。
網民G：好現實講句，馬死都要落地行。都成50歲人，自己諗自己人生要點樣行落去囉。
網民H：而家好多公司請人都係做樣，根本唔會請。有咗AI，好多工種都唔再需要咁多人。
網民I：香港係有年齡歧視。如果係新加坡，請中年人士政府會有補貼。
網民J：50+，乜工都做啦。最容易嘅保安都唔做，起碼有工開先啦。
網民K：年紀大，你就算幾熟呢行、幾有經驗都差啲㗎啦。Btw，保安有咩問題？
網民L：讀住ERB，收住錢先。見吓出面嘅人，個圈會大啲。

有網民指出，五十歲以上求職確實極為艱難，即使有經驗也難敵年齡標籤；部分人認為應調整期望，降低薪金要求或轉行，例如報考政府文職、投身保安或物業管理等工作。也有人建議利用人脈、加入行業學會或參加再培訓課程（如ERB），擴闊機會。另有留言感嘆市場早被AI與自動化取代，認為企業請人流於形式，甚至批評本地存在嚴重年齡歧視。不少人最後仍強調，面對逆境最重要是保持健康與積極心態，「有咩做咩先」，先穩經濟再作長遠打算。

要破解中年失業難題，需從個人與制度兩方面入手。個人層面應主動調整期望，彈性面對薪酬；可報讀政府資助的再培訓課程或ERB計劃，增強技能以配合轉型行業，如長者服務、物業管理、物流等。其次，可善用人脈資源或加入專業團體，增加曝光及內部推薦機會。制度層面，政府與企業應共同減少年齡偏見，提供僱主聘用中年人士的稅項優惠或補貼，鼓勵多元聘用。同時推廣靈活工時與兼職模式，讓中年人士重返職場不再遙不可及。

請人！請人！請人！

🔗職位空缺傳送門🔗

▶【政府/公共機構】工作機會

▶【月薪$25,000+】工作機會

▶【兼職Part Time】工作機會

延伸閱讀：【中年失業】50+被裁遇黑心公司！事主列4大血淚罪狀崩潰：市道差仲要搵我笨！

+38

+37