【面試經歷】求職者面試被主管勸退　仲車埋佢返屋企　事主：諗起都覺得不可思議

2024-07-29

相信人人都試過求職面試，但面試後竟被面試官接送回家，應該是相當稀見的經歷。台灣一名求職者在網上討論區「Dcard」發文，分享自己到傳統產業面試的過程，面試結束後更獲得主管的私人聯絡方式，以及獲主管接送回家，令事主不禁感嘆：「回想起來仍覺得這真是不可思議的遭遇！」

按圖睇樓主及網民回應：

樓主：我早排去咗間傳統產業面試，主管見到我CV之後，覺得好驚訝，唔明點解我會想入佢哋間公司，面試期間亦一路勸退我，話我仲後生，最好考慮多陣先。我嗰陣其實已經待業兩個月，所以表現得好積極，因為我心諗份工人工雖然唔高，但係聽落都好輕鬆。

主管都有帶我參選廠房，傾咗大概3個鐘，連佢都準備要收工。後來佢知道我過嚟嗰陣係搭巴士再行過嚟，佢就主動提議要車我返屋企，我當下聽到即刻呆咗，由於唔知點拒絕好，所以就話好。

佢車我返屋企嗰陣，主管一路分享咗好多佢過去做嘢嘅經驗，話呢間公司啱我年紀大咗去退休養老，唔啱後生做。後尾我仲加咗佢電話號碼，雖然最後冇揀呢間公司，但諗返起都覺得呢個面試經歷真係好不可思議。

網民A：聽落係一個好好嘅主管，可能覺得你能力唔只咁樣，想你去外面好好發展，當咗你係自己仔囡咁看待。

網民B：可能當咗你係小朋友，覺得呢度唔係你應該入嚟做嘅地方。

網民C：傳統產業成日都會有啲老師博睇唔起人，真係想做傳統產業嘅話要小心啲。

網民D：肯車求職者返屋企嘅主管都係一個好上司！

網民E：放手畀你去更好嘅地方發展，覺得你唔應該留喺呢度限制你嘅能力，真係好有心！

網民F：如果樓主係女仔，可能件事發展會唔一樣。

網民G：樓主讀國立臺灣大學咁叻仔！你啱啱畢業，可能唔知呢個社會對台大係幾咁寄予厚望，喺學校覺得自己好廢，但其實社會其他人覺得你好犀利。

不少網民都認為事主遇到一名好主管，因為對方切實為求職者着想，更願意分享自己的人生經驗，期望求職者能夠成長。如果你也想找到一個好上司的話，，不妨參考一下好上司面相：

睇埋好上司應該有咩特質：

延伸閱讀：【上司下屬關係】盤點17種極品上司網民：我個上司有晒呢17個問題……

Tags︰

Look out for further updates on our Facebook fan page!

Get latest jobs,career news and
job invitations on-the-go.