The Beginning of the End
全職獵人FullTime Headhunter
一個中環Headhunter，遊走於各大企業、不停挖角。澳洲回流，全職獵頭，兼職旅人。風流不下流，靠把口搵食。純粹分享每日光怪陸離、有血有淚的獵頭生活。
More Blogs大家好我係久保。全職Headhunter，中文即係獵頭。其實開呢個blog嘅原因，主要想分享一些呢個行業的日常點滴，我哋獵頭平時點樣對客、點樣對Candidate。有甚麼趣事怪事新鮮事。希望藉住我嘅分享可以令大家對呢個行業有多啲認識，對自己有多啲認識：點樣去見工、點樣寫好份Resume、點樣面對一些求職上的困難。請大家多多指教。
2010年係澳洲回流返香港嘅時候，當時覺得自己完成左雙學士、雙碩士學位，應該好容易搵到工。自己主修Marketing & Management，順理成章就開始搵啲相關工作。不停send CV去搵工，處處碰壁，一個Job Interview都冇，其實並唔知道自己犯咗一般Fresh Grad都會犯嘅錯誤：太自我中心去寫自己份Resume，忽略咗一般HR睇CV會睇嘅嘢。至於係咩，下次再講。
當時聽朋友介紹左幾間獵頭公司俾我，自己對個概念好陌生，咩叫獵頭啊？戰戰兢兢咁上咗去，見我嘅係一個好靚女嘅Recruitment Consultant，佢叫Iky，成個翻版高圓圓咁樣，之前都用咗成個朝早諗見到佢同佢講啲咩介紹自己，準備咗一大堆要講嘅嘢但因為佢太靚所以都唔記得晒要講乜。Iky係一個好有經驗嘅Consultant，好快帶我入局，叫我介紹自己、分享下自己的長處短處、點解要返香港搵工、想搵咩類型嘅工作等等。成個過程好Smooth，以為佢應該可以幫我搵到工啦點知臨完場同我講一句：「Good resume, but the format sucks, 請我食餐飯我幫你執靚佢。」一餐飯之後，CV冇特別靚到，反而同咗Iky一齊咗，一段霧水情緣就咁開始。
好多人都會想知道，其實點為之一份好嘅CV、點樣見工、點樣唔好自殺式答問題⋯⋯之後我會講下Iky點樣幫我執好份CV、我點樣誤打誤撞入行同埋「乜嘢叫獵頭」。
執筆之日適逢好友走出陰霾，被分手、被解僱半年之後，重新上路。冇錯，黑暗盡頭總是光明，You’ll never walk alone.
以上內容及資料僅屬個別作者的個人意見，並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
