【職場熱話】面試被HR奚落 點知部門大佬幫自己出頭！炮轟HR兼趕佢出房！

對於求職者來說，面試是找工作過程中最關鍵的一步。然而，很多人都會因為緊張而感到壓力重重，尤其是當面對HR的審問時，有時會覺得自己像是在跟對方進行一場角力戰。不僅如此，有些求職者還分享了他們在面試中遭遇HR不客氣的態度，甚至受到奚落的經歷，令他們產生了恐懼和焦慮。

延伸閱讀：【職場技能】同事連word都唔識用 仲走去問IT同事！IT：佢問點解word開唔到PDF…

然而，近日卻有一則令人感動的故事出現，有網民在社交平台專頁「奴工處」上投稿分享，以「見工被HR刁難，個部門大佬竟然趕咗個HR出去」為題並指一次面試中，一位部門主管在面試中幫助被HR奚落的事主出頭，並「炮轟」了HR的行為！令不少網民都感到大快人心，不過亦有網民覺得，這背後會否其實另有內情或陰謀？

即睇事主分享及網民回應：（按圖了解）

+17

+16

事主：「唔知算唔算暖心事，曾經去見工同時見HR同個部門大佬，個HR把口都幾衰又批評我學歷，又話我唔值呢個價，又問埋啲擺明為難我嘅問題。個部門大佬竟然突然當我面話個HR，話值唔值係佢決定唔係個HR話事，然後同個HR講呢啲專業工種唔需要佢見，叫佢出返去！個HR面都黑埋離開咗間房，然後全程個部門大佬都好尊重好有禮咁in我，最後佢請咗我，但我因為有另一Offer冇接受。」

網民：「HR原意係為公司搵到適合嘅人，唔知由幾時開始就變咗外行管內行、專門埋沒人才，明明唔係大權但又可以操interviewee生殺大權。」
網民：「通常分開見，過到HR，先有機會見部門大佬。」
網民：「呢個老細/上司值得跟！」 
網民：「上司格局夠大，跟佢做嘢實學到好多嘢。」
網民：「呢個部門大佬好正氣！如果跟佢應該幾正。」
網民：「其實跟到一個好上司真係會學到好多嘢。」
網民：「HR：唔刁難吓你，我點等到Lunch收工？又可以繼續扮請唔到人繼續！仲幫老細慳返筆，仲擦到鞋！」
網民：「而家啲HR好狠，佢哋好似代表晒一間公司咁管晒所有人，好似太監內吏咁玩內政，又唔係搵生意⋯⋯仲要！阻住我哋整埋啲regulations，阻住我搵生意同減低我工作效率。」
網民：「客觀啲睇，其實各個行業都係有做得好和做得差嘅人。正常嘅 HR 根本唔會喺 interview 時批評個 candidate，因真係無原因及無必要；而喺正常公司，HR 就真係負責 HR 嘅嘢，無得管其他 HR 以外嘅嘢。而一般嘅正常公司和大集團，HR interview 完會同 related Dept. 講返個candidate interview 時嘅表現及畀返意見畀請人嗰個 Dept. 知，但係會由個 Dept. 決定再見唔見個 candidate，所以唔會由 HR 話點就點。」
網民：「其實部門大佬出個offer仲低個HR，兩個夾理做場戲。」
網民：「我覺得個HR想㩒低人工budget，我係個team head我都會出手阻止，因為會影響成team嘅budget。」
網民：「呢種情況感覺難過中六合彩，可能個部門大佬準備都唔撈，搵多個人交人頭。」
網民：「佢哋最叻咪問你『點解要請你？』」

離不開尊重
雖然一些人懷疑這可能只是部門主管和HR訂好的劇本，最終目標是降低事主的人工，但更多的人欣賞部門主管出頭為求職者說話的勇氣和決心。他的做法表明，HR需要更加重視尋找優秀人才的目標，而不僅僅是在審問求職者的過程中考慮降低人工成本。

最重要的是，HR應該尊重求職者，理解他們的需求和擔憂，為他們提供更好的面試體驗。僅有這樣，公司才能吸引到最優秀的人才，並建立一個更加積極和有成效的工作文化！

延伸閱讀：【職場技能】同事連word都唔識用 仲走去問IT同事！IT：佢問點解word開唔到PDF…

+16

+15

延伸閱讀：【辭職學問】00後用WhatsApp講辭職被指「0尊」！辭職信要點遞先正確？
延伸閱讀：【職場文化】你身邊有冇「職場巨嬰」？苦主大哭訴：伸手黨唔用腦、冇禮貌、多藉口…
延伸閱讀：【職場兩性】同事係咪唔應該發生進一步關係？網民：拍拖會有好多掣肘！

最新專訪片︰

【星級斜槓族】Shirley陳欣妍積極經營YouTube展現最真實自我 孖男友沈震軒升呢健身室老闆

⏩⏩  需要請人？立即刊登招聘廣告！  ⏪⏪