【離職陷阱】辭職搞手續先發現被公司呃錢老闆爆一大無賴金句震驚全場

CTgoodjobs' Editor

Published: 2026-01-22 10:55

Updated: 2026-01-22 10:55

近年職場上離職糾紛層出不窮，不少打工仔辭職時才驚覺「原來公司一直呃緊自己」。一名網民近日分享親身經歷，指自己辭職辦手續時，竟發現薪金計算被「動手腳」。當事人質疑多年辛勞竟換來如此對待，而老闆一句「你走就走啦，唔使計咁多」更令全場愕然。事件引起大批網民共鳴，紛紛怒斥部分企業「玩到盡」，提醒打工仔離職前務必查清條款與薪金，以免墮入「離職陷阱」。

打工仔熱話速遞：中年自願減薪都冇人要？│香港經濟斷崖式下降？│咩工仲係鐵飯碗？

辭職搞手續先發現被公司呃錢

+35

+34

樓主：
畀咗辭職信，本來要一個月通知，但老闆第二日講可以即日離開，咁咪即日走囉……話七日後返去再拎支票，點知到咗返去拎支票嘅日子，啲糧全部錯晒。呢間公司有個特點，就係啲大假可以累積，每次請假只要填張請假表，睇醫生就畀張醫生紙同請假表就得。

但問題嚟喇，因為所有糧都係老闆出，冇經過會計部，所有請假都唔會當月扣，全部都係辭職嗰日先計。睇返，請病假當咗大假，請半日又當請一日。之後對數嗰陣，同老闆講某啲日子係請病假，但冇諗過個老闆叫我畀證明我係請病假。我話醫生紙正本都畀埋，又填咗請假紙，仲可以去邊度搵正本呢？佢話：「咁即係冇證明啦……」

咁一路以嚟填請假紙又為乜呢？嗰下真係呆咗，身為一個老闆都要呃員工嗰一千幾百，難怪啲大假唔使員工年年清啦，原來留喺辭職嗰陣用嚟呃人嘅。

網民A：
我請Sick Leave會Scan返張病假紙留底，大假會用Email申請留記錄。你亦可以問返醫務所攞返記錄。
網民B：
唔好簽對數表，直報勞工署，話Last Day七日後冇出齊尾數。
網民C：
寫低記錄，交去工作地點附近嘅勞工處勞資關係科，叫佢哋慢慢同老闆計，唔需要客氣。
網民D：
搵勞工處啦！每人每月係可以享有兩日有薪病假㗎，佢唔可以喺你唔知情下咁樣結算。
網民E：
明嘅，就係搏你怕麻煩唔追！千祈唔好覺得係小數目就放棄，呢啲無良老闆就係咁樣縱出嚟㗎。當買個教訓，以後乜嘢單據、Email批准，影低晒佢。
網民F：

對付呢啲人，一定要白紙黑字、逐項列明同佢計，最好有勞工處喺中間。
網民G：
除咗病假，你check清楚佢有冇計錯年假同代通知金未？如果佢叫你即日走但冇畀代通知金，已經可以告佢。集齊所有證據，去勞工處開file啦。
網民H：
真係好離譜！醫生紙加請假表都唔算證明，咁佢公司嘅制度係用嚟做咩㗎？擺明係屈你，支持你去勞工處，唔好同佢客氣。

多數網民一致認為，若懷疑公司在離職結算中克扣薪金或病假，必須即時採取行動維權，而非息事寧人。多條留言建議當事人保留完整書面及電子記錄，包括病假紙、Email批假紀錄、打卡或工資單等，以備日後作證。亦有人提醒，可直接向勞工處勞資關係科遞交投訴，讓官員協助與公司對數及追討尾數，不必擔心得罪老闆。部分網民指出，公司往往「搏員工怕麻煩」，故更應堅持追討權益，以免讓惡劣僱主有恃無恐。亦有留言提醒，除病假薪外，應同時檢查年假及代通知金有否被計錯，一旦發現問題要立即存檔證據，循正式渠道追討。

🔥最熱門地區職位空缺🔥

🔗職位空缺傳送門🔗

🤖【按此】睇下AI最新推薦咩好工

⏰【按此】想搵兼職工？熱爆Part-time工作機會

延伸閱讀：【中年失業】50+被裁遇黑心公司！事主列4大血淚罪狀崩潰：市道差仲要搵我笨！

+38

+37