【面試奇怪事】見見吓工 HR突然要求求職者展示歌喉！事主大嘆：我又唔係要做歌手 叫我唱歌係咩事……

打工仔為求獲得工作機會，都會在面試時做足準備，希望獲得面試官的青睞。不過，即使做再多的準備，打工仔面試時總需要應付突如其來的問題，有時更會令你措手不及。

近日，有網民於香港討論區發文，指自己面試過程十分正常，但談論到興趣時，事主如實回答喜歡聽歌，面試官突然要求事主高歌一曲，令到他感到錯愕，因此發文詢問網友見工時有否遇過相似的奇怪經歷。

延伸閱讀：【祼辭搵工】衝動辭職後提唔起勁搵工？求職者見工感焦慮！網民：拎到Offer都唔想返工！

按圖了解網民回應：

+14

+13

事主：呢排去見工，第一次遇到咁奇怪嘅面試，一開始見嗰陣都正正常常，叫我介紹吓自己咁。我提到平時自己鍾意聽歌，HR就問我鍾意聽咩歌，叫我講2首最鍾意嘅歌。

咁我就講咗我鍾意陳奕迅嘅夕陽無限好同埋單車，之後HR突然叫我唱2句畀佢聽吓……當刻我打咗個突，做咩無啦啦見工叫我唱歌，我又唔係見歌手，見文職工啫……最後我都屈服，唱咗2、3句，唔係真係唔知點完埸，但係唱完之後佢問嘅問題又好正常。想問吓你哋面試有無遇過啲咩奇怪嘢？

網民A：咁搞笑！

網民B：擺明玩你啦！

網民C：其實就唔太奇怪嘅，可能想睇吓你個人係點：你話鍾意聽某歌手啲歌，但唱唔出歌詞，會對你誠信存疑；想了解你對自己鍾意嘅事係咪好認真咁看待，嚟判斷你嘅勤奮度；睇你個人自唔自信同有無社交能力。

網民D：如果係你自己話鍾意唱歌，唔怪得人叫你唱喎。唱歌呢啲嘢喺邊都唱得，好難有藉口唔唱！除非你話鍾意跳拉丁舞，咁可以話一個人跳唔到。

網民E：個HR似係想考你反應？

網民F：根本就係個HR有心玩嘢，佢哋最鍾意玩人嚟令自己解壓同有嘢笑吓！

網民G：我以前做HR嘅朋友都會玩吓人，因為佢哋日日見咁多人有時都會悶，例如見到靚女會專登傾耐啲、見到唔啱心水嘅應徵者就會玩吓佢哋。如果first in已經玩你，證明你機會都好細，唔會再有機會見佢哋部門主管或者老細，祝你好運！

網民H：可能HR諗住搵定下年春茗表演項目同人選。

網民I：見你個HR都幾搞笑喎！

網民J：而家啲HR咁㗎咩……

網民K：佢都係想你見工過程輕鬆啲，唔使咁大驚小怪喎。

延伸閱讀：【職場熱話】見工時講嘅人工同簽約唔同！你會點做？網民：少咗絕對唔簽！

對於事主的分享，不少網民都感到十分同情，認為事主遭到面試官玩弄，以解他工作的苦悶，直斥面試官以捉弄事主為樂，有違其專業表現。不過，有部分網民認為，面試官是希望透過此舉來評核事主，觀察事主是否持認真的態度看待興趣、有否足夠的自信心、應變能力，以及社交能力等，有否足夠能力勝任面試職位。

另外，有部分網民認為整個面試過程大致正常，很有可能是面試官聽到事主有唱歌的興趣，因此藉此機會測試事主的唱歌水平，看看公司舉辦春茗時能否獲得合適的人選。

延伸閲讀：【見工面試】點解HR咁鍾意問真空期做過乜？冇做嘢一年要點解釋？

按圖即看見工身穿西裝卻遭到HR嘲諷：

+12

+11

延伸閲讀：【見工面試】面試官態度差兼冇禮貌 求職者嬲到想拍枱走！其實點處理先啱？

按圖即看見工被HR奚落但部門上司竟挺身出頭：

+18

+17

延伸閲讀：【人工報大數犯唔犯法？】打工仔稱面試時人工報大數 網民質疑：新公司唔Check咩？

最新專訪片︰

【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪