【經濟發展】香港經濟斷崖式下降？仲慘過03年沙士時期？網民列2大理由力證說法！

CTgoodjobs' Editor

Published: 2025-07-02 16:18

Updated: 2025-07-02 16:18

近期香港經濟形勢急劇惡化，失業率持續攀升，市民普遍感受到經濟「斷崖式下降」的壓力，甚至有聲音認為今次的經濟寒冬比2003年沙士時期更加嚴峻。在連登討論區，有網民發文以兩大理由力證香港「內外皆冷」的困境，認為目前的經濟狀況遠超當年，激起熱烈討論。

香港經濟斷崖式下降？

+36

+35

樓主：未去到03年、08年嗰種一下子跌落深谷嘅程度，但今次唔同嘅係，嗰陣你都會感覺到03年沙士會好返、會完、會復常；08年經濟畀人挖空晒，個股市暴跌，但會回升。但今次嘅感覺係好似逐個部位死亡咁，直情係外資撤走、本地消費又轉移，同之前情況好唔同。你知道死咗嘅部位真正唔會返轉頭，走咗嘅唔會返嚟。身邊好多人已經開始量入為出，計劃緊走嘅更加勒緊褲頭。你有冇開始減少咗以前嗰種使費？分享吓。

網民A：個個喺度講智商稅，有拼多多就知經濟開始差啦。
網民B：而家儲多啲錢好過啦！本來之前每個月整一次頭髮幾千蚊好閒，而家消費降級到每個月剪$80速剪。算有得淘寶嘅嘢都唔會喺香港買，每年去一次日本買晒啲貴嘢好過喺香港買啦。
網民C：今年係未來十年最好嘅一年。
網民D：香港中產冇晒就會係咁。
網民E：以前沙士同08年你都係過咗先咁覺得，當時咪又係以為世界末日？呢次都冇事嘅。
網民F：呢邊係見到好多大公司做唔掂，又吉舖又炒人；但我身邊啲人又升職又bonus，轉工又加30%咁，係經濟有問題定只係經濟轉型？
網民G：問題係香港人好有錢，經濟其實可以好好，但大部份都好自私。啲錢唔係去旅行就北上，啲業主寧願空置都唔減租，啲商人寧願請外勞都唔請本地，然後人人都望人哋減人工唔減自己。總之個個都諗住「你死你事，唔關我事」！
網民H：疫情講到而家...
網民I：再執多幾間大企業大集團先啦！而家仍然去旅行嘅去旅行，買樓嘅買樓，睇唔到任何經濟衰退嘅徵兆。
網民J：係你悲觀啫。
網民K：其實經濟差又點？搵到錢嘅依然搵到錢。就算經濟好到識飛，你廢咪又係做基層。
網民L：唔單止市民唔敢消費，好多行業budget都明顯減咗。大家都見到啲商場裝飾冇以前咁靚，慢慢向下loop。
網民M：97、03、08、15，有邊次唔係「死啦死啦」？
網民O：咪行緊日本條路！因為炒樓搞到勁多負資產，租金又搞到各行各業玩完。

網民普遍認為香港經濟正面臨明顯的困境。大家指出，市民儲蓄意識增強，日常消費大幅縮減，從理髮到購物習慣均有明顯改變，反映消費力下降。同時，不少大型企業出現裁員和結業現象，商場裝修和經營氣氛亦不及以往，顯示經濟活動放緩。不過，也有聲音認為經濟轉型帶來分化，部分人仍然受惠於升職加薪，未必全盤悲觀。部分網民強調香港中產階層萎縮，社會消費力下降，令經濟難以回暖。亦有人認為類似經濟波動在香港歷史上屢見不鮮，現時情況或屬周期性調整。

延伸閱讀：【經濟寒冬】香港經濟未來5年沙盤推演！網民預言：旺區變鬼城、樓市大劈價、人工仲慘過OO？

+28

+27