Next
【職場熱話】公司突宣布執笠分批炒人 HR唔肯縮短離職通知期仲叫員工賠錢走人？
【職場熱話】公司突宣布執笠分批炒人 HR唔肯縮短離職通知期仲叫員工賠錢走人？
2022-08-08
雖然疫情放緩，但經濟打擊不少企業，尤其是中小企。據香港城市大學、香港大學和新加坡國立大學等去年一項調查顯示，四分之一的中小企東主或管理層表示企業已轉為部分經營、暫時關閉或永久關閉。早前有打工仔向Facebook專頁「奴工處」投訴，指公司分批解僱員工，當員工成功求職時HR不願縮短離職通知期，更揚言早走會扣除遣散費。事件引起網民熱烈討論，持有相反意見。
延伸閱讀：【轉工跳槽】負責招聘的HR竟是流失率最高部門？調查指職能越OO轉工越頻密
按圖了解事主為何如此憤怒：
事主：「本人入咗間垃圾公司做咗唔夠3個月，公司就通知所有員工話唔做啦要執笠。明明係分批炒晒成間公司啲人兼結束營業，但就同同事客人講：『公司依家只係業務收縮，我哋仲keep住個牌唔係清盤。』我唔知係咪要避某啲法律責任所以先咁講。」
「最賤格嘅係，明明係公司做唔住，同事先逼住要搵過第二份工。到搵到工HR又唔肯縮短離職通知提早解約畀同事走，話要走就要賠錢畀公司先可以早走，再食埋同事啲遣散費。我都未話公司整花我CV浪費我時間，仲要反問我如果個個早走，咁HR多咗咁多extra workload點算？」
「HR拎咁高人工仲要我幫佢諗埋辦法？又唔見出埋佢份糧畀我？一話想走就乜嘢恐嚇呀、職場PUA、情緒勒索出晒嚟。CEO咩都唔理，唔會認係自己管理不善令公司執笠，淨係賴係董事會嘅決定。同事有好路數唔畀人早走之餘，食埋食埋啲遣散費，好似啲錢係入自己袋咁，因住收尾嗰兩年呀老屎怱HR阿姐！」
網民意見：
網民Ａ：佢有佢出賤招，你都可以出招。還掂都係玩嘢，咪大家鬥唔做嘢，準時收工，等佢炒你。
網民Ｂ：依個咁嘅情況你直頭躺平啦，日日返公司煲劇打機睬佢都傻。
網民Ｃ：好正常啊，個個話走就走搵邊個跟埋D手尾？
網民Ｄ：反正得做個幾個月，佢又執笠你張CV係咪都花，我係你就翹埋對手日日返公司唔做嘢，一係就炒我，一係就白逗份糧到佢執笠出遣散費為止。
網民Ｅ：幾時開始hr處理人事問題會係extra workload？
網民Ｆ：過咗試用期跟合約係一個月通知，但在情可以同公司商量早走，當然HR肯唔肯行多步幫你安排early release就視乎公司有冇人情味喇。
網民Ｇ：離職通知期揸正嚟做有咩問題？佢又無拖你人工，樓主似乎為鬧而鬧。
根據香港法例第57章《僱傭條例》，如果合約是連續性合約，如僱主或僱員想終止僱傭合約，須給予對方一定的通知期或代通知金。以事主的經歷為例，公司的確有權不容許員工「提早走人」，此舉並沒有違反法例。只是在情理上，雙方為了好來好去，都會協商出對彼此有利的方案。
遣散費及長期服務金又點計？（按圖了解）
作為一個精明的僱員，如果不想一夜之間丟了飯碗，平時可以從7大方面觀察公司，以判斷企業是否處於倒閉的邊緣，再決定是否要盡早轉工。
按圖了解公司面臨倒閉的7大徵兆：
延伸閱讀：【職場熱話】網民盤點公司迫辭職方法 增加工作量、架空職位……
延伸閱讀：【職場熱話】辭職被留難？ 人工加45%仍想走人 打工仔：嬲佢哋出陰招
延伸閱讀：【辭職學問】5個拜託上司寫Reference Letter的技巧 (附示範)
最新專訪片︰
Look out for further updates on our Facebook fan page!
Follow CTgoodjobs for the latest career news, hot topics and recommended jobs!