【00後整頓職場】趕Project要加班？Gen Z懶理：瑜伽班就夠鐘 走先！身體健康最緊要！

隨着00後（Gen Z）世代加入職場，他們的工作態度和價值觀與傳統職場文化產生了顯著的碰撞。尤其在「加班」議題上，00後展現出更強烈的自主意識和對生活品質的追求。他們不再將加班視為理所當然，更勇於拒絕不合理的超時工作，追求工作與生活的平衡。這種「整頓職場」的現象，的確對許多在職場打滾多年的前輩帶來了不小的衝擊，也引發了關於工作倫理、企業文化以及世代差異的熱烈討論！

即睇事主在Threads上的發文及網民回應：（按圖了解）

+14

+13

事主：「講真，自從00後同事嚟咗，的確令我哋呢啲老餅有好多新衝擊。佢對『加班』嘅態度，令人羨慕又無奈。有次趕Project，大家都準備OT，佢突然收拾包包講：『唔好意思，我今晚有瑜伽班，就夠鐘，我要走先啦！』

我：『……你唔怕老細嬲咩？』

佢：『身體健康最緊要，工作係做唔完嘅，但瑜伽班唔可以miss。』

我：『……』

我想反駁，但佢又好似冇錯。

最後我繼續做嘢，佢就真係走了。」

網民：「又咁講，雖然個個老闆都話你OT係因為效率差，先要用多啲時間完成。但實際上，一講到要升職，如果兩個都可以完成到任務，但一個準時就走，一個願意OT，我覺得9成揀後者。因為老闆永遠唔會覺得有做完嘢嘅一日，唔係咩？」

網民：「拒絕上司 / 老闆嘅結果係咩? 利伸：未試過，最多推遲啲交貨咁解。」

網民：「想問一問大家講緊嘅OT係免費勞工定係有補水嘅？」

網民：「其實我真心唔明，點解準時放工要有罪疚感。我日日都早返過其他人，咁又唔見你讚我早返？唔好將Over Time合理化！」

網民：「照顧好自己心身，因為有事公司唔會養你成世。」

網民：「人哋鍾意點咪點囉，你想升職加薪，人哋想身體健康，大家都係朝自己目標努力啫。」

網民：「00後表示：有急切嘅OT我願意，1至2日留多半個鐘內我唔會計較任何補水，但如果份project/無厘頭OT，要我每日留多兩三個鐘，第二日冇得遲返/補錢我就睬你都傻，咁OT法對工作效率冇幫助。」

網民：「繼續支持00後，10年後00後會成為經理，到時要多謝佢哋！」

網民：「我80後，我鍾意OT就OT，準時走就準時走。」

網民：「老細要趕project，要員工返埋星期六日，有個新人提出法例不可以連續10多天工作不放假，結果呢？員工分開兩批，返星期六或者星期日，謝謝他呢！」

網民：「00後同事態度正確。」

網民：「而家已經有啲狂OT又收得平過你嘅專材，當你遇到佢哋嘅時候，你就會暗中懷念呢堆00。」

拒絕無償加班

拒絕無償加班，本來就是打工仔應有的權利。在追求work life balance的大趨勢下，我們不應助長OT（Overtime）文化。00後勇於表達自己拒絕OT的意願，或能打破職場惡性循環。

當然，在現實職場中，我們也需要衡量，拒絕OT是否會影響自己的職涯發展，老闆會否因此對自己有負面評價。不過，大家有權選擇適合自己的公司文化。如果老闆只以OT來評估員工的工作能力，這樣的公司可能也不是一個理想的選擇。最重要的是，找到一個能夠尊重員工權益、提倡健康工作環境的企業，才能實現個人價值與生活品質的雙贏。

延伸閱讀：【GEN Z整頓職場】80後打工仔欣賞Z世代工作態度：合理價錢換合理工作、學唔到嘢即走！唯一缺點係…

延伸閱讀：【00後返工】00後做咗好多上幾代唔敢做嘅嘢？網民列出3項力證00後整頓職場！

延伸閱讀：【Gen Z】00後去到幾時會辭職？Gen Z打工仔分享辭職臨界點 網民：又話整頓職場⋯⋯

最新專訪片︰

【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪