轉新工,為何光環就失色了?

轉新工,為何光環就失色了?

HR熊 - 職場航行日誌

人事部工作既小妹,見盡唔少公司既「人」同「事」,係呢個平台上一齊分享職場上既苦與樂,笑與淚。

More Blogs

以前係知名公司工作時,著住名牌子嘅套裝高跟鞋係中上環出入,每朝早都會手拎著一杯Tall size嘅星星咖啡返Office,裝出一副高人地幾級嘅Look。你可能覺得好假啫,但係人人都係跟緊呢個玩法時,而你又明知大部分公司同事都真係諗到咁單一,以Look嚟驅分人種時,你就只能選擇:一,跟隊;二,離隊。

由普通一個Officer,打滾幾年升到做一條Team嘅Supervisor,再得到老闆提攜,終於有專屬自己嘅房間,猛車邊上到管理層Level,似乎有一條亮麗嘅康莊大道係面前。同事對於不同階級享受嘅待遇分得非常清晰,稱得上係Manager嘅就係最接近自己嘅老闆。下屬禮物嘅奉承、攬曬多餘嘅工作上身係小恩小惠,只要你識做,係大老闆面前多多提及佢地嘅存在和功績,佢地係絕對會毫無保留為你賣命!

曾經,你都一樣夜媽媽餓著個肚加班到三點,雙眼長期對著電腦好浮腫都唔理,依然努力去打扮醒神落力去表現勤懇嘅一面。小時對於黑白好分明,入到職場後,好容易就被想上位嘅諗法模糊曬所有堅持過嘅原則。只要Achieve到目標,過程中染一點灰色,Who cares?

當去到一個位人人都吹噓你係時候放低套盔甲挨係大班椅嘆,潛移默化下,你就只志在日日享受下屬送上嘅光環。簡單去Attend Meeting Present幾句,根據Draft Report小修小改,連Send個Email出去都有秘書代勞,佢呢份工真係好易做!

悶到核爆做咗十年,想係退休前最後一擊升個職,座擁十幾廿年嘅工作經驗和成個部門同事嘅歡呼擁戴,自信心滿瀉,想要個靚title應該無難度啦!

Leader,唔是咁易做的。

轉一份工,係要有將一早已透入肌肉嘅工作Memory完全洗去嘅覺悟,要有好大嘅耐性和動力。嚟做一個Senior Manager或者Assistant Director位,要有充足嘅根底先俾到Advice,有條理俾到Make sense 嘅指令下屬。

成功轉會後,僅僅做咗三個月,點解就已經瞬間惹怒成條Team嘅同事。捱咗十年定係嘆咗十年,一試便知龍與鳳。嚟到新地方,關係未打好,基本運作都未Pick up,又無背景人士支撐,的確係未有資格諗住係度Hea。成日打著自己係新嚟嘅旗號,同事就算幾有心機提供曬Reference/Policy俾你參考,你個心一直只係想落order下屬搞掂就得,前線嘅工作理都唔想理,咁係無可能Work,只會俾後生嘅標籤做「廢老」。次次咗耳入右耳出,嘗試俾文件你check下,你又覺得已有樓下嘅Assistant Manager Check咗包底,到後未偶而被發現原來你連check文件用嘅Template都唔知放係drive嘅邊個位置,嬲,都好正常吧!

加上堅守住唔願做嘅信念,成日話新話新,耍太極主動出席「坐Only」嘅會議,其他要俾Advice要同其他部門傾做法嘅會,由得老闆一個人無奈撐住。小事麻煩事就Send個email 講句「Please follow up」,大事重要事就避得就避。咁嘅手法,可以玩到幾耐呢?其他同事看在眼內,點樣評價你唔通一點都唔在乎嗎?

本身老經驗,絕對係寶,而家光環驟然失色,就係源於自己太貪心啦,「倚老賣老」。

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Look out for further updates on our Facebook fan page!