【Gen Z】00後去到幾時會辭職？Gen Z打工仔分享辭職臨界點 網民：又話整頓職場⋯⋯

提及「00後」或「Gen Z」時，不少人對他們的印象都是其有個性的態度、勇於反抗不公及主張「整頓職場」。然而，這種印象或許只是以偏概全，實際上，許多00後打工仔同樣在默默忍受工作壓力，沒有說辭職就辭職的勇氣。近日，有00後打工仔在社交平台「Threads」發文，表示自己經常遭受上司的責罵，辭職情緒日漸高漲，想了解其他年輕網民在甚麼情況下會到達辭職的臨界點。

按圖即看事主分享及網民回應：

+16

+15

事主：「00後Gen Z打工仔，一人一個辭職臨界點，我先：

- 全日情緒麻木，畀上司鬧到已經再冇感覺，一放工畀朋友問起啲粗口即刻機關槍咁出；

- 星期六已經傷心緊星期一要返工。」

網民：「傳統大公司勁多呢啲鍾意施壓，畀個下馬威你嘅情況，如果上司係為鬧而鬧，你只會每日都好驚（即使你係麻木咗），對心理健康唔好，你放工識同朋友呻已經好叻，但後生世仔搵過份啦。

我都試過有類似經驗，但我選擇反抗，只換嚟『仲駁咀』同被杯葛。公司文化差，職位唔對等嘅鬧交，只有職位高嘅一方會贏，雖然都走咗好多年，而家諗起都會嬲。」

網民：「畀上司喺全世界面前指住鬧，鬧完仲要畀再上一位上司請我入Office叫我同佢公開道歉。」

網民：「算係過來人，唔知你辭職未，只係想講世界上冇嘢比你嘅身心健康重要，青春唔應該日日被呢啲霧霾纏繞。」

網民：「有啲上司會當員工係出氣袋，少少唔順意就搵人嚟鬧，當我明白咗呢點就唔會將佢本來帶有情緒嘅批評放喺心度。另外，唔好畀人哋嘅評價定義自己嘅價值，要清楚自己對公司都作出咗貢獻。我比較厚面皮，有時做嘢出咗瑕疵都會同人講我盡咗力，上司唔領情都冇辦法。」

網民：「我嘅臨界點係，當個老細喺度當眾奚落我，屈我嚇走佢啲學生，人哋講明隔籬補習社題目適合啲，佢都可以屈係我問題，嗰吓已經決心走。」

網民：「搵間好啲嘅公司，或者International啲嘅又會好啲。只要轉新工就會一身鬆晒，自己要企自己嗰邊，畀人蝦可以忍，但唔需要認同對方蝦自己嘅觀點。搵工啦！」

網民：「個個月硬係有一兩日要OT，講緊OT前後又有好多嘢要整同埋Follow up。同經理講唔得，分擔唔到，之後佢表面係OK，喺背後就話：『叫你做就做㗎，你份工嚟㗎嘛，邊有得你揀。』」

網民：「唔緊要啦，我都係去到邊度都畀人鬧，我都係Gen Z。」

網民：「又話整頓職場。」

網民：「未去到臨界點：

- 狂OT 每日朝9晚9；

- 一星期返足7日（有補水）；

- 萬五蚊人工（直到2019年3月）。

最後一根稻草：

2019年4月，只加$300人工。」

在壓力中找到平衡 保持身心健康

帖文一出，引起不少Gen Z打工仔的共鳴。許多網民都曾遭遇過上司的施壓和責備，即使反抗亦無法改善職場環境；亦有網民建議事主不要被上司的評價影響對自身價值的判斷，清楚自己對公司的貢獻就可以問心無愧，身心健康更重要。

改善職場文化需要社會整體的努力，指望00後「整頓職場」反而讓年輕打工仔背負不必要的壓力。希望無論職場新人還是資深打工仔，都能在職場中找到平衡，保護自己的身心健康，勇於追求自我價值，不受無形的壓力困擾。

那麼，打工仔應該如何應對壓力，在職場中找到平衡呢？以下有5點建議：

+2

+1

1/ 設立界線

明確工作與生活的界線，避免加班，確保有充足的休息時間，以防止工作壓力影響到私人生活。

2/ 尋求支持

建立支持系統，與同事或親朋好友分享經驗，互相鼓勵；如果感到壓力過大，也可以尋求心理諮詢的專業幫助。

3/ 培養良好習慣

定期參加運動，保持身體活力，並注重健康飲食，這不僅能提升身體健康，也有助於改善情緒與心情。

4/ 時間管理

使用待辦事項清單和日曆工具來合理規劃工作任務，優先處理重要事務，減少焦慮感並提高工作效率。

5/ 開展職場對話

與上司或人力資源部門坦誠溝通，反映工作中的壓力和需求，尋求合理的工作安排與支持，增進理解從而改善工作環境。

延伸閱讀：【GEN Z整頓職場】80後打工仔欣賞Z世代工作態度：合理價錢換合理工作、學唔到嘢即走！唯一缺點係…

延伸閱讀：【GEN Z整頓職場】Z世代做老闆會好出色？用2萬5請FG、唔使OT、放工唔騷擾員工

延伸閱讀：【畢業就失業】12%主管表示2025年唔請Fresh Grad！Gen Z被狠批懶惰、唔專業

延伸閱讀：【00後整頓職場】00後打工仔力批同事工作態度差 網民因一事竟然唔撐？

最新專訪片︰

【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪