Next
【職場熱話】網民盤點公司迫辭職方法 增加工作量、架空職位……
【職場熱話】網民盤點公司迫辭職方法 增加工作量、架空職位……
2022-08-02
沒有人能夠取悅所有人，何況是利益關係處處的辦公室？假如打工仔與上司或老闆不咬弦，相信留在同一辦公室的時間也是有限，皆因上級可運用權力清除眼中釘。最近，香港討論區有多名網民討論公司迫員工辭職的方法，部分網民更高呼：「好惡毒」。
延伸閱讀：【職場熱話】 更年期上司真係好癲 掟電話嚇到新人喊
網民盤點公司趕人走嘅7大方法：（按圖了解）
發問者：如果公司唔想直接炒人，會用咩方式令員工自動辭職？
1. 要求自願辭職
網民：叫你自己走或者減你人工。
網民：直接講營運資金短缺炒人啦！喺度遊花園做乜啫。
網民：直接講呢度唔係咁適合你，請你另謀出路。
網民：最直接係直接叫你走，一係話你做嘢唔掂，一係話公司未來發展唔需要你。其他方法就睇你上司或老細自由發揮。
2. 調整工作量
網民：加辛唔升職，同team同職位同事6點準時放工，你晚晚8點。
網民：不斷增加佢哋工作量令佢哋知難而退，或者人工一樣就唔畀嘢你做，等你做廢人。
網民：減人工或每年只加200蚊人工，投閒置散，等佢做到無癮會自動走。
3. 突然調職
網民：調你去你唔想去嘅部門，安排你做啲唔應該係你做嘅下欄嘢。
網民：我見過本來坐房的調去坐reception。
網民：畀佢做唔應該佢做嘅事情（例如：清潔、跑腿）。
網民：將個位獨立調去公司門口，真係有公司咁做。
網民：調去離島返工！
4. 架空職位
網民：上司唔理你，有下屬就架空你。
網民：第二條team同事調職做你手頭工作。
網民：搵人返嚟Pick up晒啲嘢再踢走個舊員工，呢個好正常。
5. 微管理
網民：日日捉你遲到早退，食飯食幾耐。
6. 評核不公
網民：寫花appraisal report。
網民：Appraisal特登話你呢樣嗰樣唔合乎要求
7. 精神虐待
網民：畀說話人哋聽。
網民：語言冷暴力！
網民：日日9點正捉你入去鬧，唔關門，成個office都聽到！
網民：無理取鬧、日日照肺、當眾辱罵、精神虐待，唔走都大病啦！走就自然流失，唔使賠。最重要，欺凌唔犯法㗎，佢吹你唔脹。
網民：無理要求、無理取鬧……太多無理事的話，你一定會感受到。
網民：以前舊公司，有個好鬼討厭嘅港女同事，要間唔中開夜的，咁我就作咗個鬼故講畀佢聽。
不論上司背景 得罪上司無運行
留言不乏打工仔對未婚中年女上司的固有刻板印象，但有留言反駁指，衰上司不分性別與婚姻狀況，總之得罪上司就會無運行，某名網民直言：「一個難頂上司已足夠（趕客）。」有人認為，要人辭職應直接說明，不應轉彎抹角，用小手段趕走員工屬下三濫行為，而部分網民覺得精神虐待方式陰險。
無論如何，上司下屬應保有互相尊重的關係，否則若未來在狹路相逢，只會落得尷尬的下場。
公司總會有個極品老細！即可用以下6條問題評估老闆好與壞！（按圖了解）
延伸閱讀：【職場熱話】新人成犯眾憎做錯唔肯認 仲當場OO「Office無人想同佢講嘢」
延伸閱讀：【職場熱話】準時收工遭上司「照肺」 事主：做完嘢留喺度做咩？
Look out for further updates on our Facebook fan page!
Follow CTgoodjobs for the latest career news, hot topics and recommended jobs!