【00後整頓職場】00後打工仔返工有咩訴求？近屋企、唔使OT、請病假唔使醫生紙⋯⋯網民：全部都好合理！

隨着越來越多00後進入職場，他們對工作的期待與過往世代的差異備受關注和討論。然而，這些差異有幾分真，有幾分被誇大了呢？近日，有00後打工仔在社交平台「Threads」分享他對工作的訴求，引起不少非00後的網民贊同，究竟哪些工作條件是00後與非00後打工仔都共同渴望的呢？

即睇事主分享及網民回應：

+22

+21

事主：00後返工訴求：

1/ 近屋企（半個鐘車程以內）或者可以WFH（Work From Home，在家工作）

2/ 唔要Micromanager（微管理者）

3/ 冇OT文化（最好有班同事一到收工時間齊齊閃人）

4/ SL（病假）唔使醫生紙

網民A：一日病假都要醫生紙真係好反智，肚屙、嘔、發燒、頭暈或者經痛根本落唔到樓睇醫生！如果連續兩日請病假，是但一日睇醫生，喺病假紙寫返病假日子就得。單單一日嘅SL，公司可以Set返個每個月嘅Quota，最多一兩次，咁樣就已經可以杜絕濫用。有時覺得，Set規矩嘅人自己本身都係打工仔，真係「本是同根生，相煎何太急」。

網民B：其實全部訴求都冇問題，係啲好公司畀呢啲人玩爛咗……

1/ 近屋企嘅，打完卡就返屋企；

2/ 少少嘢唔管佢，就越嚟越過分；

3/ 有啲人唔單只唔OT，仲要辦公時間去買餸洗菜，喺Office煲埋湯；

4/ SL唔使佢畀醫生紙，就請一個星期SL去日本。

網民C：1/ 我返工一轉要個半鐘；

2/ 阿姐久唔久都打嚟問做緊咩，老細長期睇Cam，同人傾兩句偈，第二朝Briefing就會畀人話。生意唔好都會問點解會咁（根本就冇乜客行入嚟）；

3/ OT補鐘唔補錢，仲要補鐘嘅時間唔係你想邊日補就補，係佢哋安排你補，即日問今日補唔補鐘走。公司新年有兩日早收一個鐘，有兩日要OT一個鐘，話咁樣可以打和……

4/ SL要病假紙，扣當日人工仲要扣Bonus三分一，下個月仲會少一日假。

網民D：70後澳洲返工情況：

1/ 每星期3天WFH；

2/ 老細可以畀員工話返轉頭；

3/ 直頭叫你放工前10分鐘準備走，冇乜事就準時走；

4/ SL頭一天唔使醫生紙（1年有5次可以咁做）；

5/ 每個月有一天有薪假期；

6/ 做滿7年就有7個星期大假，之後每年加多5天大假。

網民E：有朋友以前就係經營緊呢啲咁好嘅公司，結果係點？同事之間完全冇合作，工作進度嚴重滯後。啲人唔承認自己有錯誤，叫唔到佢做嘢，越叫佢快啲就越慢。當急需要問佢哋攞資訊嘅時候，永遠唔聽電話，唔睇WhatsApp。之後叫佢哋日日返Office，但佢哋已經唔再係疫情之前嗰種返工嘅心態。結果公司就梗係入不敷出啦，無奈結業，佢哋就第一時間問遣散費幾多。求做老細嘅心理陰影面積……

網民F：80後一樣訴求，最憎Micromanager！冇遇到過公司一日SL要畀醫生紙，公司都盡量唔會要求同事OT。我喺香港做嘢嗰陣時，返工都係少過半個鐘車程，因為搵工嗰陣時會考慮呢一樣嘢。其實要求好普通，如果邊個覺得佢要求有問題嘅話，應該係間公司有問題。

網民G：我唔係00後，呢啲係基本打工嘅訴求。講真，邊個想日日OT？除咗返工，自己仲有好多嘢可以做。其實有時諗，呢個全職嘅概念究竟係幾遠古時候產生嘅？

網民H：見過有公司曾經出現過每個月有兩次SL唔使醫生紙，結果畀啲同事玩爛咗，唔夠兩個月取消咗。之後變成要SL當日6點前Send醫生紙，再變到3點前冇Send就計曠工。

網民I：當你做過大公司，見識過你啲同事可以點樣玩爛一條Rule，攪到攬炒時，就會明白真係每間公司啲規矩背後，一定係有啲離譜嘅事發生過。

網民J：除咗4，我間公司都滿足到以上需求。每日行返去20分鐘，有WFH同彈性上班時間。不過針冇兩頭利，就係冇咩晉升機會。

表達合理訴求 自覺維護良性職場

許多網民認為事主的要求十分合理，不只適用於00後，不同世代的打工仔都追求這樣的良性職場。亦有網民指出，事主的訴求本身很合理，然而在執行的過程中，有部分人濫用這些條件，影響工作效率和公司營運。

正如網民所言，這些所謂的「00後訴求」，其實是普遍打工仔對合理工作環境的共同期望。無論是便利的工作地點，適宜的管理風格，還是嚴格的放工時間和更人性化的病假制度，這些訴求都表達了打工仔對工作與生活平衡的重視。然而，這些訴求在實際執行中也面臨挑戰，如何避免制度被濫用，如何在彈性和效率之間取得平衡，需要打工仔的自覺，更需要企業思考全面的應對方案。

延伸閱讀：【GEN Z整頓職場】Z世代做老闆會好出色？用2萬5請FG、唔使OT、放工唔騷擾員工

+20

+19

延伸閱讀：【00後整頓職場】趕Project要加班？Gen Z懶理：瑜伽班就夠鐘 走先！身體健康最緊要！

延伸閱讀：【GEN Z整頓職場】80後打工仔欣賞Z世代工作態度：合理價錢換合理工作、學唔到嘢即走！唯一缺點係…

延伸閱讀：【00後返工】00後做咗好多上幾代唔敢做嘅嘢？網民列出3項力證00後整頓職場！

最新專訪片︰

【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪